Gálatas 1:2 - Nuevo Testamento Uwotjüja

² Te'äwuösä ji̧nä̧ yo̧mȩtȩnä̧, chawaruwä chi̧jä̧wa̧tu̧ku̧ ukuturu Galacia rȩjȩttü̧, igresia wotürü:

TÄ̧DO Ä̧CUÄ̧ I̧HUȨNȨ

² Ttö'inä tö̧jä̧hua̧tö̧ chö̧jo̧mȩ ka̧cuä̧tö̧cu̧ huȩyu̧tu̧ hue'ätöjä pi̧yȩ huȩnȩ Galacia rȩjȩnä̧ ka̧cuä̧tö̧rö̧ iglesia ruhuärö ttucuocua pä'ö.

Gálatas 1:2 Referans Kwoze

Filipenses 4:21

O'katoi'ünä̧ Jesucrito-rü esetinä̧tü̧rü̧ tekuäwätukua pä'ü we'üsä. Ttüku kka̧kuä̧tü̧'i̧nä̧ esetinä̧tü̧mä̧ ukuturu te'äwätü.

1 Corintios 16:1

Ja̧'wa̧ta̧nü̧ surojüttü rä'epü ikuinä̧u̧ru̧ ppädäkuäwä ofrenda-mä̧, ukutu'i̧nä̧ jȩpä̧tu̧kui̧ Galacia igresia isotürü wedinü̧ta'anü̧.

Filipenses 2:22

Ja̧'wa̧nü̧ ja̧'a̧nä̧, täkü wo̧juä̧tü̧jä̧ Timoteo adiu jȩü̧ tü'kümä̧ ja̧'wa̧ta̧nü̧ wo̧juä̧tü̧jä̧ chi̧tti̧ 'kua̧rü̧nä̧ Dio i̧wȩnȩ jidäwa'anä̧ ttürü ppädärä̧'i̧jü̧mä̧.

Hechos 18:23

Juȩnȩ a̧'u̧kua̧'a̧tä̧ kkä̧ji̧'ka̧, esetinä̧tü̧rü̧ yaboku wo̧juȩtü̧ 'chä̧nü̧ rä'opinü̧ Galacia rȩjȩnä̧'i̧nä̧ ja̧'wa̧ta̧nü̧ Frigia rȩjȩnä̧'i̧nä̧, ji̧yȩku̧pü̧nä̧.

Hechos 15:41

Ja̧'wa̧nü̧ ja̧'a̧mä̧, Siria rȩjȩnä̧'i̧nä̧, Ciricia rȩjȩnä̧'i̧nä̧ 'kuä'opü ji'äwinä̧tü̧ tteseäkuäwünä̧, igresia wotü ttü̧ja̧kuo̧mȩmä̧.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Gálatas 3:1

¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.