Gálatas 1:17 - Nuevo Testamento Uwotjüja

¹⁷ ja̧'wa̧ta̧nü̧ Jerusarȩ́-ra̧'a̧'i̧nä̧, chä'kanä̧ Apótore-rümä̧ topü 'cho̧kü̧ pinü̧sä̧; ja̧'wa̧nü̧ jo̧ka̧'a̧ Arabia rȩjȩra̧'a̧tä̧ i̧u̧ i̧wi̧nü̧'ka̧, Damasco-ra̧'a̧tä̧ pä'äjita'anü̧ ppa̧'ä̧chi̧nü̧sä̧.

TÄ̧DO Ä̧CUÄ̧ I̧HUȨNȨ

¹⁷ Ttö ä'canä Jesús hue'ähuotö pi̧nä̧tö̧rö̧'i̧nä̧ topö 'cho̧cö̧ pi̧nö̧sä̧ Jerusalén ötahuiyära̧'a̧. Ja̧'hua̧nö̧ ja̧'a̧nä̧ recuo tta̧huä̧rä̧cuä̧huä̧ juiyönä Arabia rȩjȩra̧'a̧tä̧ i̧huä̧ji̧nö̧sä̧. Ju̧huȩnȩ o'comenä, Damasco ötahuiyära̧'a̧ ppa̧'ä̧chi̧nö̧sä̧.

Gálatas 1:17 Referans Kwoze

Gálatas 1:18

Ja̧'wa̧nü̧ ji̧na̧'a̧ttü̧mä̧, wäbodäkuä a̧'ȩ o'ka'a, Peduru-rü topü 'chä̧nü̧ Jerusarȩ́-ra̧'a̧ku̧ 'cha'ächinü̧sä̧, ja̧'wa̧nü̧ ja̧'a̧ jua̧u̧ku̧mä̧ ttü̧jä̧pü̧ttü̧nü̧ ji̧mü̧tȩ mo̧ro̧ jo̧mȩnä̧ kki̧nü̧sä̧;

Hechos 9:2

wȩyu̧kuojä iyü wearü pä'ü jä'epinü̧, Damasco ütawiyänä̧ sinagogas odewiyättü Jesucrito-rü esetätürümä̧, u̧mä̧tü̧rü̧'i̧nä̧, nä̧tü̧rü̧'i̧nä̧ Jerusarȩ́-nä̧ kärenä̧ ütä'cha pä'ü, ü̧ka̧ka̧tä̧ja̧ pä'ü.

Hechos 9:8

Ja̧'wa̧nü̧ jä̧jí̧ o'ka'a Sauro-mä̧ rȩjȩttü̧ ä̧rä̧mi̧'ü̧, i'äre yeädomȩnä̧, toü juiyünä̧ ji̧nä̧ku̧. Ja̧'wa̧nü̧ ji̧yä̧u̧ u̧mü̧ttü̧tä̧ ȩpü̧ Damasco ütawiyära̧'a̧ tti'kächinä̧ku̧.

Hechos 9:10

Ja̧'wa̧nü̧ ja̧'a̧ Damasco ütawiyänä̧ ya̧tȩ kki̧nü̧, Jesucrito-rü esetü, Ananía pä'ü mi̧kua̧, jua̧u̧ru̧ Tu̧ru̧wa̧mä̧ 'kuo̧ti̧nä̧ jä̧'i̧nü̧'a̧nü̧ i̧jȩku̧ päinä̧ku̧: —«¡Ananía!» woäku, ädätinä̧ku̧: —«Pȩnȩtä̧ kkü̧sä̧, Chu̧ru̧wa̧,» ädätäku,

Hechos 9:19

Ja̧'wa̧nü̧ jä̧ji̧ o'ka'a u̧kuȩ kui'ipü ujuru ȩmi̧nü̧. Juȩnȩ Damasco-nä̧mä̧, a̧'u̧ku̧nä̧tä̧ mo̧ro̧ kki̧nü̧ Jesucrito-rü esetätukumä̧.