Gálatas 1:13 - Nuevo Testamento Uwotjüja

¹³ Isopäi'ünä̧ ukutumä̧ ä̧ju̧kui̧nä̧tü̧jä̧ judío jäwänä̧ kkä̧nü̧, ä'koji jȩchi̧nü̧mä̧ ja̧'wa̧ta̧nü̧ wo̧juä̧tü̧jä̧ Dio-rü esetätürü si'epü chikua pä'ü suronä̧ jȩchi̧nü̧'i̧nä̧.

TÄ̧DO Ä̧CUÄ̧ I̧HUȨNȨ

¹³ Ucutu täcö ä̧ju̧cui̧nä̧tö̧jä̧ ttö ä'coji chö̧ji̧nö̧ huȩnȩ, judíos ttö̧ja̧ ttesetinö jȩchi̧nö̧ huȩnȩ. Ja̧'hua̧ta̧nö̧ huo̧juä̧tö̧jä̧, Diosrö esetätörö ra̧huä̧rö̧ suronä jȩchi̧nö̧. Yoröiso toönä bettipächa pä'ö amöcuädö jȩpi̧nö̧sä̧.

Gálatas 1:13 Referans Kwoze

Hechos 8:3

Ja̧'wa̧nü̧ jȩpü̧ Sauro-mä̧, Jesucrito-rü esetätürü usurä ttȩmä̧u̧nä̧ jȩpi̧nü̧, u̧mä̧tü̧rü̧'i̧nä̧, nä̧tü̧rü̧'i̧nä̧ dodottünä̧ jȩpü̧, kärenä̧ rütä'chinü jȩpi̧nü̧.

1 Corintios 15:9

Jua'amä̧, ttümä̧ apótorettümä̧ juiyo a̧'u̧kua̧sä̧, apóto pättü juiyü'anü̧'i̧nä̧ wa̧sä̧, Dio iäre igresia isotürü suronä̧ jȩttü̧nä̧ wedina̧'a̧ttü̧.

Hechos 9:26

Ja̧'wa̧nü̧ jä̧ja̧'a̧ Sauro-mä̧, Jerusarȩ́-nä̧ 'chä̧wi̧'ü̧ Jesucrito-rü esetätüku ka̧ka̧kui̧'ü̧ ü̧'ä̧mä̧da̧ päja'amä̧; o'katoi'ünä̧ yettekuinä̧ku̧, Jesucrito-rümä̧ esetokü 'kua̧ra̧'a̧ pä'ü.

Hechos 9:21

Ja̧'wa̧nü̧ jiäwiyä̧u̧, to̧o̧ to̧pä̧rü̧ kkä̧nü̧ pä'inä̧tü̧: —¿Chujuatä jo̧ka̧'a̧ Jerusarȩ́-ttü̧, Jesú-ru esetätürü suronä̧ jȩpü̧ ya̧'a̧wä̧'i̧jü̧mä̧? ¿Ja̧'wa̧ta̧nü̧ jua̧u̧tä̧ jo̧ka̧'a̧, sacerdote tturuwotü weäwänä̧, kärenä̧ ttüta pä'ü 'chu'chäu ichäjimä̧?

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

Filipenses 3:6

Päte'üra̧'a̧ esetü, igresia wotürü suronä̧ jȩpü̧ ru̧'ä̧ri̧nü̧sä̧, weäwä wȩnȩ ukuotü. Ja̧'wa̧nü̧ ja̧'a̧ttü̧ weäwä wȩnȩ chukuotokü ji̧nü̧ pä'ätümä̧ ya̧tȩ'i̧nä̧ toa'a.

Hechos 8:1

Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.

1 Corintios 10:32

Judío'i̧nä̧, judío pokotürü'i̧nä̧, ja̧'wa̧ta̧nü̧ Dio iäre igresia isotürü'i̧nä̧ surojü jü̧nä̧ jȩ'kuä̧tu̧kuä̧.

1 Timoteo 1:14

Ja̧'wa̧nü̧ ja̧'a̧ttü̧ Dio-mä̧ rü̧ä̧nä̧ repe'ümä̧ suronä̧ jȩchä̧'i̧jü̧'i̧nä̧ jȩpü̧ iku, Jesucrito-nä̧tä̧ tta̧'kua̧ wȩnä̧rä̧kuä̧wä̧'i̧nä̧ eseu repeäkuäwä'i̧nä̧ iyinä̧ku̧sä̧.