Filipenses 4:7 - Nuevo Testamento Uwotjüja

⁷ Ja̧'wa̧nü̧ jȩ'kuä̧tu̧kuo̧mȩnä̧, Dio-mä̧ wȩnȩ juiyünä̧ kkä̧kuä̧wä̧ i̧yä̧kuä̧, jua̧u̧mä̧ pi̧jä̧ ttü̧ja̧ jäwättü'i̧nä̧ abonä̧nü̧ jü̧ jäwä; tta̧wä̧rä̧kuȩ kua̧mi̧ iso'kituku'i̧nä̧, kuamükuädätuku'i̧nä̧, Crito Jesú-nä̧tä̧.

TÄ̧DO Ä̧CUÄ̧ I̧HUȨNȨ

⁷ Ja̧'hua̧ ja̧'a̧ttö̧ Dios ttö̧ja̧'i̧nä̧ yoröiso ttierunä i̧yä̧cua̧ ucuturu cuami iso'quitucunä eseäcuähuä. Ucutu Cristo Jesúsru cuesetätucuomenä, ja̧u̧ eseäcuähuä cuami iso'quitucunä'inä, cuamöcuädätucunä'inä tta̧huä̧rä̧cua̧.

Filipenses 4:7 Referans Kwoze

San Juan 14:27

Wȩnȩ juiyünä̧ kkä̧kuä̧wä̧ kku̧ni̧pü̧ chi̧yä̧u̧jä̧; Dio-rü esetokotü ttiyü'anü̧mä̧ chi̧yo̧ko̧u̧jä̧. Kua̧mi̧ iso'kitukunä̧mä̧ yekuekuätukuä.

2 Tesalonicenses 3:16

Ja̧'wa̧ta̧nü̧ chutä Tu̧ru̧wa̧tä̧ wȩnȩ juiyünä̧ kkä̧kuä̧wä̧ i̧sa̧ ja̧'a̧ttü̧, kkoromȩttü̧'i̧nä̧ 'kuäopünä̧tä̧ unichä̧rü̧ ku̧jä̧tu̧ku̧nä̧ ppä̧dä̧kuä̧u̧jä̧. Tu̧ru̧wa̧mä̧ 'kuäopünä̧tä̧ ü̧jä̧kua̧, ukutu o'katoi'ünä̧ku̧.

Colosenses 3:15

Ja̧'wa̧ta̧nü̧ Crito jäwä wȩnȩ juiyünä̧ kua̧mi̧ iso'kitukunä̧ wea'anä̧ kka̧kuä̧tu̧kui̧. Isopäi'ünä̧ Dio-mä̧ ji̧nä̧ yotüte jü̧nä̧ tü̧ja̧kua̧ pä'ü woinä̧u̧jä̧. Ja̧'wa̧nü̧ Churutä eseutä.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

Romanos 8:6

Isopäi'ünä̧ ttidepä wea'anä̧ ttü̧jo̧mȩnä̧mä̧ wa'aretä ja̧'a̧ ja̧'wa̧nü̧ ja̧'a̧nä̧ Epíritu jäwänä̧ ttü̧ja̧kuo̧mȩnä̧mä̧ wȩnȩ juiyünä̧, a̧'kua̧rü̧ kkä̧kuä̧wä̧ ja̧'a̧.

Romanos 5:1

Ji̧yȩnä̧tä̧ ta̧'kua̧ tu̧wȩnä̧rü̧nä̧, surojü jui'ätü jü̧nä̧ jȩpü̧ ikuinä̧u̧jä̧, Dio-kumä̧ eseäkuäwä tu̧ju̧nä̧rü̧nä̧ Jesucrito-nä̧mä̧.

Efesios 3:19

Ja̧'wa̧ta̧nü̧ Crito rȩrü̧jü̧ toinü̧ ku̧wo̧juä̧tu̧kuä̧kua̧'a̧nü̧, wo̧juä̧wä̧ u̧wä̧mȩnä̧ ja̧'a̧, Dio ukuturu iya päinü̧mä̧ o'kajuiyü jo̧mȩnü̧tä̧ kuȩmä̧tu̧kua̧ pä'ü.

Romanos 14:17

Isopäi'ünä̧ Ru̧wa̧ Dio uruwo weümä̧ kuäkuäwämä̧kü̧ ja̧'a̧ ja̧'wa̧ta̧nü̧ awäwämä̧kü̧ ja̧'a̧ ja̧'wa̧nü̧ ja̧jü̧jueimä̧ adiu jȩä̧kuä̧wä̧tä̧, rowäkuäwä juiyünä̧ kkä̧kuä̧wä̧tä̧ ja̧'wa̧ta̧nü̧ Epíritu Sa̧tu̧nä̧ eseäkuäwätä ja̧'a̧.

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

San Lucas 1:79

Rü̧ȩnä̧ yo̧ü̧nä̧ kka̧kuä̧tü̧rü̧ ja̧'wa̧ta̧nü̧ wa'are ujurunä̧ kka̧kuä̧tü̧rü̧ tȩya̧u̧ i'chächü iya pä'ü. Ja̧'wa̧ta̧nü̧ wȩnȩ jui̧yä̧mä̧nä̧ ti̧'chü̧nä̧ weye juoepa pä'ü.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

Filipenses 4:9

Ttüttü ku̧wo̧jui̧'i̧nä̧tu̧ku̧mä̧, kuȩmi̧nä̧tu̧ku̧mä̧, kuä̧ju̧kui̧nä̧tu̧ku̧mä̧ jȩpä̧tu̧kui̧; ja̧'wa̧nü̧ jȩ'kuä̧tu̧kuo̧mȩnä̧, Dio wȩnȩ juiyünä̧ kkä̧kuä̧wä̧ iyümä̧ 'kuäopünä̧ ukututäku ü̧jä̧kua̧.

Romanos 1:7

Ukutu Roma-nä̧ kka̧kuä̧tü̧ o'katoi'ünä̧, Dio surojü juiyünä̧ ku̧jä̧tu̧kua̧ pä'ü pojopü ȩmi̧nä̧u̧ru̧ pä'üsä: Jä'o Dio ja̧'wa̧ta̧nü̧ Tu̧ru̧wa̧ Jesucrito iyü adiwä juei wȩnȩ juiyü kkä̧tu̧kua̧ku̧ pä'üsä.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

Apocalipsis 2:17

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Surojü abo 'kuä'o'ü iso juo'epürümä̧, maná pättü dajü kku̧nä̧wä̧ttü̧ ukua pä'ü chi̧yä̧kua̧; ja̧'wa̧ta̧nü̧ ido'ki a̧'u̧kuo'ki teo'ki'i̧nä̧ chi̧yä̧kua̧, ji̧yȩtȩ i̧mi̧ jareü wȩyu̧kua̧'a̧ po̧'ki, jua̧u̧ i̧mi̧mä̧ ya̧tȩ'i̧nä̧ jȩru̧pa̧, chutä juo'ki ȩmü̧tä̧tä̧ u̧wo̧juä̧kua̧.

Judas 1:1

Ttü Juda, Jesucrito u̧mü̧wä̧ya̧ jü̧nä̧ wa̧ ja̧'wa̧ta̧nü̧ Sa̧ti̧a̧ku̧'i̧nä̧ ü̧jä̧wa̧, chi̧wȩnȩ we'üsä: ukutu Jä'o Dio repe'ü ȩmi̧nä̧u̧ru̧ ja̧'wa̧ta̧nü̧ Jesucrito-nä̧ tta̧wä̧rä̧u̧ru̧.

Filipenses 1:2

Tä'o Dio rȩrü̧jü̧ toü'i̧nä̧, wȩnȩ juiyünä̧ kkä̧kuä̧wä̧ iyü'i̧nä̧, ukutunä̧ kka̧ pä'ätüjä̧.

2 Corintios 10:5

ttü̧ja̧ ttu̧wo̧juö̧'i̧nä̧, Dio-rü wo̧jui̧'ü̧ jui'ü rowäwäkuäwä'i̧nä̧ o'kajuiyütä si'epü iku, 'chu'ädü rütü yaboku 'chä̧tü̧jä̧ Crito-rü ukuotümä̧,

Filipenses 1:1

Chawaruwä chi̧jä̧wa̧tü̧, Filipo ütawiyänä̧ kka̧kuä̧tü̧rü̧, diákunu̧ wotürü'i̧nä̧, Pató-tü̧ wotürü'i̧nä̧, te'äwätüjä̧, ujutu Jesucrito umüwäyotü päi'ünä̧ wotü Pauru'i̧nä̧, Timoteo'i̧nä̧ Jü̧nä̧.

Filipenses 4:19

Ja̧'wa̧nü̧ ja̧'a̧ttü̧, Chu̧ru̧wa̧ Dio-tä, ukuturu rekuä rü̧jü̧mä̧ o'kajuiyünä̧ ppä̧dä̧kuä̧u̧jä̧, Crito Jesú ukuo jäwänä̧.

Filipenses 4:21

O'katoi'ünä̧ Jesucrito-rü esetinä̧tü̧rü̧ tekuäwätukua pä'ü we'üsä. Ttüku kka̧kuä̧tü̧'i̧nä̧ esetinä̧tü̧mä̧ ukuturu te'äwätü.