Filipenses 4:6 - Nuevo Testamento Uwotjüja

⁶ Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.

TÄ̧DO Ä̧CUÄ̧ I̧HUȨNȨ

⁶ Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.

Filipenses 4:6 Referans Kwoze

1 Pedro 5:7

O'kajuiyünä̧ kua̧'kua̧ rokuekuätukumä̧ Dio-rütä iyätukui, jua'amä̧ ukuturu tta̧wä̧ra̧'a̧ttü̧.

San Mateo 6:8

Juätü jü̧'a̧nü̧mä̧ kuätukuä, jua'amä̧ Kuä'o Dio tukumä̧ ukuturu rekuä rü̧jü̧ jäkuepätukuäkua'a ä'kanä̧ täkü u̧wo̧jua̧'a̧ttü̧.

Colosenses 4:2

Käkuädi'ätukuoka'a, yabonü̧ Dio-rü ukuokuätukui. 'Kuäopünä̧ tta̧'a̧rä̧kuä̧u̧ Dio-rü esewätukui.

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

Colosenses 3:17

Ja̧'wa̧ta̧nü̧ o'kajuiyünä̧ jȩ'kuä̧tu̧ku̧'i̧nä̧, kukuokuätuku'i̧nä̧ Tu̧ru̧wa̧ Jesú i̧mi̧nä̧ jȩpä̧tu̧kui̧, Crito jȩi̧nü̧ esewätukui jä'o Dio-rümä̧.

San Lucas 18:1

Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧.

San Lucas 12:22

Jua̧u̧nü̧ o'ka'a Jesú-mä̧ u̧wo̧juȩtä̧u̧rü pä'inü̧: Pi̧yȩ ukuturu pä'üsä: Kua̧'kua̧rä̧tu̧ku̧ jäwämä̧, kua̧'kua̧ rokuekuätukuä, däjé chukuäkua'ajó pä'ümä̧; ja̧'wa̧ta̧nü̧ kuidepätuku jäwä'i̧nä̧, däjé chü̧'ka̧tä̧wä̧kua̧'a̧jó pä'ümä̧.

Colosenses 3:15

Ja̧'wa̧ta̧nü̧ Crito jäwä wȩnȩ juiyünä̧ kua̧mi̧ iso'kitukunä̧ wea'anä̧ kka̧kuä̧tu̧kui̧. Isopäi'ünä̧ Dio-mä̧ ji̧nä̧ yotüte jü̧nä̧ tü̧ja̧kua̧ pä'ü woinä̧u̧jä̧. Ja̧'wa̧nü̧ Churutä eseutä.

Efesios 5:20

O'kajuiyünä̧tä̧ 'kuäopümä̧ Tä'o Dio-rü esewätukui, Tu̧ru̧wa̧ Jesucrito i̧mi̧nä̧.

San Lucas 10:41

Päjiyäku, Jesú-mä̧ ädätinä̧kua̧: —Marta, Marta kuaditäwänä̧tä̧ kua̧'kua̧ ro'ekuäjujä̧.

San Lucas 18:7

Ja̧'wa̧nü̧ wokü'i̧nä̧ jȩi̧na̧'a̧mä̧, ¿Dio ȩmi̧nä̧u̧ru̧mä̧, mo̧ro̧'i̧nä̧, yodo'i̧nä̧ jä̧'ȩpä̧tü̧rü̧mä̧ ppä'ädokü jä̧kua̧? ¿rekuo tta̧ttä̧rü̧nä̧ jȩä̧kua̧'a̧ ja̧'a̧?

San Mateo 10:19

Ja̧'wa̧nü̧ ja̧'a̧nä̧, iyü ttikuomenä̧mä̧ däjé jidäwäkua'ajó, toku jidäwäkua'ajó pä'ümä̧ kua̧'kua̧ tta̧kuȩkuä̧tu̧kuä̧, jua̧u̧nü̧ kukuokuätukuä̧kuȩmä̧ i̧yä̧wi̧'ä̧kuä̧u̧jä̧.

San Lucas 12:29

Ja̧'wa̧nü̧ ja̧'a̧ttü̧, kua̧'kua̧ tta̧kuȩkuä̧tu̧kuä̧, däjé tukuäkua'ajó ja̧'wa̧ta̧nü̧ däjé tawäkua'ajó pä'ü, kua̧'kua̧ ro'ekumä̧.

2 Corintios 1:11

ujuturu, Dio-rü ukuoku ppä'ädätukuitü. Isopäi'ünä̧ rekuätü Dio-rü kukuokuätukuttümä̧, rekuätü Dio-rü ukuoku tteseäkuäwäkuä̧u̧jä̧ ja̧'wa̧ta̧nü̧ Dio-rü ttesewäkuotü adiu ppäda'attü.

1 Corintios 7:32

Ttümä̧ kua̧'kua̧ roekuäkuäwä juiyünä̧ ku̧jä̧tu̧kua̧ pä'üsä. Irekua to̧'a̧mä̧ Tu̧ru̧wa̧ jäwätä a̧'kua̧ ro'eku, jua̧u̧ esewomȩnä̧ ü̧ja̧ pä'ü.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

1 Corintios 7:21

¿Esclavo pättäku jü̧nä̧ ku̧ja̧'a̧ woinü̧ttü̧mä̧? kua̧'kua̧ tta̧kuȩkuä̧; ja̧'wa̧nü̧ ja̧'a̧nä̧, jua̧u̧ttü̧ räkuopächü'anü̧ jü̧ttü̧mä̧, kusu'anü̧ ja̧'a̧.

San Mateo 6:34

Ja̧'wa̧nü̧ ja̧'a̧ttü̧ yo̧i̧mo̧ro̧ 'kuäopäkuȩmä̧ kua̧'kua̧ rokuekuätukuä, suro ji̧yȩ mo̧ro̧tä̧'i̧nä̧ surojü tta̧'kua̧ roekuäkuäwämä̧ kka̧'a̧.

1 Timoteo 2:1

Kkorottü abonä̧nü̧ ä̧kuo̧mȩnä̧mä̧, rekuä rü̧jü̧ jä'epätukui, Juȩnȩ o'komenä̧tä̧ pi̧jä̧ ttü̧ja̧ o'katoi'ünä̧rü̧ ppädäji eseu ukuokuätukuirü.

1 Timoteo 5:5

Isopäi'ünä̧ rekua, kkatätä kki̧'ä̧ju̧mä̧, Dio-rü tta̧'a̧rü̧ kkä̧nü̧ mo̧ro̧'i̧nä̧ yodo'i̧nä̧ käjädioka'a jua̧u̧ru̧mä̧ ajuäwinü̧ ukuoku jä'epäju.