Filipenses 4:5 - Nuevo Testamento Uwotjüja

⁵ Ukutu eseu jȩ'kuä̧tu̧ku̧mä̧ kkorotü o'katoi'ünä̧ tu̧wo̧juö̧nä̧ kka̧kuä̧tu̧kui̧. Tu̧ru̧wa̧ ichäkuomȩmä̧ täkü tü'küwächa'a.

TÄ̧DO Ä̧CUÄ̧ I̧HUȨNȨ

⁵ Adiu amöcuädö jȩcu̧'ä̧tu̧cua̧ja̧ o'ca toi'önärö. Tu̧ru̧hua̧ ichäcuome tö'cöhuächa'a.

Filipenses 4:5 Referans Kwoze

San Mateo 6:25

Ja̧'wa̧nü̧ ja̧'a̧ttü̧ ukuturu pä'üsä: Pi̧jä̧ttü̧ kua̧'kua̧rä̧tu̧ku̧mä̧ kua̧'kua̧ rokuekuätukuä, ¿däjé tukuäkua'a jä̧ttü̧, däjé tawäkua'a jä̧ttü̧ ja̧'wa̧ta̧nü̧ däjé tu̧'ka̧tä̧wä̧kua̧'a̧ jä̧ttü̧? pä'ümä̧. Isopäi'ünä̧ a̧'kua̧rä̧kuä̧wä̧mä̧, ¿ttu̧kuȩttü̧'i̧nä̧ u̧wä̧mȩnä̧mä̧ mikuäwokü ja̧'a̧ tä̧jí̧? ja̧'wa̧ta̧nü̧ ttidepä jättäjimä̧ ¿ttü̧'ka̧tä̧ü̧ttü̧'i̧nä̧ u̧wä̧mȩnä̧ mikuäwokü ja̧'a̧ tä̧jí̧?

Tito 3:2

Ya̧tȩrü̧'i̧nä̧ to'i ja̧'a̧ku̧ suronä̧mä̧ ttukuoku juiya, pättä'chäkuäu. O'katoi'ünä̧ku̧ eseku ttü̧jü̧'a̧nü̧ ja̧'a̧, ja̧'wa̧ta̧nü̧ kkorotürü eseku tti̧jȩpa̧ rȩrü̧jü̧nü̧ toäkuäwä.

Hebreos 10:37

Wȩyu̧kuä̧ wȩnȩmä̧ pä'a: Isopäi'ünä̧ a̧'u̧kua̧'a̧tä̧ ja̧'a̧nä̧, icha pä'inü̧mä̧, i̧chä̧kua̧. Rekuomä̧ to'epokü jä̧kua̧.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

1 Corintios 6:7

Ja̧'wa̧nü̧ ja̧'a̧ttü̧, kurowäwätukuomȩnä̧mä̧, täkü surojünä̧ jȩpä̧tü̧jä̧ ¿Tta̧'a̧nü̧ pä'ü wä̧i̧nä̧ usurä ȩmä̧wä̧tü̧jä̧ pä'ü kuamükuädätukuoka'ajä̧ttü̧? ¿Tta̧'a̧nü̧ pä'ü wä̧i̧nä̧ ttüyaparewä̧u̧jä̧, pä'ü kuamükuädätukuoka'ajä̧ttü̧? Ja̧'wa̧nü̧ jȩ'kuä̧tu̧ku̧ttü̧mä̧ kkorottü'i̧nä̧ abonä̧nü̧ rü̧ȩnä̧ mikuäwa'a.

Hebreos 10:25

Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.

Apocalipsis 22:7

«¡Jitätä ja̧'a̧ku̧ chichäkua̧sä̧! ¡Eseäkuäwä kka̧'a̧ pi'tä kuyäru'tänä̧ wȩyu̧tu̧ rütäwä 'kuäopä̧kuȩ pä'ü jittäwinü̧ esetürümä̧!»

1 Corintios 8:13

Ja̧'wa̧nü̧ ja̧'a̧ttü̧, chu̧kuȩ jäwänä̧ chi̧jä̧wa̧rü̧ surojünä̧ ma̧ä̧chü̧nä̧ jȩchü̧ttü̧mä̧, idepämä̧ yorisotä chuku juiyü'anü̧ ja̧'a̧.

San Mateo 6:34

Ja̧'wa̧nü̧ ja̧'a̧ttü̧ yo̧i̧mo̧ro̧ 'kuäopäkuȩmä̧ kua̧'kua̧ rokuekuätukuä, suro ji̧yȩ mo̧ro̧tä̧'i̧nä̧ surojü tta̧'kua̧ roekuäkuäwämä̧ kka̧'a̧.

Apocalipsis 22:20

Pi̧yȩ jiäumä̧, pä'ü: «A̧, jitätä ja̧'a̧ku̧ ichüsä.» ¡Amȩ́! a̧, chu̧ru̧wa̧ Jesú, ichi.

1 Pedro 1:11

Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

1 Corintios 9:25

O'katoi'ünä̧ järeäkuäwättü tti̧rȩbȩwa̧ pä'ätümä̧, o'kajuiyütä ro̧'ȩkuä̧tü̧; isopäi'ünä̧, surojuoächü corona pättü ttȩma̧ pä'ü ja̧'a̧nä̧; ujutumä̧ corona pättü surojuoächokü tȩmä̧kuo̧tü̧jä̧.

2 Tesalonicenses 2:2

kuamükuädätukumä̧ 'kuäunä̧tä̧mä̧ ku'ärowächätukuä, ya̧tȩ yapare jiäwa'anä̧mä̧ ja̧'a̧tä̧mä̧ to'kuäkuäwätukuä, epíritu jiäwäjäkusä, ja̧'wa̧ta̧nü̧ juätümä̧ pa̧'a̧nü̧ jittäwäjäkusä päüttü'i̧nä̧ ja̧'wa̧ta̧nü̧ pauru wȩyu̧tu̧ we'äji pättüttü'i̧nä̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

1 Corintios 16:22

Ya̧tȩ, Tu̧ru̧wa̧ Jesucrito-rü eseu repe'okümä̧, su̧ro̧pa̧tä̧ wa̧. ¡Tu̧ru̧wa̧mä̧ täkü i̧chä̧kua̧!

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;