Filipenses 4:1 - Nuevo Testamento Uwotjüja

¹ Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ ukutumä̧ rü̧ȩnä̧ rȩpȩdä̧u̧ kuätukua'attü, ya̧tȩtä̧ Tu̧ru̧wa̧nä̧ yaboku tätukui. Ukuturumä̧ jäwänä̧mä̧ mikuäwächäku eseusä.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

Filipenses 4:1 Referans Kwoze

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.

Filipenses 2:16

Kkä̧kuä̧wä̧ wȩnȩmä̧ käkuädi'ätukuoka'a esetätukui, Crito ichomȩnä̧ ttü ukuo tedäwäkua'anü̧. Yaparemä̧ usurä ȩmä̧u̧mä̧ aditokü pinü̧sä̧ pädäkua'anü̧.

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

Filipenses 1:8

Ja̧'wa̧ta̧nü̧ Dio-tä ja̧'a̧ ukutu o'katoi'ünä̧rü̧ repedü wo̧jua̧mä̧, Crito repe'ü eseuta'anü̧.

Hebreos 10:23

Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

San Juan 8:31

Ja̧'wa̧nü̧ ja̧'a̧ Jesú-mä̧, churutä esetätü judío-rü pä'inü̧: —Isopäi'ünä̧ ttü chi̧wȩnȩnä̧ ku̧jätu̧ku̧ttü̧mä̧, isopäi'ünä̧ chumüwäyotü kuäkuotüjä̧.

2 Timoteo 2:1

Ja̧'wa̧ta̧nü̧ chi̧tti̧ ukumä̧, Dio rü̧ä̧nä̧ repeäkujä̧, jua'amä̧ Jesucrito-rü kuesetina̧'a̧ttü̧. Kkorojuei'i̧nä̧ kua̧mi̧ 'kikuächi'äkua'anü̧ kujurutä jä'epirü.

Filipenses 2:26

Ukutu o'katoi'ünä̧rü̧ a̧mü̧kuä̧rü̧ a̧'kua̧ tta̧'ȩkuä̧ji̧, rü̧ȩnä̧ na̧wä̧cha̧'a̧ ukuowa'a kuä̧ju̧kuini̧yä̧tu̧kuä̧ku̧.

2 Corintios 1:14

Jitä ku̧wo̧jui̧pä̧tu̧kuo̧kü̧mä̧. Tu̧ru̧wa̧ Jesucrito ppa̧wä̧cho̧mȩnä̧ ujuturu kueseäkuäwäkuotüjä̧; ujuturu, pärokua'aku teseäkuäwuöta'anü̧.

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

Hechos 2:42

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

2 Pedro 3:17

Ja̧'wa̧nü̧ ja̧'a̧ttü̧ chi̧jä̧wa̧tü̧, täkü pi̧yȩmä̧ ä'kanä̧ wo̧juä̧tü̧jä̧, ttu̧'ȩpä̧rä̧kuä̧u̧ kka̧kuä̧tu̧kui̧ suronä̧ jȩpä̧tü̧ ttüyapareünä̧ doo'ächätukuäku, 'kiyünä̧ ku̧jä̧'i̧jä̧tu̧kua̧'a̧'i̧nä̧ ma̧kuä̧chä̧tu̧ku̧ juiyäkua'anü̧.

Hebreos 4:14

Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

2 Tesalonicenses 2:15

Ja̧'wa̧nü̧ ja̧'a̧ttü̧, chi̧jä̧wa̧tü̧, yabokutä Dio-rü kua̧'kua̧ wȩnä̧rü̧ tätukui ja̧'wa̧ta̧nü̧ ku̧ni̧chi'ätukuä ukuturutä tu̧wo̧juȩti̧nü̧mä̧ ja̧'wa̧ta̧nü̧ wȩyu̧kuojänä̧ wȩyu̧tu̧ wetinümä̧.

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

Gálatas 5:1

Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

San Mateo 10:22

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.