Filipenses 3:9 - Nuevo Testamento Uwotjüja

⁹ Jua̧u̧ku̧ todeunä̧ chü̧ja̧ pä'ü; weäwä wȩnȩ päü'a̧kuä̧ adiu jȩcha̧ pä'oküsä, ji̧nä̧somä̧ Crito-rü cha̧'kua̧ wȩnä̧rü̧, tta̧'kua̧ wȩnä̧rä̧kuä̧wä̧nä̧ Dio iyü adiwä juei chȩma̧ pä'üsä.

TÄ̧DO Ä̧CUÄ̧ I̧HUȨNȨ

⁹ Ja̧u̧cu̧tä̧ chö̧ja̧ pä'ösä. Jitämä hueähuä huȩnȩ jȩpö̧, chamönä cha̧'cua̧ adiu jȩchö̧mä̧ jui̧'a̧sä̧. Cristorö esetätörö Dios iyähuä cha̧'cua̧ adiu jȩchö̧mä̧ ku̧nä̧rö̧sä̧, Cristorö cheseta'attö.

Filipenses 3:9 Referans Kwoze

2 Corintios 5:21

Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

Gálatas 2:16

Ujutumä̧ wo̧juä̧tü̧jä̧, weäwä wȩnȩ päü jȩä̧kuä̧wä̧nä̧tä̧mä̧ Dio-mä̧ ȩmo̧kü̧ jä̧kua̧ pä'ümä̧, ja̧'wa̧nü̧ ja̧'a̧nä̧ Jesucrito-rü tta̧'kua̧ wȩnä̧rä̧kuä̧wä̧nä̧tä̧ ȩmä̧u̧jä̧. Ja̧'wa̧nü̧ jo̧mȩnä̧, ujutu'i̧nä̧ Jesucrito-rü esetinä̧tü̧jä̧, Jesucrito-nä̧ ȩma̧tü̧ pä'ümä̧, weäwä wȩnȩnä̧ jo̧ka̧'a̧ttü̧. Ja̧'wa̧nü̧ ja̧'a̧ttü̧, suro weäwä wȩnȩ päütä ttukuotüttümä̧, Dio-mä̧ ȩmo̧ko̧u̧ ttäkuotü.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

Romanos 1:17

Isopäi'ünä̧ jareü wȩnȩmä̧, Dio ujuturu adiwomȩnä̧ jȩü̧mä̧ i̧jȩkuä̧cha̧'a̧; tta̧'kua̧ ttu̧wȩnä̧ro̧mȩttü̧ kkä̧mä̧dü̧, yaboku tta̧'kua̧ ttu̧wȩnä̧rü̧nä̧, wȩyu̧kuä̧ wȩnȩmä̧ pa̧'a̧nü̧ pä'attü̧: «adiwä juei jȩpü̧ kkü̧mä̧ a̧'kua̧ wȩnä̧rü̧tä̧ ü̧jä̧kua̧.»

Tito 3:5

ja̧'wa̧ta̧nü̧ ujutumä̧ adiu jȩti̧yä̧ku̧mä̧ ppädoko̧u̧ pinä̧tü̧jä̧ ja̧'wa̧nü̧ ja̧jü̧jueimä̧ chutä rȩrü̧jü̧nü̧ toomȩttü̧tä̧ surojümä̧ tükü iku pä'äjita'anü̧ uwäbetü ja̧'wa̧ta̧nü̧ tujuru jü̧nä̧ iyinä̧u̧jä̧ Epíritu Sa̧tu̧nä̧.

2 Timoteo 1:9

Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

Filipenses 3:6

Päte'üra̧'a̧ esetü, igresia wotürü suronä̧ jȩpü̧ ru̧'ä̧ri̧nü̧sä̧, weäwä wȩnȩ ukuotü. Ja̧'wa̧nü̧ ja̧'a̧ttü̧ weäwä wȩnȩ chukuotokü ji̧nü̧ pä'ätümä̧ ya̧tȩ'i̧nä̧ toa'a.

Romanos 10:10

Ja̧'wa̧nü̧ ja̧'a̧ttü̧ tta̧mi̧so'kinä̧mä̧ adiwä isotü päi'ünä̧ Dio pärotü ikuatü pä'ü esetäkuäwä ja̧'a̧ ja̧'wa̧nü̧ ja̧'a̧nä̧ ttänämä̧ jiäkuäwä ja̧'a̧ ra̧wä̧pi̧jü̧ttü̧ ttü̧ji̧pa̧ pä'ü Jesucrito-nä̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

San Mateo 9:13

Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

1 Juan 3:4

O'katoi'ünä̧ surojü jȩpä̧tü̧mä̧ weäwä wȩnȩ'i̧nä̧ jarodätü; ja̧'wa̧nü̧ ja̧'a̧ttü̧ surojümä̧ weäwä wȩnȩ jarodäkuäwä ja̧'a̧.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Santiago 3:2

O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

Romanos 16:7

Te'äwiyätukuittü chukuojattü chawaruwärü Andrónico-rü'i̧nä̧, Junia-rü̧'i̧nä̧, juätümä̧ ttütäku kärenä̧ pȩji̧nä̧tü̧rü̧. Juätü apótore-mä̧ jo̧mȩnü̧ ttu̧wo̧juä̧u̧, ttü chesetäkua'a ä'kanä̧ Crito-rü esetinä̧tü̧.

Romanos 5:21

Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.