Filipenses 3:3 - Nuevo Testamento Uwotjüja

³ Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

TÄ̧DO Ä̧CUÄ̧ I̧HUȨNȨ

³ Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

Filipenses 3:3 Referans Kwoze

Colosenses 2:11

Circuncisió̧-mä̧ jua̧u̧tä̧ jäwänä̧ jȩpä̧kuä̧wo̧tü̧jä̧, jua̧u̧mä̧ ttü̧ja̧ jäwänä̧mä̧ jȩtto̧ko̧u̧ pinä̧tü̧jä̧, ja̧u̧ ja̧jü̧ jueimä̧ Dio-tä circuncisió̧-mä̧ jȩi̧nä̧u̧jä̧ Crito-ku ppäkuächi'ätukunä̧mä̧ ja̧'wa̧ta̧nü̧ yaboku kuidepätuku kkü'keku jȩ'kuä̧tu̧ku̧mä̧ 'kȩ'ȩpü̧ ikuinä̧u̧jä̧.

Romanos 7:6

Ja̧'wa̧nü̧ ja̧'a̧nä̧, jitämä̧ weäwä wȩnȩmä̧ wȩo̧ko̧u̧jä̧, jua̧u̧ttü̧mä̧ wa'ü ikuinä̧tü̧jä̧, pärokuä jareünä̧ kkä̧kuä̧wä̧, Epíritu jäwänä̧ Dio-rü ukuotü tü̧ja̧kua̧ pä'ü.

Gálatas 5:25

Isopäi'ünä̧ ta̧'kua̧rü̧ Epíritu iyüttümä̧, Epíritu oipa'anä̧tä̧ ti̧'cha̧ pä'ü ja̧'a̧.

Romanos 8:15

Isopäi'ünä̧ Dio ukuturu iyinä̧ku̧ Epíritumä̧ 'chu̧'ä̧ro̧kü̧ ja̧'wa̧ta̧nü̧ yekuekuätukunä̧'i̧nä̧ jȩpo̧kü̧. Ja̧'wa̧nü̧ ja̧jü̧jueimä̧, pärokua'aku Epíritumä̧ Dio i̧tti̧mü̧ juokuächätukunä̧ juoepinä̧u̧jä̧. Jua̧u̧nä̧tä̧tä̧ ajuäkuäwätüjä̧: ¡Abbá, Chä'o pä'ümä̧!

Efesios 6:18

'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

Romanos 1:9

Dio-tä ja̧'a̧ wo̧jua̧mä̧ cha̧'kua̧rü̧ eseunä̧ chadita'amä̧; Churutä Dio-rü chukuokuta'anü̧, 'kuäopünä̧ ukutu kutü'kütuku 'kuäopünä̧ chukuokua'amä̧.

Judas 1:20

Ja̧'wa̧nü̧ ja̧'a̧nä̧, chawaruwä chi̧jä̧wa̧tü̧ ukutumä̧, yabokutä Dio-rü kua̧'kua̧ wȩnä̧rü̧ tätukui. Epíritu Sa̧tu̧ juȩpä̧ra̧'a̧nä̧, Dio-rü ukuokuätukui.

Romanos 15:17

Jesucrito ttürü Dio aditäwä chaditünä̧ jȩi̧nü̧mä̧ juiyo eseusä.

Romanos 8:39

mo̧ro̧jä̧ ujuru'i̧nä̧, täkua'a jäwä'i̧nä̧, kkoro Dio aditäwä'i̧nä̧. ¡Yorisotä juiya'a Dio ttürü, Crito Jesú Tu̧ru̧wa̧nä̧ repeüttü 'kȩ'ȩpü̧ ikumä̧!

Romanos 9:6

Jua'amä̧ Dio i̧wȩnȩmä̧ jäyämä̧ jo̧ka̧'a̧ ji̧na̧'a̧nä̧ pä'üsä, rekuätü irae ttü̧ja̧ttü̧ rättopina̧'a̧nä̧, o'katoi'ünä̧mä̧ irae ttü̧ja̧ jü̧nä̧mä̧ wokotü.

2 Corintios 11:18

Ja̧'wa̧nü̧ tta̧mü̧nä̧ ttüadiwä ukuokuätü rekuätü ttü̧ja̧kua̧'a̧mä̧ ¿tta̧'a̧nü̧ pä'ü, ttü'i̧nä̧ chüadiwämä̧ chukuokuoka'ajä̧ttü̧?

Gálatas 6:16

Ja̧'wa̧nü̧ ja̧'a̧ttü̧, o'katoi'ünä̧ pi̧yȩ päü'anü̧ kka̧kuä̧tü̧mä̧, rȩrü̧jü̧ toinü̧nä̧, wȩnȩ juiyü eseäkuäwä̧nä̧ kka̧kuä̧tü̧, ja̧'wa̧ta̧nü̧ o'katoi'ünä̧ Dio i̧tti̧mü̧ irae ttü̧ja̧'i̧nä̧.

Filipenses 1:1

Chawaruwä chi̧jä̧wa̧tü̧, Filipo ütawiyänä̧ kka̧kuä̧tü̧rü̧, diákunu̧ wotürü'i̧nä̧, Pató-tü̧ wotürü'i̧nä̧, te'äwätüjä̧, ujutu Jesucrito umüwäyotü päi'ünä̧ wotü Pauru'i̧nä̧, Timoteo'i̧nä̧ Jü̧nä̧.

Filipenses 3:12

Täkü o'kajuiyünä̧ po̧kui̧pi̧nü̧sä̧, surojü'i̧nä̧ jui̧'a̧sä̧ pä'ümä̧ pä'oküsä; jua'a yaboku usú usurä ȩmä̧u̧sä̧ jua̧u̧ chi̧rȩbȩwa̧ pä'ü, jua̧u̧ ja̧'a̧tȩ'ü̧ Jesucrito-mä̧ surojüttü rä'epü iku ȩmi̧nä̧ku̧ cha'attü.

Filipenses 3:14

Chi̧rȩbȩwa̧ pä'ü jȩpü̧ kku̧nä̧wo̧mȩ chi̧rȩbȩwa̧ pä'ü ususä, mo̧ro̧jä̧ jäwä Dio woinü̧nä̧ Chu̧ru̧wa̧ Jesucrito-nä̧ chȩma̧ pä'ü.