Filipenses 3:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧nä̧, jitü rȩbȩä̧kuä̧wä̧tü̧mä̧, ji̧yȩtȩtä̧ pä'aku jȩpü̧, amükuädü jȩpü̧ tü̧ja̧kuä̧tu̧kua̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧nä̧ jitämä ji̧nä̧ ji̧yȩtȩ tesetinö amöcuädö juhua'a yabonö jȩtä̧tu̧cua̧ja̧.

Filipenses 3:16 Referans Kwoze

Colosenses 2:6

Ja̧'wa̧nü̧ ja̧'a̧ttü̧, Jesucrito-rü ku̧ru̧wa̧tu̧ku̧ jü̧nä̧ kuesetinä̧tu̧kua̧'a̧mä̧, churutä pä̧wä̧rü̧jo̧mȩnä̧ kka̧kuä̧tu̧kui̧.

Apocalipsis 3:3

Ja̧'wa̧nü̧ ja̧'a̧ttü̧ amükuädi, ä̧ju̧ku̧ ku̧wo̧jui̧'i̧nü̧mä̧; amükuädü kku̧nu̧, surojü kä'ädi'i. Ja̧'wa̧nü̧ ja̧'a̧nä̧ to̧'kuä̧rä̧kuä̧u̧ juiyüttümä̧, ya̧tȩ nä̧u̧kuä̧rä̧kuä̧wä̧ i̧sa̧ jä̧'i̧nü̧'a̧nü̧, ukuru topü chichäkua̧sä̧ kuieruwäkuäwa'anä̧.

Gálatas 6:16

Ja̧'wa̧nü̧ ja̧'a̧ttü̧, o'katoi'ünä̧ pi̧yȩ päü'anü̧ kka̧kuä̧tü̧mä̧, rȩrü̧jü̧ toinü̧nä̧, wȩnȩ juiyü eseäkuäwä̧nä̧ kka̧kuä̧tü̧, ja̧'wa̧ta̧nü̧ o'katoi'ünä̧ Dio i̧tti̧mü̧ irae ttü̧ja̧'i̧nä̧.

Romanos 15:5

Ja̧'wa̧ta̧nü̧ Dio tta̧mi̧ 'kittächi'ünä'i̧nä̧, usurä temäwomenä̧'i̧nä̧ ro̧ȩkuä̧ i̧sa̧tä̧ iyätukuäku, Crito Jesú ji̧nü̧ta'anü̧ ji̧nä̧ ji̧yȩtȩnä̧tä̧ kuamükuädätukunä̧,

Filipenses 4:2

Evodia-rü'i̧nä̧, Síntique-rü'i̧nä̧ jä'epüsä, Tu̧ru̧wa̧rü̧ kuesetinä̧tu̧kua̧'a̧ttü̧, eseku ku̧ja̧kuä̧tu̧kua̧ pä'ü.

Filipenses 2:2

Cheseunä̧ kka̧kuä̧tu̧kui̧, o'katoi'ünä̧ ji̧yȩtȩnä̧tä̧ repe'äkuäu'i̧nä̧, eseäkuäu'i̧nä̧, ji̧nä̧ ji̧yȩtȩnä̧tä̧ amükuädü jȩpä̧tu̧kui̧. Ja̧'wa̧nü̧ jȩ'kuä̧tu̧kua̧'a̧ topü chesewä̧kua̧sä̧. Rekuä rü̧jü̧mä̧ ji̧nä̧ ji̧yȩtȩnä̧tä̧ ppä'ädäkuäu kka̧kuä̧tu̧kui̧.

Filipenses 1:27

Ji̧yȩtȩtä̧ jädepä̧u̧jä̧, Crito i̧wȩnȩ jareü wȩnȩ päü'a̧kuä̧ ku̧ja̧kuä̧tu̧kua̧ pä'ütä. Ukuturu topü chichüttü'i̧nä̧, chichü juiyüttü'i̧nä̧, ji̧nä̧ ji̧yȩtȩnä̧ ku̧jä̧tu̧kua̧'a̧, usurä kuȩmä̧wä̧tu̧kua̧'a̧ ukuowa'a chä̧ju̧kua̧ pä'üsä, jareünä̧ tta̧'kua̧ wȩnä̧rä̧kuä̧wä̧ wȩnȩnä̧,

Romanos 12:16

Ji̧nä̧ ji̧yȩtȩnä̧tä̧ amükuädü, rȩrü̧jü̧ topäkuäwätukui suronä̧ 'kuäopomȩnä̧. Ku̧ra̧wä̧rä̧tu̧kuo̧ka̧'a̧, esekuäkuäu kka̧kuä̧tu̧kui̧. Ttümä̧ wo̧jua̧sä̧ päkuä'chätukuoka'a.

Gálatas 5:7

Ukutumä̧ adiunä̧tä̧ kui̧'chi̧nä̧tu̧kua̧'a̧mä̧, ¿Dí ji̧nä̧ttü̧ jueü wȩnȩnä̧ kui̧'chä̧tu̧ku̧ juiyünä̧ tto'epinü̧mä̧?

Colosenses 4:2

Käkuädi'ätukuoka'a, yabonü̧ Dio-rü ukuokuätukui. 'Kuäopünä̧ tta̧'a̧rä̧kuä̧u̧ Dio-rü esewätukui.