Filipenses 3:12 - Nuevo Testamento Uwotjüja

¹² Täkü o'kajuiyünä̧ po̧kui̧pi̧nü̧sä̧, surojü'i̧nä̧ jui̧'a̧sä̧ pä'ümä̧ pä'oküsä; jua'a yaboku usú usurä ȩmä̧u̧sä̧ jua̧u̧ chi̧rȩbȩwa̧ pä'ü, jua̧u̧ ja̧'a̧tȩ'ü̧ Jesucrito-mä̧ surojüttü rä'epü iku ȩmi̧nä̧ku̧ cha'attü.

TÄ̧DO Ä̧CUÄ̧ I̧HUȨNȨ

¹² Ttömä pä'ocösä täcö o'ca juiyönä ȩmä̧ji̧sä̧ pä'ö. Ja̧'hua̧ta̧nö̧ jitämä adihuä juäitä, surojö juiyönä jȩpö̧sä̧ pä'ö, pä'ocösä. Iso päi'önä Cristo Jesús ttörö ȩmi̧na̧'a̧ttö̧, chutä iyö juäi chu̧ju̧nä̧ra̧ pä'ö, kö̧sä̧.

Filipenses 3:12 Referans Kwoze

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Hebreos 13:21

surojü juikuätukunä̧, adiwotü kuätukunä̧tä̧ pärotü ikuätukuäku, Churutä pä̧wä̧rü̧jü̧tä̧ adiu o'kajuiyünä̧ jȩ'kuä̧tu̧kuä̧kua̧'a̧nü̧ Jesucrito-nä̧; ¡Jua̧u̧ Crito-rütä gloria pättümä̧, 'kuäopünä̧tä̧ iyäwäkua'a! Amȩ́.

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Filipenses 3:16

Ja̧'wa̧nü̧ ja̧'a̧nä̧, jitü rȩbȩä̧kuä̧wä̧tü̧mä̧, ji̧yȩtȩtä̧ pä'aku jȩpü̧, amükuädü jȩpü̧ tü̧ja̧kuä̧tu̧kua̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

Santiago 3:2

O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.

Hebreos 12:14

O'katoi'ünä̧ku̧ wȩnȩ juiyünä̧ ku̧jä̧tu̧kua̧ usätukui, surojü juiyünä̧ kka̧kuä̧tu̧kui̧; jua̧u̧ juiyünä̧mä̧, Tu̧ru̧wa̧rü̧mä̧ toäkuäwoka'a jä̧kua̧'a̧.

Gálatas 5:17

Isopäi'ünä̧ kuidepätuku kkü'kekumä̧, Epíritu abo jäwä ja̧'a̧, ja̧'wa̧ta̧nü̧ Epíritumä̧, ttidepä kkü'keku a̧bo̧i̧ya̧ ja̧'a̧. Jua̧u̧ todärenä̧ jü̧mä̧ mi̧kuä̧ri̧yä̧kuä̧u̧ rowäwa'a, ukutu kuju'kätuku jȩ'kuä̧tu̧ku̧ juiyünä̧.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

2 Tesalonicenses 2:13

Ja̧'wa̧nü̧ ja̧'a̧nä̧ ujutumä̧ 'kuäopünä̧tä̧ Dio-rü teseu'anü̧ ja̧'a̧ ukuturumä̧, Tu̧ru̧wa̧nä̧ tü̧jä̧wa̧tü̧ rȩpȩtä̧u̧jä̧, isopäi'ünä̧ Dio-mä̧ pojopü ȩmi̧nä̧u̧ kuätukua'attü, ra̧wä̧pi̧jü̧ttü̧ kki̧'ä̧kuä̧wä̧ ä̧kuo̧mȩnä̧ kuȩmä̧tu̧kua̧ pä'ü, Epíritu Sa̧tu̧nä̧tä̧ surojü juikuätukunä̧ ppädäkuäwä i̧sa̧nä̧tä̧ ja̧'wa̧ta̧nü̧ isopäi'ünä̧ wȩnȩ kuesetinä̧tu̧ku̧nä̧.

Efesios 4:12

Jua'amä̧ I̧tti̧mü̧ juo'ächinä̧tü̧rü̧ jo̧mȩnü̧ juottepa pä'ü, ttaditäwä jo̧mȩnü̧ ttadita pä'ü, ja̧'wa̧nü̧ jȩpü̧ igresia wotürü ttäräbe'a pä'ü.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

1 Corintios 13:10

ja̧'wa̧nü̧ ja̧'a̧nä̧ jo̧mȩnü̧ adiwä juei ichomȩnä̧mä̧, jitä kkä'kobütä jü̧mä̧ beipächäkua'a.

1 Tesalonicenses 5:15

Ya̧tȩ suronä̧ jȩo̧mȩnä̧, pärokua'aku suronä̧ jȩa̧'a̧nä̧ ja̧'a̧tä̧ to'kuätukuä. Pärokua'aku adiutätä jȩpä̧tu̧kui̧, kkorotürü'i̧nä̧, o'katoi'ünä̧ku̧tä̧.

1 Timoteo 6:19

Ja̧'wa̧nü̧ ttü̧ja̧ku̧ttü̧tä̧ pärätä ruwotü juottäkuotü yodojimä̧ ja̧'wa̧ta̧nü̧ kkä̧kuä̧wä̧ i'ko'i̧nä̧ ttu̧ju̧nä̧rä̧kuo̧tü̧.

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

Hebreos 12:23

ja̧'wa̧ta̧nü̧ Dio ä̧kuo̧mȩnä̧ i̧tti̧mü̧, mo̧ro̧jä̧nä̧ wȩyu̧kuo̧tü̧ ttü̧ja̧kuo̧mȩku̧. Tü'küpächi'inä̧tü̧jä̧ Dio-rü, Juez jü̧nä̧ o'katoi'ünä̧rü̧ wa̧ ü̧jo̧mȩku̧ ja̧'wa̧ta̧nü̧ Dio adiunä̧ juoepinä̧u̧ epíritu-tu̧ ttü̧ja̧kuo̧mȩku̧.

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

Romanos 8:39

mo̧ro̧jä̧ ujuru'i̧nä̧, täkua'a jäwä'i̧nä̧, kkoro Dio aditäwä'i̧nä̧. ¡Yorisotä juiya'a Dio ttürü, Crito Jesú Tu̧ru̧wa̧nä̧ repeüttü 'kȩ'ȩpü̧ ikumä̧!

1 Corintios 9:24

Isopäi'ünä̧ wo̧juä̧tü̧jä̧, joäkuäwä isotü jottomȩnä̧mä̧, o'katoi'ünä̧tä̧ jopätü pä'ü ja̧'wa̧nü̧ ja̧'a̧nä̧ ya̧tȩtä̧ ja̧'a̧ joäji mikuä premio pättü ȩmi̧pü̧mä̧. Ja̧'wa̧nü̧ jü̧ta̧'a̧nü̧, ukutu'i̧nä̧ premio pättü kuȩmä̧tu̧ku̧nä̧ päi'ünä̧ jopätukui.

1 Corintios 13:12

Jitämä̧ tti'ä toäkuäwodänä̧ jä̧'i̧nü̧'a̧nü̧tä̧, seppanü̧ topätüjä̧ Dio-rümä̧; ja̧'wa̧nü̧ ja̧'a̧nä̧ o'kajuiyünä̧ jo̧mȩnü̧ päi'omȩnä̧ totäkuotüjä̧ Dio-rümä̧ wäjuönä̧. Jitämä̧ jü'totä wo̧jua̧sä̧, ja̧'wa̧nü̧ ja̧'a̧nä̧ jo̧mȩnü̧ päi'omȩnä̧ Churutä chu̧wo̧juä̧kua̧sä̧, pärokua'aku ttürü u̧wo̧juö̧ta̧'a̧nü̧.

Filipenses 1:1

Chawaruwä chi̧jä̧wa̧tü̧, Filipo ütawiyänä̧ kka̧kuä̧tü̧rü̧, diákunu̧ wotürü'i̧nä̧, Pató-tü̧ wotürü'i̧nä̧, te'äwätüjä̧, ujutu Jesucrito umüwäyotü päi'ünä̧ wotü Pauru'i̧nä̧, Timoteo'i̧nä̧ Jü̧nä̧.

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.