Filipenses 2:9 - Nuevo Testamento Uwotjüja

⁹ Ja̧'wa̧nü̧ iyäwina̧'a̧ttü̧ Dio-mä̧ o'kajuiyünä̧ u̧wä̧mȩnä̧ kku̧nu̧, o'kajuiyünä̧tä̧ i̧mi̧pi̧yä̧ kkü̧mä̧ u̧wä̧mȩnä̧ jȩi̧nä̧ku̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ttö̧ Dios ja̧u̧ru̧ eseu hueinäcudo, pi̧jä̧ ttö̧ja̧ttö̧'i̧nä̧, ángelesttö'inä abonänö adiutä ö̧ja̧ pä'ö. Ja̧'hua̧ta̧nö̧ i̧mi̧mä̧, korotö tti̧mi̧ttö̧'i̧nä̧ abonänö adihuä i̧mi̧mä̧, iyinäcudo.

Filipenses 2:9 Referans Kwoze

Apocalipsis 19:16

Ja̧'wa̧ta̧nü̧ ü̧'ka̧tä̧wä̧ta̧nä̧'i̧nä̧, üjanä̧'i̧nä̧ pa̧'a̧nü̧ i̧mi̧ wȩyu̧kua̧'a̧ rü̧tä̧ri̧nü̧: «Ruwotü'i̧nä̧ ttu̧ru̧wa̧ ja̧'wa̧ta̧nü̧ tturuwotü'i̧nä̧ ttu̧ru̧wa̧,» jü̧nä̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

1 Pedro 3:22

mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.

Hebreos 2:9

Ja̧'wa̧nü̧ ji̧na̧'a̧nä̧ topätüjä̧ chu Jesú-ru, ya'utenä̧mä̧ á̧gȩrȩ-tü̧ttü̧'i̧nä̧ tti̧dȩa̧'a̧nä̧ jurunä̧tä̧ jȩi̧nä̧ku̧ru̧ ja̧'a̧nä̧, jitämä̧ uruwo iyü kkä̧nü̧ ukuo'i̧nä̧ iyinä̧ku̧ wa'ü ikuino̧mȩttü̧, Dio re ü̧jü̧nä̧ o'katoi'ünä̧rü̧ ppäda pä'ü.

Apocalipsis 5:12

ja̧'wa̧nü̧ ja̧'a̧ pä̧i̧ku̧nä̧ pä'inä̧tü̧: ¡Oweja mü̧ä̧ya̧ jü̧nä̧, usurä ȩmä̧u̧ to'e'ächinü̧tä̧ ja̧'a̧, ruwo ujuru'i̧nä̧, pärätä'i̧nä̧, wo̧juä̧wä̧'i̧nä̧, ttesewarü pä'ü'i̧nä̧, üadiwä ra̧tta̧rü̧ pä'ü'i̧nä̧ wa̧mä̧!

Hebreos 1:4

Á̧gȩrȩ-rü ttu̧wä̧mȩnä̧ päi'ünä̧ jȩpü̧ kku̧nu̧, i̧mi̧'i̧nä̧ juätü abonä̧nü̧ ukuo i̧sa̧ päi'ünä̧ Dio-mä̧ iyinä̧ku̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

2 Pedro 1:17

Jä'o Dio-mä̧ eseäkuäwä'i̧nä̧ ü̧rü̧ä̧'i̧nä̧ iya'a topinä̧tü̧jä̧, Dio ü̧rü̧ä̧ ukuokumä̧ rä̧mi̧pi̧na̧'a̧: Pide chi̧tti̧rü̧ rü̧ä̧nä̧ eseusä, ttütä pojopü chȩmi̧nä̧ku̧ru̧ jü̧nä̧.

Colosenses 1:18

Ja̧'wa̧ta̧nü̧ Crito-mä̧ igresia u ja̧'a̧, igresia-mä̧ jä̧ttä̧pä̧ya̧ wa̧ jü̧nä̧ ja̧'a̧. Jua̧u̧mä̧ ä̧kuo̧mȩnä̧ i̧sa̧ winü̧, wa'inä̧tü̧ttü̧'i̧nä̧ ä̧kuo̧mȩnä̧ tto'ächinü̧, o'kajuiyünä̧tä̧ u̧wä̧mȩnä̧ wa̧ ja̧ pä'ümä̧.

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Juan 17:11

Täkü, ttümä̧ pi̧jä̧nä̧mä̧ kko̧kü̧sä̧; pitütä pi̧jä̧nä̧ ttü̧ja̧kui̧'a̧'a̧nä̧, ttümä̧ ukutäku ichüsä. Chä'o mo̧ro̧jä̧ ru̧wa̧, ttürü kuiyinä̧u̧ru̧mä̧, kui̧mi̧nä̧ tta̧'ä̧ri̧tü̧, juätü'i̧nä̧ ji̧nä̧ ya̧tȩ ttäkua'anü̧, ttü ukuku jä̧'i̧jü̧ta̧'a̧nü̧.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

Efesios 1:10

Mo̧ro̧ jo̧mȩnü̧ päi'omȩnä̧, Dio-mä̧ Jua̧u̧nä̧tä̧ o'kajuiyünä̧ ka̧ka̧tü̧ u̧ju̧nä̧kua̧. O'kajuiyünä̧ mo̧ro̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, Crito-mä̧ u̧ru̧wa̧tä̧ päi'ünä̧.

2 Tesalonicenses 1:12

Ja̧'wa̧nü̧ ja̧'a̧ttü̧, Tu̧ru̧wa̧ Jesú i̧mi̧mä̧ ukututtütä ukuomä̧ kkä̧kua̧'a̧, ja̧'wa̧ta̧nü̧ pärokua'aku ukutumä̧ kukuo kkä̧kua̧'a̧ chuttutä Dio-ttü ja̧'wa̧ta̧nü̧ Tu̧ru̧wa̧ Jesucrito rȩrü̧jü̧ toinü̧'a̧kuä̧.

Hebreos 1:9

«Adiwomȩnä̧ jȩä̧kuä̧wä̧tä̧ esewinü̧jä̧, surojümä̧ kkü'kokü pinü̧jä̧; ja̧'wa̧nü̧ jo̧mȩnä̧ Dio-mä̧, pojopü ȩmi̧nä̧ku̧jä̧, kuä'o Dio jü̧nä̧, eseäkuäwä iyinä̧ku̧jä̧, kuawaruwättü'i̧nä̧ abonä̧nü̧.»

3 Juan 1:7

Juätümä̧ Jesucrito i̧wȩnȩ kka̧kuä̧mü̧ ji'äwätü, Dio-rü esetokotü ppättädümä̧ ȩmä̧wä̧ juiyünä̧.