Filipenses 2:2 - Nuevo Testamento Uwotjüja

² Cheseunä̧ kka̧kuä̧tu̧kui̧, o'katoi'ünä̧ ji̧yȩtȩnä̧tä̧ repe'äkuäu'i̧nä̧, eseäkuäu'i̧nä̧, ji̧nä̧ ji̧yȩtȩnä̧tä̧ amükuädü jȩpä̧tu̧kui̧. Ja̧'wa̧nü̧ jȩ'kuä̧tu̧kua̧'a̧ topü chesewä̧kua̧sä̧. Rekuä rü̧jü̧mä̧ ji̧nä̧ ji̧yȩtȩnä̧tä̧ ppä'ädäkuäu kka̧kuä̧tu̧kui̧.

TÄ̧DO Ä̧CUÄ̧ I̧HUȨNȨ

² Ja̧'hua̧nö̧ päi'öttömä, rö̧ȩnä̧ chesehuäcua'a̧nö̧ jȩpä̧tu̧cui̧. Ji̧nä̧ yo̧mȩtȩttö̧ ji̧nä̧ ji̧yȩtȩ amöcuädö repe'ö ka̧cuä̧tu̧cui̧.

Filipenses 2:2 Referans Kwoze

Romanos 12:16

Ji̧nä̧ ji̧yȩtȩnä̧tä̧ amükuädü, rȩrü̧jü̧ topäkuäwätukui suronä̧ 'kuäopomȩnä̧. Ku̧ra̧wä̧rä̧tu̧kuo̧ka̧'a̧, esekuäkuäu kka̧kuä̧tu̧kui̧. Ttümä̧ wo̧jua̧sä̧ päkuä'chätukuoka'a.

1 Corintios 1:10

Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

3 Juan 1:4

Chi̧tti̧mü̧ wotü jueü wȩnȩnä̧ päü'anü̧ ttü̧ja̧kua̧'a̧ ä̧ju̧ku̧mä̧, kkorottü'i̧nä̧ abonä̧nü̧ eseusä.

Filipenses 2:16

Kkä̧kuä̧wä̧ wȩnȩmä̧ käkuädi'ätukuoka'a esetätukui, Crito ichomȩnä̧ ttü ukuo tedäwäkua'anü̧. Yaparemä̧ usurä ȩmä̧u̧mä̧ aditokü pinü̧sä̧ pädäkua'anü̧.

Hechos 2:46

'Kuäopünä̧ mo̧ro̧ ji̧nü̧'a̧kuä̧, yo̧mȩtȩnä̧ Dio-rü ukuokuäkuäwodenä̧ ka̧ka̧kui̧nä̧tü̧, ttojusodettümä̧ ji̧nä̧ yo̧mȩtȩnä̧ kuä̧nü̧, rü̧ȩnä̧ eseäkuäwinä̧tü̧.

2 Juan 1:4

Rü̧ä̧nä̧ esewächi'äjisä ukututtü yotukunä̧ isopäi'ünä̧ wȩnȩ pä'aku Tä'o Dio weü'anü̧ ttü̧ja̧kua̧'a̧ po̧kui̧pü̧mä̧.

2 Tesalonicenses 2:13

Ja̧'wa̧nü̧ ja̧'a̧nä̧ ujutumä̧ 'kuäopünä̧tä̧ Dio-rü teseu'anü̧ ja̧'a̧ ukuturumä̧, Tu̧ru̧wa̧nä̧ tü̧jä̧wa̧tü̧ rȩpȩtä̧u̧jä̧, isopäi'ünä̧ Dio-mä̧ pojopü ȩmi̧nä̧u̧ kuätukua'attü, ra̧wä̧pi̧jü̧ttü̧ kki̧'ä̧kuä̧wä̧ ä̧kuo̧mȩnä̧ kuȩmä̧tu̧kua̧ pä'ü, Epíritu Sa̧tu̧nä̧tä̧ surojü juikuätukunä̧ ppädäkuäwä i̧sa̧nä̧tä̧ ja̧'wa̧ta̧nü̧ isopäi'ünä̧ wȩnȩ kuesetinä̧tu̧ku̧nä̧.

Colosenses 2:5

Isopäi'ünä̧ ukututäku wäjuönä̧mä̧ chü̧jo̧ka̧'a̧nä̧, cha̧'kua̧rü̧ i̧sa̧nä̧tä̧ kkü̧sä̧ ukutukumä̧, ja̧'wa̧nü̧ ja̧'a̧ttü̧ eseusä adiu kuaditätukua'a'i̧nä̧ ja̧'wa̧ta̧nü̧ Crito-rü yaboku kua̧'kua̧ ku̧wȩnä̧rä̧tu̧kua̧'a̧'i̧nä̧ topü.

Filipenses 4:2

Evodia-rü'i̧nä̧, Síntique-rü'i̧nä̧ jä'epüsä, Tu̧ru̧wa̧rü̧ kuesetinä̧tu̧kua̧'a̧ttü̧, eseku ku̧ja̧kuä̧tu̧kua̧ pä'ü.

Filipenses 2:20

Timoteo jü̧'a̧nü̧ wa̧ kka̧ra̧rü̧mä̧ to̧'a̧sä̧ ukuturu ppäda pä'ümä̧. Ttü jü̧'a̧nü̧ ukuturu repe'ürümä̧.

2 Corintios 7:7

ja̧'wa̧ta̧nü̧ suro, jua̧u̧ ichi'äja'atämä̧ esewokotüjä̧, jua̧u̧'i̧nä̧ ukutuku esewina̧'a̧ rü̧ȩnä̧ esewiyä̧u̧ esewätüjä̧. Jua̧u̧mä̧ jiäwäjä̧u̧jä̧ ukutu, ujuturu to'kua päkuätuku'i̧nä̧, ujutu jäwänä̧ kua̧'kua̧ tta̧kuȩkuä̧tu̧ku̧'i̧nä̧ ja̧'wa̧ta̧nü̧ ttü jäwänä̧ kua̧'kua̧ tta̧kuȩkuä̧tu̧ku̧'i̧nä̧; ja̧'wa̧nü̧ ä̧ju̧ku̧ rü̧ȩnä̧ esewäjisä.

2 Corintios 2:3

Wo̧jui̧nü̧sä̧ ttü cheseuta'anü̧ ukutu o'katoi'ünä̧ kuesewätukua'amä̧. Ja̧'wa̧nü̧ ja̧'a̧ttü̧, tteseäkuäwajü jueimä̧, kua̧'kua̧ tta̧kuȩkuä̧tu̧kua̧ pä'okü pinü̧sä̧ ja̧'wa̧nü̧ ji̧yä̧ku̧ wȩyu̧tu̧tä̧ wedinä̧u̧jä̧, topü chichoka'atä

Hechos 5:12

Apótore-mä̧ rü̧ȩnä̧ ttü̧ja̧ jȩtto̧kü̧ ja̧jü̧ juei jȩpi̧nä̧tü̧ ttü̧ja̧ ttü̧ja̧kuo̧mȩttü̧; o'katoi'ünä̧ Saromón aditino̧mȩ äpatenä̧ ka̧ka̧kui̧nä̧tü̧.

Hechos 1:14

Ja̧'wa̧nü̧ ja̧'a̧, juätü o'katoi'ünä̧ ka̧ka̧ku̧ Dio-rü ji̧nä̧ yo̧mȩtȩttü̧ ukuokuinä̧tü̧, juätükumä̧ nätü̧'i̧nä̧ ji̧na̧'a̧, Jesú ja̧ju̧ María'i̧nä̧, ü̧jä̧wa̧tü̧'i̧nä̧, jü̧nä̧.

Filipenses 1:4

Dio-rü chukuokuomȩnä̧mä̧ 'kuäopünä̧ eseunu̧ ukuokusä ukutu o'katoi'ünä̧rü̧ ja̧'a̧tȩ'ü̧;

San Juan 3:29

Ya̧tȩ irekuarü ȩmo̧mȩttü̧, irekuarü repe'ü kkü̧mä̧ kkirekuotä ja̧'a̧; ja̧'wa̧nü̧ ja̧'a̧nä̧ kkirekuo a̧wa̧ru̧wa̧mä̧, ippeyänä̧ kkä̧nü̧, suro i̧wȩnȩtä̧ ä̧ju̧ku̧'i̧nä̧ eseu. Ja̧'wa̧nü̧ jü̧ta̧'a̧nü̧, ttü cheseumä̧ jo̧mȩnü̧ päi'äkusä.

2 Timoteo 1:4

Kuajuäwi'äna̧'a̧mä̧ 'kuäopünä̧ amükuädä'ijüsä, ja̧u̧ amükuädü chesewächi'a pä'ü do'ächü chicha pä̧wä̧rü̧jä̧ku̧sä̧.

Hechos 2:1

Pentecostés pättü pä'käri pä̧nä̧ päi'omȩnä̧, Jesucrito-rü esetätümä̧ ji̧nä̧ yo̧mȩtȩ ka̧ka̧kuä̧jä̧'kotü ttü̧ja̧kua̧'a̧,

Filemón 1:20

Cha̧wa̧ru̧wa̧ chi̧jä̧wa̧ pi̧yȩ jädepü, ppä'ädittü, Tu̧ru̧wa̧rü̧ repekua'attü̧; jua̧u̧tä̧tä̧ ppä'ädittü cheseunä̧.