Filipenses 2:11 - Nuevo Testamento Uwotjüja

¹¹ Ja̧'wa̧nü̧ jȩpü̧, o'katoi'ünä̧ ukuokuätümä̧ Jesucrito-rümä̧ Tu̧ru̧wa̧ pättünä̧, jua'a yabo Jä'o Dio-rü uruwo tteseäkuäwa pä'ü.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧ta̧nö̧ o'ca toi'önä ttättö'inä jittähuäcuotö Jesucristomä Tu̧ru̧hua̧ ja̧'a̧ pä'ö. Iso päi'önä Tä'o Diosrö ttucuotäcua'a̧nö̧.

Filipenses 2:11 Referans Kwoze

1 Juan 4:15

Ya̧tȩ, Jesú-ru Dio I̧tti̧ ja̧'a̧ pä'ü ji'äurumä̧, Dio'i̧nä̧ jua̧u̧nä̧tä̧ kkü̧; pärokua'aku jua̧u̧ ttü̧ja̧sa̧'i̧nä̧ Dio-ku kkü̧.

Romanos 14:11

Isopäi'ünä̧ wȩyu̧kuä̧ wȩnȩmä̧ pä'a: 'Kuäopünä̧tä̧ kkü̧sä̧, pä'ü Tu̧ru̧wa̧mä̧, Ttü chä'ka jo̧mȩ o'katoi'ünä̧tä̧ ttiwe'kiyunä̧ pȩjä̧mü̧ ttesewäkuotü. Ja̧'wa̧ta̧nü̧ o'katoi'ünä̧tä̧ Dio-rü tteseäkuäwäkuotü.

San Juan 13:13

Ukutumä̧, ttürümä̧, pä'ä'ijä̧tü̧jä̧, «Chu̧ru̧wa̧,» «Wo̧juȩkuä̧ i̧sa̧,» jü̧nä̧; jua'amä̧ adiu pä'ätüjä̧, iweye jua̧u̧tä̧ cha'attü.

1 Juan 4:2

Pi̧yȩttü̧ kka̧kuä̧mü̧ topü wo̧juä̧wa̧'a̧, isopäi'ünä̧ Dio i̧yä̧wa̧ Epíritu-ru kku̧nä̧rä̧tü̧jä̧ pä'ümä̧: «Jesucrito-mä̧ isopäi'ünä̧ ttü̧ja̧sa̧ jü̧nä̧ ichinü̧ pi̧jä̧ra̧'a̧mä̧,» pätta'attü̧ topü wo̧juä̧tü̧jä̧.

Romanos 14:9

Isopäi'ünä̧ Tu̧ru̧wa̧ Crito-mä̧ pi̧yȩtä̧ ja̧'a̧tȩ'ü̧ 'korujuo'ächäji̧'ka̧, pä'äjita'anü̧ tto'ächinü̧: A̧'kua̧rä̧tü̧'i̧nä̧, 'korujuo'ächinä̧tü̧'i̧nä̧ Ttu̧ru̧wa̧ ja̧ pä'ü.

1 Corintios 12:3

Ja̧'wa̧nü̧ ja̧'a̧ttü̧, ukuturu ku̧wo̧juä̧tu̧kua̧ pä'ü pä'üsä, ya̧tȩ'i̧nä̧ Dio i̧sa̧ Epíritu-nä̧mä̧, Jesú-ru su̧ro̧pa̧ päa pä'ümä̧ juiya'a; ja̧'wa̧ta̧nü̧ ya̧tȩ'i̧nä̧ toa'a, ¡Jesú-ru Chu̧ru̧wa̧! pä'ümä̧, Epíritu Sa̧tu̧ toünä̧mä̧.

San Juan 14:13

Ja̧'wa̧nü̧ ja̧'a̧ttü̧ o'kajuiyünä̧, ttü chi̧mi̧nä̧, Chä'orü jäkuepätukumä̧, jȩchä̧kua̧sä̧. Jua'amä̧ Chä'o ukuo jäwä, I̧tti̧nä̧ i̧jȩpa̧ pä'ü.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

1 Corintios 8:6

ja̧'wa̧nü̧ ja̧'a̧nä̧, ujuturumä̧ ya̧tȩtä̧ ja̧'a̧ tü̧ä̧nä̧wa̧ Dio-mä̧, Tä'omä̧, o'kajuiyünä̧ jua̧u̧ aditäwätä ja̧'a̧ ja̧'wa̧ta̧nü̧ ujutu'i̧nä̧ jua̧u̧ru̧ pä̧wä̧rü̧jo̧mȩnä̧tä̧ kka̧kuä̧tü̧jä̧. Ja̧'wa̧ta̧nü̧ Tu̧ru̧wa̧mä̧, ya̧tȩtä̧ ja̧'a̧ Jesucrito-tä, jua̧u̧nä̧tä̧tä̧ o'kajuiyünä̧ uwäbe'inü̧, ja̧'wa̧ta̧nü̧ ujututä'i̧nä̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.

San Mateo 10:32

Ja̧'wa̧nü̧ ja̧'a̧ttü̧, ya̧tȩ ttürü u̧wo̧jua̧'a̧ ttü̧ja̧ ttä'ka jo̧mȩttü̧ jiäuttümä̧, ttü'i̧nä̧ Chä'o mo̧ro̧jä̧nä̧ kkü̧ ä'ka jo̧mȩttü̧ jua̧u̧ru̧ chu̧wo̧jua̧'a̧ ji̧dä̧wä̧kua̧sä̧;

Hechos 10:36

Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

Hechos 2:36

«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»

San Juan 9:22

Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

2 Juan 1:7

Ja̧'wa̧ta̧nü̧ pi̧jä̧nä̧mä̧ rekuätü ttü̧ja̧rü̧ yaparetü Jesucrito-mä̧ isopäi'ünä̧ Ubo jü̧nä̧mä̧ ichokü pinü̧ pä'ü kue'ächü ji'äwätü. Ja̧'wa̧nü̧ wa̧mä̧ jerutu ikuäwä i̧sa̧tä̧ ja̧'a̧ ja̧'wa̧ta̧nü̧ Crito aboi̧ya̧tä̧ wa̧.

1 Corintios 15:47

Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

Romanos 15:9

ja̧'wa̧ta̧nü̧ judío pokotü'i̧nä̧ Dio-rü tteseäkuäwa pä'ü, re kki̧nü̧rü̧, wȩyu̧kuä̧ wȩnȩ pa̧'a̧nü̧ pä'a: «Ja̧'wa̧nü̧ ja̧'a̧ttü̧ chesewä̧kua̧jä̧, judío pokotü ttü̧'kä̧tȩ jo̧mȩttü̧, ja̧'wa̧ta̧nü̧ kui̧mi̧ ra̧dä̧kua̧sä̧, ra̧wä̧wä̧nä̧.»

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 17:1

Pi̧yȩ wȩnȩ pä'ü kä'ädü, Jesú-mä̧ mo̧ro̧jä̧ra̧'a̧ku̧ topü pä'inü̧: Chä'o, Kui̧tti̧ ukuo jäwä kui̧jȩpü̧ mo̧ro̧ rȩbȩä̧kuä̧wa̧'a̧, pärokua'aku'i̧nä̧ kuruwo jäwä i̧jȩpä̧kua̧'a̧nü̧ jȩpi̧.

San Juan 12:42

Ja̧'wa̧nü̧ ja̧'a̧nä̧'i̧nä̧, ruwotümä̧ rekuätü Jesú-ru esetinä̧tü̧; ja̧'wa̧nü̧ tteseta'anä̧, fariseo wotü sinagoga-ttü rä'epü ttikuätü pä'ü, wäjuönä̧mä̧ ji'äwokotü pinä̧tü̧.

San Lucas 2:11

Jitä mo̧ro̧mä̧ Dawi idepiyuttü üwäpächäjiyä̧u̧jä̧, ya̧tȩ ppädäkuäwä i̧sa̧, jua̧u̧mä̧ Tu̧ru̧wa̧ Crito ja̧'a̧.

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

San Juan 13:14

Ttü, isopäi'ünä̧ wo̧juȩkuä̧ i̧sa̧'i̧nä̧ cha'anä̧, ku̧ru̧wa̧tu̧'i̧nä̧ cha'anä̧ ku̧jä̧pi̧yä̧tu̧ku̧ chutükä̧jä̧u̧jä̧ ja̧'wa̧ta̧nü̧ ukutu'i̧nä̧ ku̧jä̧pi̧yä̧tu̧ku̧ kka̧ra̧ kka̧ra̧nü̧ tükäkuäwü ku̧jä̧tu̧kua̧jä̧.