Filipenses 1:8 - Nuevo Testamento Uwotjüja

⁸ Ja̧'wa̧ta̧nü̧ Dio-tä ja̧'a̧ ukutu o'katoi'ünä̧rü̧ repedü wo̧jua̧mä̧, Crito repe'ü eseuta'anü̧.

TÄ̧DO Ä̧CUÄ̧ I̧HUȨNȨ

⁸ Dios huo̧jua̧ ucuturu Jesucristo repeö'a̧nö̧, repe'ö pä̧huä̧ rö̧jä̧cu̧sä̧ ucuturu o'ca toi'önärö.

Filipenses 1:8 Referans Kwoze

Filipenses 4:1

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ ukutumä̧ rü̧ȩnä̧ rȩpȩdä̧u̧ kuätukua'attü, ya̧tȩtä̧ Tu̧ru̧wa̧nä̧ yaboku tätukui. Ukuturumä̧ jäwänä̧mä̧ mikuäwächäku eseusä.

Romanos 1:9

Dio-tä ja̧'a̧ wo̧jua̧mä̧ cha̧'kua̧rü̧ eseunä̧ chadita'amä̧; Churutä Dio-rü chukuokuta'anü̧, 'kuäopünä̧ ukutu kutü'kütuku 'kuäopünä̧ chukuokua'amä̧.

2 Timoteo 1:4

Kuajuäwi'äna̧'a̧mä̧ 'kuäopünä̧ amükuädä'ijüsä, ja̧u̧ amükuädü chesewächi'a pä'ü do'ächü chicha pä̧wä̧rü̧jä̧ku̧sä̧.

1 Tesalonicenses 2:8

Ukuturu rü̧ȩnä̧ repetächina̧'a̧mä̧, suro jareü wȩnȩ Dio i̧wȩnȩtä̧mä̧ tiya pätoko̧u̧jä̧, ta̧'kua̧rü̧'i̧nä̧ tiyü'anü̧ wotüjä̧ ukutunä̧mä̧. ¡Isopäi'ünä̧ ukuturu rü̧ȩnä̧ repetächina̧'a̧ttü̧!

Romanos 9:1

Chuyaparewoka'a, Crito-nä̧ isopäi'ünä̧ pä'üsä. Ja̧'wa̧ta̧nü̧ Chamükuädümä̧ Epíritu Sa̧tu̧ juȩpä̧ra̧'a̧ttü̧ pä'üsä:

Filemón 1:12

Pä'äjita'anü̧ jua̧u̧ru̧ we'üsä, ttürü dokuädajüta'anü̧ do'ädirü.

Colosenses 2:1

Ja̧'wa̧ta̧nü̧ ku̧wo̧juä̧tu̧kua̧ pä'üsä, ukutu jäwänä̧ usurä chȩmä̧u̧'i̧nä̧, ja̧'wa̧ta̧nü̧ Laodicea-nä̧ kka̧kuä̧tü̧rü̧ usurä chȩmä̧u̧'i̧nä̧, ja̧'wa̧ta̧nü̧ kkorotü ttürü jerupätürü'i̧nä̧ o'katoi'ünä̧rü̧.

Gálatas 4:19

Chi̧tti̧mü̧ 'kua̧rü̧nä̧ ukuturu repeda'attü̧, ukutu Crito jü̧ta̧'a̧nü̧ juokuächätukuomȩbü päi'ünä̧ pä'äjita'anü̧ usurä ȩmä̧u̧sä̧, muchaju ku̧kuä̧ba̧ barawäkua usurä kkȩmä̧wa̧'a̧ 'kua̧rü̧nä̧.

Gálatas 1:20

Pi̧yȩ chi̧wȩyu̧tu̧mä̧, Dio-mä̧ wo̧jua̧ chuyaparewoka'amä̧.

2 Corintios 7:15

Ja̧'wa̧ta̧nü̧ Tito-mä̧ ukutu o'katoi'ünä̧rü̧ rü̧ȩnä̧ amükuädü, ukuotü kkä̧nü̧, päüta'anü̧ kuesetinä̧tu̧kuä̧ku̧. Ja̧'wa̧nü̧ ja̧'a̧ttü̧ ukuturu eseu.

2 Corintios 6:12

Ujutumä̧ ukuturumä̧ rü̧ȩnä̧ esewätüjä̧; ja̧'wa̧nü̧ ja̧'a̧nä̧ ukutumä̧, pärokua'akumä̧ amükuädokotüjä̧.

San Lucas 1:78

Tü̧ä̧nä̧wa̧ Dio-mä̧ rü̧ȩnä̧ rȩrü̧jü̧ topü mo̧ro̧jä̧ra̧'a̧ttü̧ do'ächü i̧chä̧kuä̧u̧jä̧ jareünä̧ mo̧ro̧ juoa'a jä̧'i̧nü̧'a̧nü̧,

1 Juan 3:17

Isopäi'ünä̧, yotüte ttiäre pärätä kku̧nä̧rä̧tü̧, tta̧wa̧ru̧wa̧ tti̧jä̧wa̧rü̧ rekuä rü̧ja̧'a̧ totta'anä̧; jua̧u̧ru̧ re ttü̧jü̧ juiyüttümä̧, ¿Toku kkä̧kua̧'a̧jä̧ttü̧, tta̧mi̧so'kinä̧mä̧, Dio eseu repeü jäwämä̧?

Filemón 1:20

Cha̧wa̧ru̧wa̧ chi̧jä̧wa̧ pi̧yȩ jädepü, ppä'ädittü, Tu̧ru̧wa̧rü̧ repekua'attü̧; jua̧u̧tä̧tä̧ ppä'ädittü cheseunä̧.

1 Tesalonicenses 2:5

Ujutumä̧ ukutu kuesetätukuatü pä'ümä̧, ti̧wȩnȩmä̧ a̧'kua̧tü̧mä̧ ukuokuokotüjä̧ ja̧'wa̧ta̧nü̧ pärätä ja̧'a̧tȩ'ü̧mä̧ yaparetümä̧ jitäwo̧ko̧u̧jä̧. Dio topü ja̧'a̧ttü̧ wo̧jua̧ pi̧yȩ yapare pädoka'amä̧.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

Filipenses 2:26

Ukutu o'katoi'ünä̧rü̧ a̧mü̧kuä̧rü̧ a̧'kua̧ tta̧'ȩkuä̧ji̧, rü̧ȩnä̧ na̧wä̧cha̧'a̧ ukuowa'a kuä̧ju̧kuini̧yä̧tu̧kuä̧ku̧.

Filipenses 2:1

Ja̧'wa̧nü̧ ja̧'a̧ttü̧, Crito-rü esetü ku̧jä̧tu̧kuo̧mȩnä̧ kuesewätukunä̧, ro̧kuȩkuä̧tu̧ku̧nä̧, Epíritu-nä̧ ji̧nä̧ ji̧yȩtȩnä̧ ku̧ja̧kuä̧tu̧ku̧nä̧, rȩrü̧jü̧nü̧ to'kuäkuäwätukunä̧ kujurutuku iyinü̧ jü̧ttü̧mä̧,

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.