Filipenses 1:7 - Nuevo Testamento Uwotjüja

⁷ Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

TÄ̧DO Ä̧CUÄ̧ I̧HUȨNȨ

⁷ Ucuturu ja̧'hua̧nö̧ pä'ö chamöcuädöttömä, adihua'ado. Ucuturu chami iso'quinä eseunu amöcuädösä. Ujutumä ji̧nä̧ yo̧mȩtȩ adihuä juäi ȩmi̧nä̧tö̧jä̧, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ji'äu cärenä chö̧'a̧'a̧nä̧'i̧nä̧, ja̧u̧ huȩnȩ cheseta'attö ttörö jä'epö ttä̧ju̧cua̧'a̧nä̧'i̧nä̧.

Filipenses 1:7 Referans Kwoze

2 Corintios 7:3

Pi̧yȩmä̧, ukuturu suronä̧ pä'ümä̧ pädokü; täkü ä'kanä̧ jidäwinä̧u̧jä̧, ukuturu ta̧mi̧'iso'kinä̧ repeta'a chukuokuinä̧u̧jä̧, wa'are'i̧nä̧ ja̧'wa̧ta̧nü̧ a̧'kua̧rä̧kuä̧wä̧'i̧nä̧ ttoepoka'a jä̧kua̧'a̧ ukuturu eseu repetümä̧.

Filipenses 1:5

jua'amä̧ jareü wȩnȩ jidäwomȩnä̧ ppä̧kuä̧dä̧rä̧tu̧kua̧'a̧ttü̧, ä̧kuo̧mȩnä̧ kuä̧ju̧kui̧nä̧tu̧kuo̧mȩttü̧ kkä̧mä̧dü̧ jitä mo̧ro̧bü päi'ünä̧.

2 Timoteo 2:9

Jua̧u̧, adiwäjuei wȩnȩ jäwä jidäwomȩttü̧ rü̧ȩnä̧ usurä ȩmä̧u̧mä̧, kärenä̧ pü̧sä̧; ttü̧ja̧rü̧ kuäwä i̧sa̧ 'kua̧rü̧nä̧, kä̧rȩnä̧sa̧nä̧ nü̧'käwa'amä̧ ttü̧tä̧rä̧ku̧sä̧; ja̧'wa̧nü̧ ja̧'a̧nä̧ Dio i̧wȩnȩmä̧ nü̧'käwa'amä̧ po̧ka̧'a̧.

Colosenses 4:18

Ttütä, Pauru, chu̧mü̧nä̧ wȩyu̧tu̧ te'äusä: kärenä̧ chü̧'a̧'a̧ amükuädätukui. Cha̧mi̧ iso'ki o'kajuiyünä̧ pä̧wä̧rü̧jä̧ku̧sä̧, Dio repeü jo̧mȩnü̧ ku̧ju̧nä̧rä̧tu̧kua̧ pä'ü.

Filipenses 4:14

Ja̧'wa̧nü̧ ja̧'a̧nä̧, adiu jȩ'kui̧nä̧tu̧kuä̧ku̧sä̧, ttü usurä chȩmä̧u̧ mo̧ro̧ ppäkuädätukuomȩnä̧.

Efesios 6:20

Tu̧ru̧wa̧mä̧ weinä̧ku̧sä̧ kko̧ro̧jä̧ ttü̧ja̧sa̧ jü̧nä̧ pi̧yȩ wȩnȩ jidäwa pä'ü, ja̧'wa̧nü̧ jo̧mȩttü̧ kärenä̧ pü̧sä̧ jitämä̧. Dio-rütä jä'epätukui, jua̧u̧ ütü'kü yekuäkuäwä juiyünä̧ chujuruku jidäwäkua'anü̧.

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

Hechos 20:23

Ji̧yȩtȩtä̧ wo̧jua̧sä̧, Epíritu Sa̧tu̧mä̧ chi̧'cho̧mȩ pünä̧mä̧ jiäwäkusä, suronä̧ usurä chȩmä̧wä̧kua̧'a̧'i̧nä̧, kärenä̧ ttütäkua'a'i̧nä̧, jü̧nä̧.

1 Juan 3:14

Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

2 Pedro 1:13

Ji̧nä̧ cha̧'kua̧rä̧i̧mä̧ pi̧yȩnä̧ ro̧'ȩpü̧nü̧ jidäwa pä'ümä̧ chaditäwä ja̧'a̧.

1 Pedro 4:13

Ja̧'wa̧nü̧ ja̧jü̧jueimä̧ esewätukui Crito usurä ȩmä̧winü̧nä̧ usurä kuȩmä̧wä̧tu̧kuo̧mȩnä̧mä̧, ja̧'wa̧ta̧nü̧ eseäkuäwä jo̧mȩnü̧ jä̧kua̧'a̧nü̧ uruwo i̧jȩpo̧mȩnä̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

1 Tesalonicenses 5:5

Isopäi'ünä̧ ukutumä̧ o'katoi'ünä̧ tȩya̧u̧, mo̧ro̧ jäwä i̧tti̧mü̧jä̧; yodomä̧, yo̧ü̧mä̧ i̧tti̧mü̧mä̧kü̧jä̧.

Colosenses 4:3

Ja̧'wa̧nü̧ kukuokuätukuomȩnä̧mä̧ ujuturu'i̧nä̧ Dio-rü ukuokuätukui, Tu̧ru̧wa̧ bawepätü, Crito amükuädinü̧ ttieruwuö wȩnȩ jitäwa, ttü'i̧nä̧ jua̧u̧ jäwänä̧tä̧ kärenä̧ pü̧sä̧.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

2 Corintios 3:2

Ukututäjä̧ ujutu ti̧wȩnȩ ti̧wȩyu̧ti̧nä̧u̧ wotümä̧, kua̧mi̧'iso'kitukunä̧ wȩyu̧kuo̧tü̧mä̧, o'katoi'ünä̧ ttü̧ja̧mä̧ ukuturu topü, ukuoku ttu̧wo̧juö̧nä̧;

1 Corintios 13:7

O'kajuiyünä̧ usurä ȩmä̧wä̧kuä̧wä̧ ja̧'a̧, o'kajuiyünä̧ esetäkuäwä ja̧'a̧, o'kajuiyünä̧ tta̧wä̧rä̧kuä̧wä̧ ja̧'a̧, o'kajuiyünä̧ tta̧mi̧'kiächi'äkuäwä ja̧'a̧.

1 Corintios 9:23

Pi̧yȩ o'kajuiyünä̧ jȩpü̧sä̧, jareü wȩnȩ jäwänä̧, jua̧u̧ jäwä ji̧nä̧ ji̧yȩtȩnä̧ cha pä'ü.

Hechos 21:33

Ja̧'wa̧nü̧ ja̧'a̧, su̧ro̧do̧u̧ ttu̧ru̧wa̧mä̧, Pauru-rü 'chuttäda pä'ü we'ünü̧, kärenä̧sa̧ to̧sa̧rȩnä̧ ttü̧nü̧'karü pä'ü we'inü̧. Ja̧'wa̧nü̧ jȩttü̧nä̧ wȩ'ä̧ji̧'ka̧ jä'epü ä̧ju̧kui̧nü̧, jua̧u̧mä̧ tidejua̧'a̧ ja̧ pä'ü ja̧'wa̧ta̧nü̧ däjé jȩä̧ja̧ ja̧ pä'ü.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

Filipenses 1:12

Chawaruwä chi̧jä̧wa̧tü̧, ku̧wo̧juätu̧kua̧ pä'üsä, isopäi'ünä̧ ttürü 'kuäopinü̧mä̧ jareü wȩnȩ rü̧ä̧chü̧nä̧ 'kuäopina̧'a̧.

Filipenses 1:13

Ja̧'wa̧ta̧nü̧ kärenä̧ chü̧'a̧'a̧mä̧ wo̧juä̧tü̧ ruwode su̧ro̧do̧u̧'i̧nä̧, kkorotü'i̧nä̧ o'katoi'ünä̧; Crito-rü ukuotomȩttü̧, kärenä̧ pü̧ pä'ümä̧.

Filipenses 1:14

Jua'a yabonä̧, kärenä̧ chü̧'a̧'a̧ wo̧jui̧'ü̧mä̧, chawaruwä chü̧jä̧wa̧tü̧mä̧, Crito ppäda'anä̧, Dio i̧wȩnȩmä̧ yabokutä yeäwä juiyünä̧ ji'äwätü.

Filipenses 2:22

Ja̧'wa̧nü̧ ja̧'a̧nä̧, täkü wo̧juä̧tü̧jä̧ Timoteo adiu jȩü̧ tü'kümä̧ ja̧'wa̧ta̧nü̧ wo̧juä̧tü̧jä̧ chi̧tti̧ 'kua̧rü̧nä̧ Dio i̧wȩnȩ jidäwa'anä̧ ttürü ppädärä̧'i̧jü̧mä̧.

Filipenses 4:3

Ja̧'wa̧ta̧nü̧ uku, ttürü ppä'ädä̧rä̧'i̧jü̧rü̧'i̧nä̧ jä'epüsä, juätü nä̧tü̧rü̧ ppäkuäda pä'ü. Juätümä̧ adiwä wȩnȩ jidäwomȩnä̧ ppä'ädäri̧nä̧tü̧, ja̧'wa̧ta̧nü̧ Clemente'i̧nä̧, kkorotü'i̧nä̧ aditinä̧tü̧. Juätü o'katoi'ünä̧ tti̧mi̧pi̧yä̧mä̧ wȩyu̧tu̧ rütäwa'a pa̧'a̧, kkä̧kuä̧wä̧ i'ko kuyäru'tänä̧.

Filipenses 4:15

Ja̧'wa̧ta̧nü̧ ukutu Filipo ttü̧ja̧mä̧ wo̧juä̧tü̧jä̧, Macedonia-ra̧'a̧ttü̧ rä'opäji̧'ka̧ Dio i̧wȩnȩ ä̧kuo̧mȩnä̧ kkä̧mä̧dü̧ jidäwomȩnä̧, kkorotümä̧ ppättädoka'anä̧, juȩnȩ igresia wotütä ji̧na̧'a̧, ttürü rekuä rü̧jü̧ ppä'ädinä̧tü̧mä̧, pärokua'aku'i̧nä̧ ppädäda'anä̧.

Filemón 1:13

Jua'akumä̧ jareü wȩnȩ jäwänä̧ kärenä̧ chü̧'a̧'a̧ ppä̧dä̧ra̧ttü̧ pädü'anü̧ ja̧'a̧nä̧;