Filipenses 1:6 - Nuevo Testamento Uwotjüja

⁶ Chu̧wo̧juä̧u̧nä̧ jä̧ku̧sä̧ isopäi'ünä̧ ukutunä̧ adiwä juei jȩpi̧nü̧mä̧, yabonü̧ aditü ikuäkua̧ pä'ü, Jesucrito ppa̧wä̧chä̧kuȩ mo̧ro̧bü päi'ünä̧.

TÄ̧DO Ä̧CUÄ̧ I̧HUȨNȨ

⁶ Huo̧jua̧sä̧ Dios äcuomenä adihuä juäi aditinö cuami iso'quitucunä, ji̧nä̧ isocu aditö ppä̧dä̧cua̧ ucuturu rö̧ä̧chi̧'ö̧nä̧, Jesucristo ichä̧cuȩ mo̧ro̧ päi'önä.

Filipenses 1:6 Referans Kwoze

Filipenses 2:13

Isopäi'ünä̧ Dio-tä ja̧'a̧, ukuturu adiu jȩ'kuä̧tu̧kua̧ pä'ü kuju'kätukunä̧'i̧nä̧, adiu jȩ'kuä̧tu̧ku̧nä̧'i̧nä̧ jȩpü̧mä̧.

Efesios 4:12

Jua'amä̧ I̧tti̧mü̧ juo'ächinä̧tü̧rü̧ jo̧mȩnü̧ juottepa pä'ü, ttaditäwä jo̧mȩnü̧ ttadita pä'ü, ja̧'wa̧nü̧ jȩpü̧ igresia wotürü ttäräbe'a pä'ü.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Corintios 1:8

Dio-mä̧, ukuturumä̧ pi̧jä̧ beipächomȩbü päi'ünä̧ 'kiyünä̧ ku̧jä̧tu̧ku̧nä̧ tta̧wä̧rä̧kuä̧u̧jä̧, Tu̧ru̧wa̧ Jesucrito pä'äjita'anü̧ ichomȩnä̧, surojü jȩ'kuä̧tu̧ku̧mä̧, ya̧tȩrü̧'i̧nä̧ päwi'ü juiyäkua'anü̧.

2 Tesalonicenses 1:11

Ja̧'wa̧nü̧ ja̧'a̧ttü̧ ukutunä̧mä̧ 'kuäopünä̧ Dio-rümä̧ ukuokuätüjä̧, Dio-rümä̧ jä'epätüjä̧ umüwäyotü jü̧nä̧ pojopü ȩma̧tü̧ pä'ü pä̧wä̧rü̧jü̧ toä'ija'attü̧mä̧ ja̧'wa̧ta̧nü̧ ujurunä̧tä̧ ppädätukuaku pä'ü adiwäjuei ukuturu pä̧wä̧rü̧jü̧mä̧, ja̧'wa̧ta̧nü̧ kuaditäwätuku kua̧'kua̧ wȩnä̧rü̧nü̧ jȩ'kui̧nä̧tu̧ku̧mä̧.

Hebreos 10:35

Ja̧'wa̧nü̧ ja̧'a̧ttü̧, Dio-rü kua̧'kua̧ ku̧wȩnä̧rä̧tu̧ku̧mä̧ käkuädi'ätukuä, jua̧u̧ mikuämä̧ kuȩmä̧kuo̧tü̧jä̧.

San Juan 6:29

Jesú ädätinä̧u̧: —Pi̧yȩ ja̧'a̧ Dio aditäwämä̧, Chutä weinä̧ku̧ru̧ kuesetiyätükuarü pä'ü.

Filipenses 1:10

Jua'amä̧ adiwäjuei ku̧wo̧juä̧tu̧kua̧ pä'ü. Ja̧'wa̧nü̧ kuätukuttümä̧ Jesucrito ichü mo̧ro̧ päi'omȩnä̧ surojü juikuätukuäkuotüjä̧ ya̧tȩ'i̧nä̧ surojü jȩ'kuȩ'i̧jü̧ päü juiyäkua'anü̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

Filemón 1:21

Wȩyu̧tu̧ wedäkujä̧, ppä̧dä̧kua̧ pä'ü chu̧wo̧jua̧'a̧ttü̧. Suro jua̧u̧tä̧mä̧kü̧ kkoro'i̧nä̧ ppäkuädäkua'amä̧ wo̧jua̧sä̧.

Filipenses 1:29

Isopäi'ünä̧ Dio-mä̧ ukuturu adiwä juei iyinü̧, suro Crito-rü kuesetätukua pä'ütämä̧kü̧, Jua̧u̧ jäwänä̧ usurä kuȩmä̧wä̧tu̧kua̧ pä'ü'i̧nä̧, iyinä̧u̧jä̧.

2 Tesalonicenses 3:4

Ja̧'wa̧ta̧nü̧ Tu̧ru̧wa̧nä̧tä̧ ta̧'kua̧ wȩnä̧rä̧tü̧jä̧ ukutu jȩ'kuä̧tu̧ku̧mä̧ ja̧'wa̧ta̧nü̧ wetinü̧ porü yaboku jȩ'kuä̧tu̧kuä̧kuȩ'i̧nä̧.

Colosenses 2:12

Bautizo jȩ'kuä̧kuä̧wä̧tu̧kuo̧mȩnä̧, ukutumä̧ Crito-ku 'korujuo'ächinä̧tü̧jä̧, ja̧'wa̧ta̧nü̧ wa'arettü'i̧nä̧ jua̧u̧tä̧ku̧ tto'ächinä̧tü̧jä̧, isopäi'ünä̧ Dio ujuru kku̧nä̧rü̧rü̧ wa'arettü'i̧nä̧ tto'ächinü̧rü̧ kuesetinä̧tu̧kua̧'a̧ttü̧.

2 Corintios 7:16

¡Ttü'i̧nä̧ ukuturu, jo̧mȩnü̧ cha̧'kua̧ wȩnä̧rü̧ eseusä!

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

Hechos 16:14

Ja̧'wa̧nü̧ ja̧'a̧, yajute Lidia pä'ü mi̧kuaju; púrpura pättü iyäwä isaju, Tiatira ütawiyä ttü̧ja̧saju, Dio-rü esetä'ijäju juȩnȩ ä̧ju̧kuä̧rü̧ pinä̧ju̧, Pauru jiäwa'a. Juäjuru kka̧mi̧so'ki ba'epinü̧ Tu̧ru̧wa̧mä̧, Pauru jiwa'a adiu kkä̧ju̧kua̧ pä'ü.

Gálatas 5:10

Ttümä̧ Chu̧ru̧wa̧rü̧tä̧ cha̧'kua̧ wȩnä̧rü̧sä̧, ukuturumä̧ kkara'akumä̧ amükuädokotüjä̧ pä'ü; ja̧'wa̧nü̧ ja̧'a̧nä̧ ukuturu tto̧'ȩpä̧rü̧rü̧mä̧ Dio ro̧ȩpä̧kua̧, jȩpü̧rü̧mä̧.

2 Pedro 3:10

Ja̧'wa̧nü̧ ja̧'a̧nä̧ Tu̧ru̧wa̧ u̧mo̧ro̧ päi'omȩnä̧mä̧ nä̧u̧kuä̧rä̧wä̧ i̧sa̧ 'kua̧rü̧nä̧ i̧chä̧kua̧. Ja̧'wa̧nü̧ päi'omȩnä̧ mo̧ro̧jä̧mä̧ rü̧ä̧nä̧ yettünä̧ päi'ünä̧ rä̧mi̧pü̧nä̧ jȩä̧chä̧kua'a, juä̧jä̧nä̧ rü̧jü̧'i̧nä̧ okurä kkuwü ikuomȩnä̧ to̧ȩ'ä̧chä̧kuȩ, ja̧'wa̧ta̧nü̧ rȩjȩ'i̧nä̧, o'kajuiyünä̧ juä̧jä̧nä̧ kka̧ku̧mä̧ kuo'ü i̧kuä̧kuȩ.

2 Corintios 9:4

Jo̧mȩnü̧ jȩpü̧ ku̧ju̧nä̧tu̧kuo̧ka̧'a̧nä̧, Macedonia ttü̧ja̧, yotüte ttüku ttichüttümä̧ dä'ä ttutu 'kua̧ra̧'a̧, ta̧'kua̧ tu̧wȩnä̧rä'i̧ja̧'a̧mä̧, ukututä'i̧nä̧ dä'ä ttukuätukuä pä'üsä, pä'ü.

2 Corintios 2:3

Wo̧jui̧nü̧sä̧ ttü cheseuta'anü̧ ukutu o'katoi'ünä̧ kuesewätukua'amä̧. Ja̧'wa̧nü̧ ja̧'a̧ttü̧, tteseäkuäwajü jueimä̧, kua̧'kua̧ tta̧kuȩkuä̧tu̧kua̧ pä'okü pinü̧sä̧ ja̧'wa̧nü̧ ji̧yä̧ku̧ wȩyu̧tu̧tä̧ wedinä̧u̧jä̧, topü chichoka'atä

2 Corintios 1:15

Pa̧'a̧nü̧ amükuädü, ä̧kuo̧mȩnä̧mä̧, ukuturu dodächächa pä'inü̧sä̧, yȩnȩta̧'a̧nü̧'i̧nä̧ kueseäkuäwätukua pä'ü,

Filipenses 2:12

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ 'kuäopünä̧ kukuotä'ijätukuta'anü̧ ukuotätukui, suro ttü ukutuku chü̧jo̧mȩnä̧tä̧mä̧kü̧, ttü otó chü̧jo̧mȩnä̧'i̧nä̧. Ye'ekunü̧, ukuotü aditätukui ra̧wä̧pi̧jü̧ttü̧ kki̧'ä̧kuä̧wä̧ ku̧ji̧pä̧tu̧kuä̧kuȩnä̧mä̧;

Filipenses 2:16

Kkä̧kuä̧wä̧ wȩnȩmä̧ käkuädi'ätukuoka'a esetätukui, Crito ichomȩnä̧ ttü ukuo tedäwäkua'anü̧. Yaparemä̧ usurä ȩmä̧u̧mä̧ aditokü pinü̧sä̧ pädäkua'anü̧.