Filipenses 1:26 - Nuevo Testamento Uwotjüja

²⁶ Ja̧'wa̧nü̧ ja̧'a̧ttü̧, pä'äjita'anü̧ jua'a ku̧jä̧tu̧kua̧'a̧ chichomȩnä̧mä̧, Jesucrito-rü rü̧ȩnä̧tä̧ kuesewätukuäkuotüjä̧, ttü jäwänä̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧ ja̧'a̧ttö̧ cu̧ja̧cuä̧tu̧cuo̧mȩ ppa̧dä̧cho̧mȩnä̧, Cristo Jesúsnä cuesehuätucuaja ttörö.

Filipenses 1:26 Referans Kwoze

2 Corintios 1:14

Jitä ku̧wo̧jui̧pä̧tu̧kuo̧kü̧mä̧. Tu̧ru̧wa̧ Jesucrito ppa̧wä̧cho̧mȩnä̧ ujuturu kueseäkuäwäkuotüjä̧; ujuturu, pärokua'aku teseäkuäwuöta'anü̧.

2 Corintios 5:12

Pä'äjita'anü̧ ujutu ta̧mü̧nä̧ pa̧ja̧tü̧ adiu kuesewätukuatü pä'ümä̧ pätoka'anä̧, jueünä̧ amükuädütä kuesewätukuatü pä'ätüjä̧. Ja̧'wa̧nü̧ kuädätätukuomȩnä̧ päwächa'a tta̧mi̧ iso'kittümä̧ otó tta'anä̧, ukuo te'äkuäwätürü.

Filipenses 4:4

Tu̧ru̧wa̧nä̧ 'kuäopünä̧ eseäkuäwätukui. Yaboku pädäu̧jä̧: ¡Eseäkuäwuötä kka̧kuä̧tu̧kui̧! jü̧nä̧.

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

Filipenses 4:10

Chu̧ru̧wa̧ i̧mi̧nä̧ esewäjisä ukuturu, pä'äjita'anü̧ ttürü kuamükuädäjätukuäku. Jua'akumä̧ ku̧ni̧chi'ätukuoka'anä̧, ppäkuädätuku mo̧ro̧ rȩbȩwo̧ka̧'a̧ jä̧'i̧ji̧yä̧ku̧.

Filipenses 3:1

Chawaruwä chi̧jä̧wa̧tü̧, kkoro päi'ünä̧mä̧, Tu̧ru̧wa̧nä̧ eseäkuäu ku̧jä̧tu̧kua̧ pä'üsä. Ukuturu chi̧wȩyu̧ti̧nü̧ pä'äjita'anü̧ chi̧wȩyu̧ta̧ pä'ü'i̧nä̧ ü̧tä̧ri̧jo̧ko̧ku̧sä̧, jua̧u̧mä̧ ukuturu ppädü ja̧'a̧ttü̧.

2 Corintios 7:6

Ja̧'wa̧nü̧ ja̧'a̧nä̧, Dio-mä̧, usurä ȩmä̧wä̧tü̧rü̧ ppädäkuäwä i̧sa̧ ja̧'a̧ttü̧, ppädinä̧u̧jä̧, Tito ichi'omȩnä̧;

San Juan 16:24

Jitä pȩnȩbü, Ttü chi̧mi̧nä̧mä̧ yorisotä jä'epokotü pä'ijätüjä̧; jä'epätukui, kuȩmä̧tu̧kua̧; kueseäkuäwätuku jo̧mȩnü̧ päkui'ätukua.

San Juan 16:22

Ja̧'wa̧nü̧ jä̧'i̧jü̧ta̧'a̧nü̧, jitämä̧ kua̧'kua̧ tta̧'ȩkuä̧tü̧jä̧; ja̧'wa̧nü̧ ja̧'a̧nä̧, pä'äjita'anü̧ tochäkuä̧u̧jä̧ ja̧'wa̧nü̧ jo̧mȩnä̧ kua̧mi̧'iso'kitükumä̧ rü̧ȩnä̧ esewäkua'a ja̧'wa̧nü̧ kuesewätukumä̧ ya̧tȩ'i̧nä̧ 'choipokü jä̧kuȩ.

2 Corintios 7:4

Ukuturumä̧ wäjuönä̧tä̧ ukuokusä; ja̧'wa̧ta̧nü̧ rü̧ȩnä̧ eseusä ukuturumä̧; a̧'u̧ ttudomȩnä̧ ppädäkuäwä'i̧nä̧ jo̧mȩnü̧ kkä̧ku̧sä̧; rü̧ȩnä̧ usurä tȩmä̧wa̧'a̧nä̧'i̧nä̧ rü̧ȩnä̧ eseusä.

2 Corintios 7:14

Täkü, Tito-rümä̧, ukuturu chesewa'amä̧ jidäwinü̧ o'ka'a ji̧na̧'a̧. Pärokua'aku Tito-rü jitäwinü̧'i̧nä̧, ukuturu jitäwinü̧'i̧nä̧ isopäi'ünä̧tä̧ ji̧na̧'a̧.

Gálatas 6:4

Ya̧ku̧nä̧ jȩpü̧ ku̧ja̧kuä̧tu̧ku̧mä̧, kua̧mü̧nä̧ pa̧ja̧tü̧tä̧ kka̧mü̧nä̧ topäkuäwätukui.