Filipenses 1:16 - Nuevo Testamento Uwotjüja

¹⁶ Ja̧'wa̧nü̧ ji'äwätümä̧ eseu ji'äwätü; jua̧u̧mä̧ pojopü ȩmi̧nä̧ku̧ jareü wȩnȩ aboiyotürü suronä̧ jȩttü̧ juiyünä̧ tta̧wa̧rä̧kuä̧wä̧ i̧sa̧ pä'ü ttürü ttu̧wo̧jua̧'a̧ttü̧;

TÄ̧DO Ä̧CUÄ̧ I̧HUȨNȨ

¹⁶ Ttörö ra̧huä̧rö̧ ji'ähuätömä, Cristo i̧huȩnȩ rohuähue'ö suronä amöcuädö ji'ähuätö. Jahuätömä cärenä chö̧'a̧'a̧nä̧, cha̧'cua̧ tta̧dȩcui̧ya̧tö̧ pä'ö ji'ähuätö.

Filipenses 1:16 Referans Kwoze

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

Filipenses 1:12

Chawaruwä chi̧jä̧wa̧tü̧, ku̧wo̧juätu̧kua̧ pä'üsä, isopäi'ünä̧ ttürü 'kuäopinü̧mä̧ jareü wȩnȩ rü̧ä̧chü̧nä̧ 'kuäopina̧'a̧.

Filipenses 1:10

Jua'amä̧ adiwäjuei ku̧wo̧juä̧tu̧kua̧ pä'ü. Ja̧'wa̧nü̧ kuätukuttümä̧ Jesucrito ichü mo̧ro̧ päi'omȩnä̧ surojü juikuätukuäkuotüjä̧ ya̧tȩ'i̧nä̧ surojü jȩ'kuȩ'i̧jü̧ päü juiyäkua'anü̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

1 Corintios 9:17

Ja̧'wa̧nü̧ ja̧'a̧ttü̧, eseunu̧ jua̧u̧ jidäuttümä̧, mikuä chȩmä̧kua̧sä̧; ja̧'wa̧nü̧ ja̧'a̧nä̧ chesewoka'a jȩchü̧ttü̧mä̧, weäwi'ina̧'a̧tä̧ jȩpü̧sä̧.

Filipenses 1:5

jua'amä̧ jareü wȩnȩ jidäwomȩnä̧ ppä̧kuä̧dä̧rä̧tu̧kua̧'a̧ttü̧, ä̧kuo̧mȩnä̧ kuä̧ju̧kui̧nä̧tu̧kuo̧mȩttü̧ kkä̧mä̧dü̧ jitä mo̧ro̧bü päi'ünä̧.

Filipenses 2:22

Ja̧'wa̧nü̧ ja̧'a̧nä̧, täkü wo̧juä̧tü̧jä̧ Timoteo adiu jȩü̧ tü'kümä̧ ja̧'wa̧ta̧nü̧ wo̧juä̧tü̧jä̧ chi̧tti̧ 'kua̧rü̧nä̧ Dio i̧wȩnȩ jidäwa'anä̧ ttürü ppädärä̧'i̧jü̧mä̧.

Filipenses 4:3

Ja̧'wa̧ta̧nü̧ uku, ttürü ppä'ädä̧rä̧'i̧jü̧rü̧'i̧nä̧ jä'epüsä, juätü nä̧tü̧rü̧ ppäkuäda pä'ü. Juätümä̧ adiwä wȩnȩ jidäwomȩnä̧ ppä'ädäri̧nä̧tü̧, ja̧'wa̧ta̧nü̧ Clemente'i̧nä̧, kkorotü'i̧nä̧ aditinä̧tü̧. Juätü o'katoi'ünä̧ tti̧mi̧pi̧yä̧mä̧ wȩyu̧tu̧ rütäwa'a pa̧'a̧, kkä̧kuä̧wä̧ i'ko kuyäru'tänä̧.

Filipenses 4:15

Ja̧'wa̧ta̧nü̧ ukutu Filipo ttü̧ja̧mä̧ wo̧juä̧tü̧jä̧, Macedonia-ra̧'a̧ttü̧ rä'opäji̧'ka̧ Dio i̧wȩnȩ ä̧kuo̧mȩnä̧ kkä̧mä̧dü̧ jidäwomȩnä̧, kkorotümä̧ ppättädoka'anä̧, juȩnȩ igresia wotütä ji̧na̧'a̧, ttürü rekuä rü̧jü̧ ppä'ädinä̧tü̧mä̧, pärokua'aku'i̧nä̧ ppädäda'anä̧.