Filipenses 1:15 - Nuevo Testamento Uwotjüja

¹⁵ Isopäi'ünä̧ yotukupünä̧mä̧ Crito ütü'kü ji'äwätü, ttürü tta̧mi̧suru topütä, ä'kuoyäutä ja̧'wa̧nü̧ ja̧'a̧nä̧ kkorotümä̧ eseunü̧tä̧ adiu ji'äwätü.

TÄ̧DO Ä̧CUÄ̧ I̧HUȨNȨ

¹⁵ Iso päi'önä korotö ttörö ra̧huä̧rö̧ a'cuoyäu ji'ähuätö Cristo i̧huȩnȩ. Korotö'inä iso päi'önä adiunätä ji'ähuätö.

Filipenses 1:15 Referans Kwoze

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

2 Corintios 11:13

Isopäi'ünä̧ juätümä̧ yaparewätü, ujutumä̧ apótore-jä̧, Crito we'äwotüjä̧ pätta'anä̧; apótore 'kua̧rü̧nä̧tä̧ 'ka̧tä̧wi̧'ä̧tü̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

2 Corintios 1:19

Isopäi'ünä̧, Dio I̧tti̧ Jesucrito, Silvano-ku̧'i̧nä̧, Timoteo-ku̧'i̧nä̧ ujutu, ukuturu jitäwinä̧ku̧mä̧, todärenä̧mä̧ ji'äwokü pinü̧, Ya'utekutä «A̧» pä'inü̧.

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

Gálatas 2:4

Jua'akumä̧, yä̧wȩi̧nä̧ tü̧'kä̧tȩnä̧ to̧ttä̧ri̧nä̧u̧jä̧ Crito-rü esetätüjä̧ pä'ätümä̧, Crito ujuturu rä'epü ikuinü̧nä̧ tü̧ja̧ku̧ttü̧ rä'epü iku, pä'äjita'anü̧ weäwä wȩnȩku̧ esclavo pättünä̧ tü̧ja̧ku̧nä̧ jȩtta̧ pä'ümä̧.

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;

1 Corintios 13:3

Ja̧'wa̧ta̧nü̧, usurä isotürü chukuäje'a pä'ü chiäre o'kajuiyünä̧ iyü kkä̧nü̧, chidepä kuo'ü ikunä̧ chiyaja pä'ü'i̧nä̧, eseu repeäkuäwä juidomȩnä̧mä̧, ttümä̧ mikuäwokütä jȩpü̧sä̧.

1 Corintios 1:23

ja̧'wa̧nü̧ ja̧'a̧nä̧, ujutumä̧ Crito-rü ü̧jo̧kä̧ jäinä̧ 'korujuo'ächinü̧rü̧ ji'äwätüjä̧. Pi̧yȩmä̧ judío-rümä̧ tto̧ȩpä̧rü̧ wȩnȩ ja̧'a̧nä̧, judío pokotürütä ttu̧'ȩpä̧ro̧ko̧tü̧ ttukuokua'a jä̧'i̧nü̧'a̧nü̧ jü̧ wȩnȩ ja̧'a̧;

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

Hechos 10:36

Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

Hechos 8:35

Ja̧'wa̧nü̧ ja̧'a̧ Felipe-mä̧, juȩnȩ wȩyu̧kua̧'a̧ ukuokuäjämȩttü̧tä̧ kkä̧mä̧dü̧, Jesú jäwä jareünä̧ wȩnȩ jiäwinä̧ku̧.

Hechos 5:42

Ja̧'wa̧nü̧ ja̧'a̧mä̧, mo̧ro̧ ji̧nü̧'a̧kuä̧, Dio-rü ukuokuäwodenä'i̧nä̧, ttü̧ja̧ ttoju odewiyänä̧'i̧nä̧ wo̧juȩtü̧ kkä̧nü̧, ji'äwinä̧tü̧ Jesú jäwämä̧.

Hechos 8:5

Ja̧'wa̧ta̧nü̧ Felipe'i̧nä̧, Samaria ütawiyära̧'a̧ku̧ mȩyȩwä̧chü̧ 'chä̧ji̧'ka̧, Jesucrito ütü'kü ji'äwinü̧.

Romanos 2:8

Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.