Filipenses 1:13 - Nuevo Testamento Uwotjüja

¹³ Ja̧'wa̧ta̧nü̧ kärenä̧ chü̧'a̧'a̧mä̧ wo̧juä̧tü̧ ruwode su̧ro̧do̧u̧'i̧nä̧, kkorotü'i̧nä̧ o'katoi'ünä̧; Crito-rü ukuotomȩttü̧, kärenä̧ pü̧ pä'ümä̧.

TÄ̧DO Ä̧CUÄ̧ I̧HUȨNȨ

¹³ Cristorö esetö cärenä chö̧'a̧'a̧mä̧ huo̧juä̧tö̧ o'ca toi'önä su̧ro̧da̧u̧, ru̧hua̧ ojusode tta̧'ä̧rä̧tö̧'i̧nä̧, pȩnȩ ka̧cuä̧tö̧'i̧nä̧.

Filipenses 1:13 Referans Kwoze

2 Timoteo 2:9

Jua̧u̧, adiwäjuei wȩnȩ jäwä jidäwomȩttü̧ rü̧ȩnä̧ usurä ȩmä̧u̧mä̧, kärenä̧ pü̧sä̧; ttü̧ja̧rü̧ kuäwä i̧sa̧ 'kua̧rü̧nä̧, kä̧rȩnä̧sa̧nä̧ nü̧'käwa'amä̧ ttü̧tä̧rä̧ku̧sä̧; ja̧'wa̧nü̧ ja̧'a̧nä̧ Dio i̧wȩnȩmä̧ nü̧'käwa'amä̧ po̧ka̧'a̧.

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Efesios 6:20

Tu̧ru̧wa̧mä̧ weinä̧ku̧sä̧ kko̧ro̧jä̧ ttü̧ja̧sa̧ jü̧nä̧ pi̧yȩ wȩnȩ jidäwa pä'ü, ja̧'wa̧nü̧ jo̧mȩttü̧ kärenä̧ pü̧sä̧ jitämä̧. Dio-rütä jä'epätukui, jua̧u̧ ütü'kü yekuäkuäwä juiyünä̧ chujuruku jidäwäkua'anü̧.

Hechos 26:29

Päiyäku Pauru-mä̧ pä'inü̧: —A̧'u̧ku̧nä̧tä̧ ja̧ pä'ü'i̧nä̧, rü̧ȩnä̧ ja̧ pä'ü'i̧nä̧, ¡chu̧ru̧wa̧ ukuo i̧sa̧!, Dio-rü pä̧wä̧rü̧ja̧'a̧, o'katoi'ünä̧ ttü jü̧'a̧nü̧ juokuächätukua pä'ü, jua'akumä̧ pi̧sa̧ kärenä̧sa̧ juiyünä̧tä̧.

Filipenses 4:22

O'katoi'ünä̧ Jesucrito-rü esetinä̧tü̧mä̧ tettäwä̧u̧jä̧. Ji̧nä̧so te'äwätümä̧ Roma Ru̧wa̧ umüwäyotü ja̧'a̧.

Hechos 28:30

Pauru-mä̧ todäre años jo̧mȩnä̧ kki̧nü̧ juȩnȩmä̧, yodete isode ü̧jü̧ mikuä mitäu kkä̧nü̧. Ja̧'wa̧nü̧ ü̧ja̧'a̧ttü̧ o'katoi'ünä̧ topü ichätürümä̧, dopepü tottünä̧ jȩpi̧nü̧.

Hechos 28:20

Ja̧'wa̧nü̧ ja̧'a̧ttü̧ ukuturu topü kkä̧nü̧ pi̧yȩtä̧ jidäwa pä'ü wopäjisä; ujutu Irae ttü̧ja̧ tta̧tä̧rä̧'i̧jü̧ jäwä jo̧mȩttü̧, pa̧'a̧nü̧mä̧, pi̧sa̧ kärenä̧sa̧ nü̧'käwa'amä̧ kkü̧sä̧.

Hechos 28:17

I̧rȩbȩwi̧'ä̧ja̧'a̧ttü̧mä̧, wäbodäkuätä mo̧ro̧ o'ka'a, Pauru-mä̧ Roma ütawiyättü Judío tturuwotürü ttü̧ka̧ka̧kui̧'a̧ pä'ü ä̧tȩpä̧ji̧'ka̧, juätürü pä'inü̧: —Chawaruwä chü̧jä̧wa̧tü̧, ttümä̧ judío-rü'i̧nä̧ ja̧'wa̧ta̧nü̧ tü̧tä̧mü̧ mi̧nä̧ jäwä jȩpü̧ ttü̧jä̧'i̧jü̧'i̧nä̧ to'ija̧'a̧ku̧mä̧ suronä̧mä̧ jȩcho̧ka̧'a̧ ji̧na̧'a̧nä̧, Jerusarȩ́-ttü̧ kkä̧mä̧dü̧ kärenä̧ra̧'a̧ iyü ttikuinä̧ku̧sä̧, Roma ttü̧ja̧ ttu̧mü̧nä̧;

Hechos 26:31

ja̧'wa̧nü̧ ja̧'a̧ jäyäku pä'i'ü ukuokuäkuäwinä̧tü̧: —Pidemä̧ kuä'ü ttikuarü pä'ü'i̧nä̧, kärenä̧ ü̧'a̧ pä'ü'i̧nä̧ wokü ja̧'a̧, pä'ü.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Filipenses 1:30

Isopäi'ünä̧ ttü usurä ȩmä̧u̧ 'chu̧dä̧rä̧kuä̧wa̧'a̧ to'kuinä̧tu̧ku̧mä̧ jitä'i̧nä̧ wo̧juä̧tü̧jä̧ usurä ȩmä̧u̧ 'chu̧dä̧rä̧kuä̧u̧mä̧.