Filemón 1:17 - Nuevo Testamento Uwotjüja

¹⁷ Ja̧'wa̧nü̧ ja̧'a̧ttü̧, ttürü'i̧nä̧ kua̧wa̧ru̧wa̧ kui̧jä̧wa̧ jü̧nä̧ repekuttümä̧, jua̧u̧ru̧'i̧nä̧ repe'i.

TÄ̧DO Ä̧CUÄ̧ I̧HUȨNȨ

¹⁷ Iso päi'önä ji̧nä̧ yo̧mȩtȩ tadita'a cuamöcuädöttömä, ttörö cueseu'a̧nö̧ esehui ja̧u̧ru̧'i̧nä̧.

Filemón 1:17 Referans Kwoze

2 Corintios 8:23

Tito ütü'kümä̧ pä'üsä, jua̧u̧mä̧ ttütä cha̧wa̧ru̧wa̧ ja̧'a̧; ttütäku aditä'ijü; ja̧'wa̧ta̧nü̧ kkorotü tawaruwä jua̧u̧tä̧ku̧ ichätümä̧ igresia wȩttä̧u̧ ja̧'a̧, Crito-rü eseu aditätü.

San Mateo 10:40

Ukuturu eseu do'ädümä̧, ttürü eseu do'ädü; ja̧'wa̧ta̧nü̧ ttürü eseu do'ädümä̧, ttürü we'inü̧rü̧ eseu do'ädü.

Filemón 1:12

Pä'äjita'anü̧ jua̧u̧ru̧ we'üsä, ttürü dokuädajüta'anü̧ do'ädirü.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 18:5

Jua̧u̧ ya̧tȩ ji̧'ki̧cha̧wa̧rü̧ ttü chi̧mi̧nä̧ do'ädürümä̧, ttürü do'ädü.

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Filemón 1:10

Chi̧tti̧ jä̧'i̧nü̧'a̧nü̧ wa̧ Onésimo-rü̧, kärenära̧'a̧ttü̧ esetü ikuinü̧rü̧.

1 Timoteo 6:2

Ja̧'wa̧ta̧nü̧ yotüte Dio-rü esetätürü tturuwotü päi'ünä̧ kku̧nä̧rä̧tü̧mä̧ ttukuotoka'amä̧ jȩttä̧'chü̧ juiyü'anü̧ ja̧'a̧, tta̧'kua̧ wȩnä̧rä̧kuä̧wä̧nä̧ ttawaruwä ttü̧jä̧wa̧tü̧ jo̧mȩttü̧. Ja̧'wa̧nü̧ jȩtta̧jueimä̧ yabonä̧nü̧ adiunä̧nü̧tä̧ ppättädä̧rü̧'a̧nü̧ ja̧'a̧, jua'amä̧ Crito-rü esetätütä ja̧'wa̧ta̧nü̧ ttawaruwä ttü̧jä̧wa̧tu̧ku̧ eseu repe'ätütä ja̧'a̧ttü̧ adiwäjuei adikuä ȩmä̧tü̧mä̧. Pi̧yȩmä̧ ji'äu wo̧juȩti̧:

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Filemón 1:18

Ukú kuiäre ji̧yȩtȩ surojuoepinü̧ttü̧mä̧, i̧mi̧ppotüttü'i̧nä̧, ttürütä jäkuepattüjä̧.