Efesios 6:21 - Nuevo Testamento Uwotjüja

²¹ Ttürü 'kuäopü'i̧nä̧, jȩchü̧'i̧nä̧ o'kajuiyünä̧ jiäwa pä'ü we'üsä ta̧wa̧ru̧wa̧ ti̧jä̧wa̧ repetäku Tíquico-rü, Tu̧ru̧wa̧ i̧wȩnȩ jueünä̧ adikuä i̧sa̧rü̧.

TÄ̧DO Ä̧CUÄ̧ I̧HUȨNȨ

²¹ Tö̧jä̧hua̧ Tíquico ujuturu adiu ppä'ädö Tu̧ru̧hua̧ i̧huȩnȩ taditomenä. Ja̧u̧tä̧ ji̧ä̧huä̧cua̧ ucuturu ttörö 'cuäopö'inä, o'ca juiyönä jȩchö̧'i̧nä̧.

Efesios 6:21 Referans Kwoze

Hechos 20:4

Jua̧u̧ku̧ 'chä̧tü̧mä̧ pitü ji̧na̧'a̧: Berea i̧sa̧, Pirro i̧tti̧, Sópater'i̧nä̧; Tesalónica ütawiyä isotü, Aritarco'i̧nä̧, Segundo'i̧nä̧; Derbe ütawiyä i̧sa̧ Gayo'i̧nä̧; ja̧'wa̧ta̧nü̧ Asia rȩjȩ ttü̧ja̧mä̧, Timoteo'i̧nä̧, Tíquico'i̧nä̧, Trófimo'i̧nä̧ ji̧na̧'a̧.

2 Timoteo 4:12

Tíquico-mä̧ Éfeso ütawiyära̧'a̧ we'ü chikuinä̧ku̧.

Tito 3:12

Artemas jü̧ttü̧'i̧nä̧, Tíquico jü̧ttü̧'i̧nä̧ uku ku̧ja̧'a̧ wedomȩnä̧mä̧, Nicópori-ra̧'a̧ kui'chi'ü'a̧nü̧ ja̧'a̧, juorü totäkuäwäkua'anü̧, isopäi'ünä̧ a̧'ȩnä̧mä̧ juȩnȩtä̧ 'kuädopa pä'ü amükuädüsä.

2 Pedro 3:15

Ja̧'wa̧ta̧nü̧ tü̧ä̧nä̧wa̧mä̧ surojüttü ttü̧ji̧pi̧ya̧rü̧ pä'ü a̧mi̧'ki'ächi'ü tta̧'a̧rü̧. Ta̧wa̧ru̧wa̧ ti̧jä̧wa̧ Pauru'i̧nä̧ pi̧yȩtä̧ tü'kü wȩyu̧tu̧ we'inü̧ ukuturumä̧, wo̧juä̧wä̧ wȩnȩ jua̧u̧ru̧ Dio iyinü̧'a̧kuä̧.

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

Filemón 1:16

Jitämä̧ esclavo jü̧nä̧mä̧ ku̧mü̧wä̧ya̧mä̧ pokü jä̧kua̧'a̧, pärokua'attü kua̧wa̧ru̧wa̧ kui̧jä̧wa̧ jü̧nä̧tä̧ jä̧kua̧, ja̧'wa̧nü̧ ja̧'a̧ ji̧nä̧so adiwa'amä̧. Jua̧u̧ru̧mä̧, ttümä̧ juiyo repe'üsä, uku'i̧nä̧ repe'irü. Suro ujutu jäwänä̧tä̧mä̧kü̧, Tu̧ru̧wa̧ Jesucrito jäwänä̧.

1 Timoteo 4:6

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

Colosenses 1:7

Pi̧yȩmä̧ ta̧wa̧ru̧wa̧ Epafra u̧wo̧juȩti̧nä̧u̧jä̧, ujututäku aditä'ijü, Tu̧ru̧wa̧ weinü̧ ukuotü adikuä i̧sa̧.

1 Corintios 4:17

Ja̧'wa̧nü̧ ja̧'a̧ttü̧ Timoteo-rü wedinä̧u̧jä̧, Chu̧ru̧wa̧nä̧ chi̧tti̧ ukuotä'ijü rȩni̧'a̧rü̧. Jua̧u̧tä̧ jiäwäkuä̧u̧jä̧ Crito-nä̧ jȩpü̧ chü̧jä̧'i̧jü̧ wȩnȩmä̧, kkoromȩ pünä̧, kkoro igresia pünä̧ chu̧wo̧juȩtä̧'i̧jü'a̧kuä̧.

Filipenses 1:12

Chawaruwä chi̧jä̧wa̧tü̧, ku̧wo̧juätu̧kua̧ pä'üsä, isopäi'ünä̧ ttürü 'kuäopinü̧mä̧ jareü wȩnȩ rü̧ä̧chü̧nä̧ 'kuäopina̧'a̧.