Efesios 6:18 - Nuevo Testamento Uwotjüja

¹⁸ 'Kuäopünä̧tä̧ Dio-rü ukuokuätukui: Epíritu-nä̧ ajuäkuäunü̧ jä'epätukui; ji̧nä̧yo̧mȩtȩnä̧, 'kuäkuächi'ätukuoka'a'i̧nä̧, kuä'i'ätukuoka'a'i̧nä̧ ukuokuätukui o'katoi'ünä̧ Dio ȩmi̧nä̧u̧ru̧mä̧.

TÄ̧DO Ä̧CUÄ̧ I̧HUȨNȨ

¹⁸ Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Efesios 6:18 Referans Kwoze

1 Tesalonicenses 5:17

'Kuäopünä̧ Dio-rü ukuokuätukui.

Colosenses 4:2

Käkuädi'ätukuoka'a, yabonü̧ Dio-rü ukuokuätukui. 'Kuäopünä̧ tta̧'a̧rä̧kuä̧u̧ Dio-rü esewätukui.

Filipenses 4:6

Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.

1 Timoteo 2:1

Kkorottü abonä̧nü̧ ä̧kuo̧mȩnä̧mä̧, rekuä rü̧jü̧ jä'epätukui, Juȩnȩ o'komenä̧tä̧ pi̧jä̧ ttü̧ja̧ o'katoi'ünä̧rü̧ ppädäji eseu ukuokuätukuirü.

Judas 1:20

Ja̧'wa̧nü̧ ja̧'a̧nä̧, chawaruwä chi̧jä̧wa̧tü̧ ukutumä̧, yabokutä Dio-rü kua̧'kua̧ wȩnä̧rü̧ tätukui. Epíritu Sa̧tu̧ juȩpä̧ra̧'a̧nä̧, Dio-rü ukuokuätukui.

San Marcos 14:38

Kuä'i'ätukuoka'a Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧. Isopäi'ünä̧, kua̧'kua̧ ru̧wa̧mä̧ eseunu̧ jȩa̧ pä'anä̧, ttidepämä̧ jiyuwa'a.

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

San Mateo 26:41

To̧pä̧rü̧ Dio-rü ukuokuätukui kua̧mi̧ 'kuäkuätukunä̧ ma̧kuä̧chä̧tu̧ku̧ juiyäkua'anü̧. Isopäi'ünä̧ epíritumä̧ jȩa̧ pä'anä̧ ttidepämä̧ juiyuwa'a.

Efesios 1:16

kädädi'oka'a, Dio-rütä eseusä ukuturu amükuädü, Dio-rü chokuokuomȩnä̧mä̧.

Romanos 12:12

Tta̧'a̧rü̧ kkä̧kuä̧wä̧nä̧ kkä̧nü̧ eseäkuäwätukui; usurä ȩmä̧wä̧kuä̧wä̧ yekuekuätukuä; yaboku 'kuäopünä̧ Dio-rü ukuokutä tätukui.

San Marcos 13:33

Ja̧'wa̧nü̧ ja̧'a̧ttü̧, ukutumä̧ tta̧'a̧rä̧kuä̧u̧ topärä̧kuä̧wä̧tu̧kui̧, isopäi'ünä̧ jä̧kuȩ mo̧ro̧mä̧ kuieruwätukua'attü̧.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

Hechos 1:14

Ja̧'wa̧nü̧ ja̧'a̧, juätü o'katoi'ünä̧ ka̧ka̧ku̧ Dio-rü ji̧nä̧ yo̧mȩtȩttü̧ ukuokuinä̧tü̧, juätükumä̧ nätü̧'i̧nä̧ ji̧na̧'a̧, Jesú ja̧ju̧ María'i̧nä̧, ü̧jä̧wa̧tü̧'i̧nä̧, jü̧nä̧.

San Lucas 22:46

Ja̧'wa̧nü̧ ji̧yä̧ku̧ päinä̧u̧: —¿Tta̧'a̧nü̧ pä'ü ä'eku ku'ȩjä̧tu̧kua̧'a̧jä̧ttü̧? ä̧rä̧mi̧'ü̧ Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧.

Hebreos 5:7

Crito pi̧jä̧nä̧ ü̧ji̧nü̧mä̧, Dio-rü rü̧ȩnä̧ ujuruku ukuoku ajuäkuäwinü̧ i̧'chȩrȩjaku, wa'arettü rä'epü ikuäwä ujuru kku̧nä̧rü̧rü̧, jua̧u̧ttü̧ rä'epü ikuarü pä'ü; ja̧'wa̧nü̧ ja̧'a̧mä̧ ä̧ju̧kui̧nä̧ku̧ ye'ekunü̧ ukuotomȩttü̧.

2 Timoteo 1:3

Mo̧ro̧'i̧nä̧, yodo'i̧nä̧ Dio-rü chukuokuomȩnä̧ ukuru amükuädü, Dio-rümä̧ eseusä, chä̧do̧tü̧ mi̧nä̧'i̧nä̧ aditäwänä̧ ppättädinä̧ku̧ru̧ ttü'i̧nä̧ aditäwänä̧ suronä̧ chamükuädoka'a ppä̧dä̧dä̧rä̧ku̧ru̧mä̧.

Filipenses 1:4

Dio-rü chukuokuomȩnä̧mä̧ 'kuäopünä̧ eseunu̧ ukuokusä ukutu o'katoi'ünä̧rü̧ ja̧'a̧tȩ'ü̧;

Efesios 6:19

Ja̧'wa̧ta̧nü̧ ttü chütü'kü'i̧nä̧ Dio-rü ukuokuätukui, yä̧wä̧i̧ jäwä jareü wȩnȩ jidäwa pä'ü chä yädepomȩnä̧ wo̧juȩku̧nä̧ jidäunä̧ Dio iyattü.

Hechos 12:5

Ja̧'wa̧nü̧ ja̧'a̧ttü̧, Peduru-mä̧ kärenä̧ pi̧nü̧, rü̧ȩnä̧ tta̧ttä̧ra̧'a̧nä̧tä̧; ja̧'wa̧nü̧ ja̧'a̧nä̧, igresia jü̧nä̧ wotümä̧ yoriso kättädi'oka'a, Dio-rü ukuokuinä̧tü̧, jua̧u̧ ütü'kümä̧.

Filemón 1:5

ukú Tu̧ru̧wa̧ Jesucrito-rü kua̧'kua̧ ku̧wȩnä̧rü̧'i̧nä̧ ja̧'wa̧ta̧nü̧ o'katoi'ünä̧ tawaruwä tü̧jä̧wa̧tü̧rü̧ eseu repekua'a'i̧nä̧ chä̧ju̧kua̧'a̧ttü̧.

Hechos 10:2

Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

Hechos 6:4

Ujutumä̧ Dio-rü yabonü̧ ukuokuätüjä̧ ja̧'wa̧ta̧nü̧ Dio i̧wȩnȩ ji'äwätüjä̧.

Efesios 3:18

Kkorotü Dio-rü esetätuku, Crito rȩrü̧jü̧ toinü̧, ü̧rü̧ä̧'i̧nä̧, üoto'i̧nä̧, ütäku'i̧nä̧, ükäwe'i̧nä̧ ku̧wo̧jui̧pä̧tu̧kuä̧kua̧'a̧nü̧;

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Romanos 8:15

Isopäi'ünä̧ Dio ukuturu iyinä̧ku̧ Epíritumä̧ 'chu̧'ä̧ro̧kü̧ ja̧'wa̧ta̧nü̧ yekuekuätukunä̧'i̧nä̧ jȩpo̧kü̧. Ja̧'wa̧nü̧ ja̧jü̧jueimä̧, pärokua'aku Epíritumä̧ Dio i̧tti̧mü̧ juokuächätukunä̧ juoepinä̧u̧jä̧. Jua̧u̧nä̧tä̧tä̧ ajuäkuäwätüjä̧: ¡Abbá, Chä'o pä'ümä̧!

Efesios 2:22

Jua̧u̧nä̧tä̧, ji̧nä̧ yo̧mȩtȩnä̧ aditäu̧jä̧, Epíritu Sa̧tu̧nä̧ Dio-mä̧ ü̧jä̧tu̧kua̧ku̧ pä'ü.

San Lucas 3:37

jua'a yabo Lamec i̧tti̧ ji̧na̧'a̧, jua'a yabo Matusalén i̧tti̧ ji̧na̧'a̧, jua'a yabo Enoc i̧tti̧ ji̧na̧'a̧, jua'a yabo Járed i̧tti̧ ji̧na̧'a̧, jua'a yabo Malaleel i̧tti̧ ji̧na̧'a̧,

Colosenses 1:4

Tu̧ru̧wa̧ Jesucrito-rü kua̧'kua̧ ku̧wȩnä̧rä̧tu̧ku̧'i̧nä̧, ja̧'wa̧ta̧nü̧ Dio i̧tti̧mü̧ wotürü repekuätukua'a'i̧nä̧ tä̧ju̧kui̧na̧'a̧ttü̧,

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

San Lucas 3:26

jua'a yabo Máat i̧tti̧ ji̧na̧'a̧, jua'a yabo Matatías i̧tti̧ ji̧na̧'a̧, jua'a yabo Semeí i̧tti̧ ji̧na̧'a̧, jua'a yabo Josec i̧tti̧ ji̧na̧'a̧, jua'a yabo judá i̧tti̧ ji̧na̧'a̧,

Colosenses 1:3

Dio-rü tukuokuomȩnä̧mä̧, ukuturu amükuädü 'kuäopünä̧tä̧ Tu̧ru̧wa̧ Jesucrito Jä'o Dio-rü esewätüjä̧.

San Mateo 17:21

Ja̧'wa̧nü̧ ja̧'a̧nä̧ epíritu su̧ro̧pa̧mä̧, suró ttu̧kuȩ a̧do̧chü̧ Dio-rü ukuokuäkuäwänä̧tä̧ rä'opächü.