Efesios 5:9 - Nuevo Testamento Uwotjüja

⁹ Isopäi'ünä̧ Epíritu u̧wä̧ju̧mä̧ o'kajuiyünä̧tä̧ rȩrü̧jü̧ topü kkä̧kuä̧wä̧tä̧, adiwomȩnä̧ jȩä̧kuä̧wä̧tä̧ ja̧'wa̧ta̧nü̧ jueü wȩnȩnä̧ kkä̧kuä̧wä̧tä̧ ja̧'a̧.

TÄ̧DO Ä̧CUÄ̧ I̧HUȨNȨ

⁹ Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

Efesios 5:9 Referans Kwoze

3 Juan 1:11

Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.

Romanos 15:14

Chawaruwä chü̧jä̧wa̧tü̧ ukuturumä̧ isopäi'ünä̧ wo̧jua̧sä̧ adiwä juei jȩ'kuä̧tu̧ku̧'i̧nä̧, jo̧mȩnü̧ ku̧wo̧juä̧tu̧ku̧'i̧nä̧, jü̧nä̧. Ja̧'wa̧ta̧nü̧ isopäi'ünä̧ ji'äkuä̧wä̧rü̧ kka̧kuä̧tü̧jä̧.

Efesios 6:14

Ja̧'wa̧ta̧nü̧ 'kiyünä̧, kuäkätukunä̧mä̧ jueü wȩnȩ'i̧nä̧, adiwomȩnä̧ jȩä̧kuä̧wä̧'i̧nä̧ 'chu̧ä̧rü̧nä̧ 'ka̧tä̧wi̧'ü̧ kka̧kuä̧tu̧kui̧.

1 Timoteo 6:11

Ja̧'wa̧nü̧ ja̧'a̧nä̧ uku Dio u̧mü̧wä̧ya̧mä̧, o'kajuiyünä̧ pi̧yȩ surojüttü̧mä̧ 'kȩ'i̧pä̧chi̧, 'kȩ'i̧pä̧chü̧mä̧ adiu jȩä̧kuä̧wä̧tä̧, rȩrü̧jü̧ toäkuäwänä̧tä̧, tta̧'kua̧ wȩnä̧rä̧kuä̧wä̧nä̧tä̧, eseu repeäkuäwänä̧tä̧, usurä ttȩmä̧wo̧mȩnä̧ tta̧mi̧ 'kiächi'äkuä̧wä̧nä̧tä̧ ja̧'wa̧ta̧nü̧ kkorotürü'i̧nä̧ kua̧mi̧so'kittü rȩrü̧jü̧ toäkuäwänä̧tä̧ täi.

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

Hebreos 11:33

Tta̧'kua̧ wȩnä̧rä̧tü̧mä̧, kkorotü tti̧rȩji̧yä'i̧nä̧ 'cho'ipinä̧tü̧, adiwäjuei'i̧nä̧ jȩpü̧ ppä'ädinä̧tü̧, Dio chi̧yä̧kua̧sä̧ päinü̧'i̧nä̧ ȩmi̧nä̧tü̧, jojochäyu̧tu̧ ttä'i̧nä̧ mü̧'ȩpi̧nä̧tü̧,

Efesios 4:15

Pärokua'aku, jueü wȩnȩnä̧ eseäkuäu kkä̧nü̧, tä̧mü̧ juotätukua o'kajuiyünä̧tä̧, Crito-mä̧ u wa̧ ja̧'a̧ttü̧.

Romanos 2:4

Dio-mä̧ juiyo adiwä i̧sa̧ ja̧'a̧ttü̧, jurunä̧mä̧ ra̧wä̧ri̧po̧kü̧ ja̧'a̧ttü̧, a̧mi̧ 'ki'ächi'ü ukutu suronä̧ jȩ'kuä̧tu̧kua̧'a̧nä̧'i̧nä̧. Ja̧'wa̧nü̧ ja̧'a̧nä̧ suronä̧ jȩ'kuä̧tu̧ku̧mä̧ rü̧ȩnä̧mä̧ jo̧kü̧ 'kua̧ra̧'a̧ pä'ümä̧ kuamükuädätukuä. Jua'amä̧ Dio-mä̧ repe'ü jȩä̧u̧jä̧, suronä̧ jȩ'kuä̧tu̧ku̧ käkuädi'iyätukuarü pä'ü.

Hebreos 1:8

Ja̧'wa̧nü̧ ja̧'a̧nä̧ I̧tti̧ ütü'kümä̧ pä'inü̧: «Uku kuruwomä̧ beipokü jä̧kuȩ, ja̧'wa̧ta̧nü̧ kujurumä̧ adiwomȩnä̧tä̧ wȩkuä̧kua̧jä̧.»

Efesios 4:25

Ja̧'wa̧nü̧ ja̧'a̧ttü̧, yapare wȩnȩmä̧ ikuipü, jueü wȩnȩtä̧ ukuokuätukui kuawaruwätukurumä̧; isopäi'ünä̧ ji̧nä̧ ji̧yȩtȩ isotü jü̧nä̧ tütodewa'attü.

San Juan 1:47

Ja̧'wa̧nü̧ ja̧'a̧, Jesú-mä̧, Natanael-rü tü'künä̧nü̧ ichi'a'a topü pä'inü̧: —Isopäi'ünä̧ Irae ttü̧ja̧sa̧ ichü, jua̧u̧nä̧ yapareäkuäwä jui̧'a̧ ja̧'a̧.

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

Colosenses 3:18

Tti̧rȩkua̧mü̧mä̧ kuirekuotukurumä̧ ukuotätukui, isopäi'ünä̧ pi̧yȩ ja̧'a̧, ukutu Tu̧ru̧wa̧rü̧ esetinä̧tü̧rü̧ weäwi'inü̧mä̧.