Efesios 5:28 - Nuevo Testamento Uwotjüja

²⁸ Ja̧'wa̧nü̧ ji̧nü̧ta'anü̧ ubomä̧ irekuarü repeü'anü̧ ja̧'a̧, chutä a̧mü̧nä̧ repeäkuäuta'anü̧. Irekuarü eseu repe'ümä̧ chutä a̧mü̧nä̧ pa̧ja̧tü̧ repe'äkuäu.

TÄ̧DO Ä̧CUÄ̧ I̧HUȨNȨ

²⁸ Ya̧tȩ chutä amönä repeäu ta'anö, chutä irecuarötä repeäcua'a̧nö̧. Iso päi'önä irecuarö repe'ömä, chutä'inä repe'äu.

Efesios 5:28 Referans Kwoze

Efesios 5:25

Ttirekuomü̧mä̧, kuirekuamü̧tu̧ku̧ru̧ eseunu̧ repe'ätukui, Crito igresia-rü eseu repe'ü a̧'kua̧rü̧ iyäwinü̧ta̧'a̧nü̧.

San Mateo 19:5

Jua̧u̧mä̧ pä'ija'a: Ja̧'wa̧nü̧ ja̧'a̧ttü̧ ubomä̧ jä'ottü'i̧nä̧, ja̧ju̧ttu̧'i̧nä̧ räopä̧chä̧kua̧, irekuaku ppä'ächi'ümä̧. Ja̧'wa̧nü̧ ja̧'a̧ttü̧ juätümä̧ ji̧nä̧ ji̧yȩtȩ ttäkuotü.

Efesios 5:33

Kkoromä̧ ja̧'a̧nä̧, yotukunä̧ repe'ätukui kuirekuamü̧tu̧ku̧ru̧, kua̧mü̧nä̧ pa̧ja̧tü̧ repekuäwätukuta'anü̧, ja̧'wa̧ta̧nü̧ nä̧tü̧mä̧ kuirekuorü ukuotätukui.

Efesios 5:31

Ja̧'wa̧nü̧ ja̧'a̧ttü̧ ubomä̧, jä'ottü'i̧nä̧, ja̧ju̧ttu̧'i̧nä̧, 'kȩ'i̧pä̧chü̧ irekuaku ppächi̧'ä̧kua̧, ja̧'wa̧nü̧ jo̧mȩnä̧ ta̧ju̧kuäyotü ttidepänä̧ ji̧nä̧ ji̧yȩtȩ pätti'akuotü.

Efesios 5:29

Isopäi'ünä̧ ya̧tȩ'i̧nä̧ chutä a̧mü̧nä̧ pa̧ja̧tü̧ idepä a̧mi̧suru topäkuäumä̧ toa'a, pärokua'aku u̧kuȩ kuä̧nü̧tä̧ tta̧'ä̧rä̧kuä̧u̧, Crito'i̧nä̧ igresia isotürü tta̧wä̧rü̧ta'anü̧,

1 Pedro 3:7

Ja̧'wa̧ta̧nü̧ ukutu ttirekuomü̧mä̧, kuirekuamü̧tu̧ku̧ku̧ wo̧juȩku̧nä̧ kka̧kuä̧tu̧kui̧. Isajurumä̧ i̧sä̧yu̧ i̧so̧'ta̧ 'kuäo'ta̧ jä̧'i̧nü̧'a̧nü̧ ukuotätukui, juätü'i̧nä̧ kkä̧kuä̧wä̧ Dio iyinü ukutuku ttiya pä'ü woinä̧u̧ Dio iäre ju'to i̧yä̧kuȩttü̧, Dio-rü kukuokuomȩnä̧ tto̧ȩpä̧rü̧ juiyaku pä'ümä̧.