Efesios 5:21 - Nuevo Testamento Uwotjüja

²¹ Dio-rü ukuotätümä̧, jikuäkuäwätukumä̧ ukuotäkuäu kka̧kuä̧tu̧kui̧.

TÄ̧DO Ä̧CUÄ̧ I̧HUȨNȨ

²¹ Diosrö cucuotätucuomenä, adiunä kä̧nö̧ korotö korotönö ppä'ädätucui.

Efesios 5:21 Referans Kwoze

Filipenses 2:3

Ukuo te'äkuäumä̧ jȩ'kuä̧tu̧kuä̧, chukuo chu̧ju̧nä̧ra̧ pä'ümä̧, pärokua'aku ukuo tekuäwoka'a, kkorotürümä̧ ukutu ku̧wä̧mȩnä̧ wotü 'kua̧rü̧nä̧tä̧ topätukui.

Efesios 5:24

Ja̧'wa̧nü̧ igresia isotü Crito-rü ttukuotüta'anü̧, tti̧rȩkua̧mü̧mä̧ ttirekuorü ttukuota pä'ü ja̧'a̧.

Efesios 5:22

Tu̧ru̧wa̧rü̧ kukuotätukuta'anü̧, kuirekuotukurumä̧ ukuotätukui.

1 Pedro 5:5

Ja̧'wa̧ta̧nü̧ ukutu mü̧ä̧yotü'i̧nä̧ igresia-ttü a̧ci̧a̧nu̧tu̧ru̧mä̧ ukuotätukui. O'katoi'ünä̧tä̧ kkorotümä̧ kkorotüku ukuo tekuäwätukuoka'a ukuotätukui, Isopäi'ünä̧: Dio-mä̧ ttukuo te'äkuäwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä adiwäjuei iyü ppä'ädü.

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

1 Pedro 2:17

O'katoi'ünä̧rü̧tä̧ ukuotätükui, kui̧jä̧wa̧tü̧rü̧'i̧nä̧ esewätukui, Dio-rü'i̧nä̧ ye'ekunü̧, Ru̧wa̧ rey-rü'i̧nä̧ ukuotätukui.

1 Timoteo 3:4

Ojusode'i̧nä̧ adiu tta̧wä̧rä̧kuä̧wä̧ u̧wo̧jua̧'a̧nü̧ ja̧'a̧ ja̧'wa̧ta̧nü̧ i̧tti̧mü̧rü̧'i̧nä̧ ttukuotäkua'anü̧ u̧wo̧juȩtü̧'a̧nü̧ ja̧'a̧;

Gálatas 5:13

Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

1 Timoteo 2:11

Isajumä̧, ttu̧wo̧juȩtü̧mä̧ 'korunä̧tä̧ ukuotünü̧ kkä̧ju̧kua̧'a̧nü̧ ja̧'a̧;

1 Corintios 16:16

Ja̧'wa̧ta̧nü̧ ukutu'i̧nä̧ juätürü kukuotätukua pä̧wä̧rü̧jä̧ku̧sä̧ ja̧'wa̧ta̧nü̧ o'katoi'ünä̧rü̧ Dio jäwänä̧ ppä̧'ä̧dä̧rü̧ aditätürümä̧.

1 Pedro 2:13

Chu̧ru̧wa̧ jäwänä̧, pi̧jä̧ ttü̧ja̧ wettü o'kajuiyünä̧ ukuotätukui: Emperado-ru'i̧nä̧, jua'amä̧ kkorottü'i̧nä̧ u̧wa̧mȩnä̧ jü̧ aditomettü̧,

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

2 Corintios 5:11

Ja̧'wa̧nü̧ ji̧yä̧u̧, Tu̧ru̧wa̧rü̧ yekuäkuäwä tu̧wo̧jua̧'a̧ttü̧, ttü̧ja̧rü̧ ji'äwätüjä̧ ttesetünä̧; jua'amä̧ Dio ä'kattümä̧ o'kajuiyütä u̧wo̧juä̧u̧tä̧ ta'attü̧, ukutu'i̧nä̧ wäjuönä̧ ku̧wo̧juä̧tu̧kua̧tü̧ pä'ü.