Efesios 5:2 - Nuevo Testamento Uwotjüja

² Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

TÄ̧DO Ä̧CUÄ̧ I̧HUȨNȨ

² Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

Efesios 5:2 Referans Kwoze

San Juan 13:34

Ji̧yȩtȩ jareünä̧ weäwä wȩnȩ we'üsä, ukuturu: Yotukunä̧ eseu repe'äkuäwätukui; ttü ukuturu eseu repedä'ijüta̧'a̧nü̧ ja̧'wa̧ta̧nü̧ ukutu'i̧nä̧ eseu repe'äkuäwätukui.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Colosenses 3:14

Kkorottü'i̧nä̧ abonä̧nü̧ eseäkuäwätä kku̧nä̧rä̧tu̧kui̧, isopäi'ünä̧ jua̧u̧ eseäkuäwätä ja̧'a̧ jo̧mȩnü̧ 'chu̧ä̧rü̧mä̧.

2 Corintios 2:15

Isopäi'ünä̧ ujutumä̧ Dio-rümä̧, Crito-nä̧mä̧; Chutä Cristo iäre nü̧ a̧mȩu̧ 'kua̧rü̧nä̧ wotüjä̧ surojüttü kki̧'ä̧tü̧rü̧'i̧nä̧ ja̧'wa̧ta̧nü̧ surojü ra̧wä̧pi̧jü̧nä̧ to'e'ächätüttü'i̧nä̧, jü̧nä̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

1 Corintios 16:14

O'kajuiyünä̧ jȩ'kuä̧tu̧ku̧mä̧, eseutätä jȩpä̧tu̧kui̧.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

1 Pedro 4:8

Ja̧'wa̧ta̧nü̧ ukutunä̧ rü̧ȩnä̧ eseäkuäwä kkä̧kua̧'a̧nü̧, isopäi'ünä̧ eseu repeäkuäwämä̧ rü̧ȩnä̧ suronä̧ jü̧ttü̧'i̧nä̧ jȩpü̧ iku.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

1 Juan 3:16

Ja̧'wa̧nü̧ ja̧'a̧nä̧, eseu repeäkuäwämä̧ wo̧jui̧'i̧nä̧tü̧jä̧; Chutä a̧'kua̧rü̧ ujutu jäwänä̧ iyäwino̧mȩttü̧; ja̧'wa̧ta̧nü̧ ujutu'i̧nä̧ ta̧'kua̧rü̧ tiyäwa pä'ü ja̧'a̧, tawaruwä ti̧jä̧wa̧tü̧ jäwänä̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Hebreos 9:26

Ja̧'wa̧nü̧ jü̧ juiyüttümä̧, Crito-mä̧ kko̧ro̧nü̧ jü̧ta̧'a̧nü̧, pi̧jä̧ uwäbe'inomȩttü̧ kkä̧mä̧dü̧ 'koru juoächä'cha pä'ü ji̧na̧'a̧. Ja̧'wa̧nü̧ ja̧'a̧nä̧, jitä rüjí mo̧ro̧ päi'omȩnä̧, ya'utenä̧tä̧ usurä ȩmä̧u̧ iyäu ikuinü̧, suronä̧ jȩttä̧'i̧jü̧ jȩpü̧ ikua pä'ümä̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

1 Timoteo 2:6

Ja̧'wa̧ta̧nü̧ jua̧u̧mä̧ wa'arera̧'a̧ iyäwinü̧, o'katoi'ünä̧ pi̧jä̧ ttü̧ja̧ ra̧wä̧pi̧jü̧ttü̧ ttü̧ji̧pa̧ pä'ümä̧ Jua'atäku chutä ütü'kü ji'äkuäwinü̧ u̧mo̧ro̧ mo̧ro̧ päi'omȩnä̧.

Efesios 4:15

Pärokua'aku, jueü wȩnȩnä̧ eseäkuäu kkä̧nü̧, tä̧mü̧ juotätukua o'kajuiyünä̧tä̧, Crito-mä̧ u wa̧ ja̧'a̧ttü̧.

1 Juan 3:23

Jua̧u̧ weümä̧, pi̧yȩ ja̧'a̧: I̧tti̧ Jesucrito-rü tesetiyarü pä'ü ja̧'wa̧ta̧nü̧ yotükupünä̧ repe'äkuäu eseu tü̧ja̧ pä'ü, Chutä weinü̧'a̧kuä̧.

1 Timoteo 4:12

Ya̧tȩ'i̧nä̧ mü̧ä̧ya̧ pä'ü kkü'kü jui'ü pättä'cha'anä̧mä̧ kuiyäwä; ja̧'wa̧nü̧ ja̧jü̧ jueimä̧ kukuokunä̧'i̧nä̧, jȩpü̧ku̧ju̧nä̧'i̧nä̧, eseu repekunä̧'i̧nä̧, kua̧'kua̧rü̧nä̧'i̧nä̧, kua̧'kua̧ ku̧wȩnä̧rü̧nä̧'i̧nä̧, ja̧'wa̧ta̧nü̧ surojü juiyünä̧tä̧ ku̧ju̧ta̧'a̧nü̧ Crito-rü esetätümä̧ jȩpü̧ ttü̧jä̧kua̧'a̧nü̧ jȩpü̧ kkä̧wi̧.

1 Tesalonicenses 4:9

Ttawaruwärü eseu repeäkuäwä tü'kü chi̧wȩyu̧ta̧ pä'ümä̧ rekuä rü̧jo̧ka̧'a̧, jua'amä̧, Chuttutä Dio-ttü ku̧wo̧jui̧'i̧nä̧tu̧kua̧'a̧ttü̧ ttawaruwärü eseu repeäkuäwämä̧.

Efesios 4:2

Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Hebreos 9:23

Ja̧'wa̧nü̧ ja̧'a̧ttü̧ mo̧ro̧jä̧nä̧ kka̧ku̧ a̧'kua̧juä̧mä̧ ja̧'wa̧nü̧tä̧ tükokuächa pä'ü rekuä rü̧ji̧na̧'a̧; ja̧'wa̧nü̧ ja̧'a̧nä̧ mo̧ro̧jä̧nä̧ kka̧ku̧mä̧ pi̧jä̧nä̧ kka̧ku̧ a̧'kua̧juä̧ttü̧'i̧nä̧ abonä̧nü̧ mikuäu sacrificio jȩtta̧ pä'ü rekuä rü̧ji̧na̧'a̧.

Efesios 3:19

Ja̧'wa̧ta̧nü̧ Crito rȩrü̧jü̧ toinü̧ ku̧wo̧juä̧tu̧kuä̧kua̧'a̧nü̧, wo̧juä̧wä̧ u̧wä̧mȩnä̧ ja̧'a̧, Dio ukuturu iya päinü̧mä̧ o'kajuiyü jo̧mȩnü̧tä̧ kuȩmä̧tu̧kua̧ pä'ü.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Efesios 5:25

Ttirekuomü̧mä̧, kuirekuamü̧tu̧ku̧ru̧ eseunu̧ repe'ätukui, Crito igresia-rü eseu repe'ü a̧'kua̧rü̧ iyäwinü̧ta̧'a̧nü̧.

1 Corintios 5:7

Ja̧'wa̧nü̧ ja̧'a̧ttü̧ levadura pättü täbo jäwättümä̧ adiku ikuätukui, trigo o̧si̧ levadura pättü juiyü Pacua jäwä 'kua̧rü̧nä̧ kuätukua; isopäi'ünä̧, täkü tiäre Pacua pä'kärimä̧ Crito-tä ja̧'a̧, ujutu jäwänä̧ oweja mü̧ä̧ya̧ jü̧nä̧ ü̧jo̧kä̧ jäinä̧ 'korujuoächina̧'a̧ttü̧.

Romanos 4:25

Jua̧u̧mä̧ wa'arera̧'a̧ iyinä̧ku̧ ujutu suronä̧ jȩtü̧ i̧mi̧täunä̧ ja̧'wa̧ta̧nü̧ jua̧u̧ ttoächomȩnä̧, adiwä isotü ttü̧ja̧ jü̧nä̧tä̧ ȩmi̧nä̧u̧jä̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

Romanos 8:37

Ja̧'wa̧nü̧ ja̧'a̧nä̧, pi̧yȩmä̧ o'kajuiyünä̧ 'kuäopa'anä̧, abo 'kuä'o'ätüjä̧ chu, Jesucrito ujuturu repe'inü̧nä̧tä̧.

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

2 Corintios 2:14

Ja̧'wa̧nü̧ ja̧'a̧ttü̧, Dio-rü eseusä, Crito-nä̧tä̧ surojü kkȩdü̧ tikunä̧ 'kuäopünä̧tä̧ ppäda'attü ja̧'wa̧ta̧nü̧ ujutunä̧tä̧ ttü̧jo̧mȩ pünä̧ o'kajuiyünä̧ i̧wȩnȩ jitäwomȩmä̧ a̧mȩu̧ jä̧'i̧nü̧'a̧nü̧ yoäwi'ünä̧ ppäda'attü.

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Efesios 5:15

Ja̧'wa̧nü̧ ja̧'a̧ttü̧, tta̧'ä̧rä̧kuä̧u̧ kkä̧wi̧; tta̧mü̧kuädü jui'ätü ttü̧jü̧'a̧nü̧mä̧ kkü̧jä̧, pärokua'aku amükuädätü ttü̧jü̧'a̧nü̧tä̧ kkä̧wi̧.

Filipenses 4:18

Epafrodito-ku wekuäjätukumä̧ o'kajuiyünä̧ ȩmä̧ji̧sä̧, täkü rekuä rü̧jo̧ko̧ku̧sä̧. Jua̧u̧ ttürü wekuinä̧tu̧ku̧mä̧ adiwina̧'a̧, a̧mȩu̧ nü̧a̧'a̧ jä̧'i̧nü̧'a̧nü̧, ja̧'wa̧nü̧ usurä ȩmä̧u̧ ppädäkuäwä ja̧'a̧ Dio eseunu̧ ȩmü̧mä̧.

Hebreos 8:3

O'katoi'ünä̧ pi̧jä̧ttü̧ sacerdote-tü̧ tturuwotü päi'ünä̧ kku̧nä̧wo̧tü̧mä̧ eseu ttiya pä'ü ja̧'wa̧ta̧nü̧ ttü̧ja̧ suronä̧ jȩtta̧'a̧ mikuäwächü sacrificio'i̧nä̧ jȩpi̧nä̧tü̧ ja̧'wa̧nü̧ ji̧na̧'a̧ttü̧ Jesucrito'i̧nä̧ ji̧yȩtȩ Dio-rü iya pä'ü ja̧'a̧.