Efesios 5:11 - Nuevo Testamento Uwotjüja

¹¹ Ja̧'wa̧ta̧nü̧ u̧wä̧juö̧ juiyü yo̧ü̧nä̧mä̧ ppä̧kuä̧chä̧rä̧, pärokua'aku, pä̧i̧ku̧nä̧ ya'okui'ütä ya'okui'i.

TÄ̧DO Ä̧CUÄ̧ I̧HUȨNȨ

¹¹ Yo̧ö̧cu̧ cue'ächätö micuähuocö juäi jȩttö̧mä̧, jȩcu̧'ä̧tu̧cuä̧'. Pärocua'acu ji'ähuätucuitö tȩa̧u̧nä̧ esetö cuettächäcua'a̧nö̧.

Efesios 5:11 Referans Kwoze

Romanos 13:12

Täkü yodomä̧ 'kuao'a'a, mo̧ro̧ juoa pä'ütä; ja̧'wa̧nü̧ ja̧'a̧ttü̧ täkü yo̧ü̧ jäwämä̧ kätädi'ätukua, tȩya̧u̧ jäwätä tü̧'ka̧tä̧wi̧'ä̧tu̧kua̧.

1 Timoteo 5:20

Yabokutä surojü jȩpä̧tü̧rü̧mä̧ o'katoi'ünä̧ ttä'ka jo̧mȩttü̧ ra̧wä̧ri̧pü̧nü̧ ji'äwätukuitü, kkorotü'i̧nä̧ yettekuächäkua'anü̧.

2 Tesalonicenses 3:6

Chi̧jä̧wa̧tü̧, Tu̧ru̧wa̧ Jesucrito i̧mi̧nä̧ jätepä̧u̧jä̧, kua̧wa̧ru̧wa̧ Igresia-ttü weäwä wȩnȩ ukuotokü ja̧'wa̧ta̧nü̧ ujutu tu̧wo̧juȩti̧nü̧ esetokotüttümä̧ 'kȩi̧pä̧chä̧tu̧kui̧.

Romanos 16:17

Ja̧'wa̧ta̧nü̧ chawaruwä chü̧jä̧wa̧tü̧ ukuturu jä'epüsä, ttu̧'ȩpä̧rü̧nü̧ ku̧ja̧kuä̧tu̧kua̧ pä'ü ttü̧ja̧ ttiperekuächünä̧ jȩpä̧tü̧rü̧ ja̧'wa̧ta̧nü̧ kkä̧kuä̧wä̧ ku̧wo̧jui̧'i̧nä̧tu̧ku̧ to'ija̧'a̧ku̧ wo̧juȩtä̧tü̧rü̧. Juätüttümä̧ 'kȩkui̧pä̧chä̧tu̧kua̧ pädäu̧jä̧.

Apocalipsis 18:4

Ja̧'wa̧ta̧nü̧ mo̧ro̧jä̧ra̧'a̧ttü̧, kkoro rä̧mi̧pa̧'a̧ ä̧ju̧kui̧nü̧sä̧: «Ukutumä̧ ttü chumüwäyotüjä̧, juorü rä'opächätukui, jua̧u̧ ütawiyätäku, suronä̧ jȩttä̧'i̧jü̧nä̧ ppäkuächi'ätuku juiyäkua'anü̧ ja̧'wa̧ta̧nü̧ usurä ttȩmä̧wo̧mȩnä̧, juätuku surojünä̧ kuiwachätuku juiyäkua'anü̧;

Tito 2:15

Pi̧yȩ ja̧'a̧ o'kajuiyünä̧ ukuo kkü̧nä̧ ku̧wo̧juȩtü̧mä̧, ttesewächi'ünä̧ ja̧'wa̧ta̧nü̧, tä̧bo̧tü̧nü̧ ya̧tȩ'i̧nä̧ üjü'kü juiyünä̧mä̧ toü juiyäkua'anü̧.

2 Tesalonicenses 3:14

Pojä wȩyu̧kuojänä̧ wȩyu̧tu̧ wetü ütäwe'ürümä̧ ttu̧'ȩpä̧rü̧nü̧ topätukui jua̧u̧ku̧ ppäkuächi'ätukuä chutä dä'ä ttuäkua'anü̧.

Romanos 6:21

Ja̧'wa̧nü̧ ji̧na̧'a̧mä̧ ¿Jua̧u̧ surojüttü̧mä̧ däje u̧wä̧ju̧tä̧, kuȩmi̧nä̧tu̧kuä̧ttü̧, jitä kudäpekuätukumä̧? Jua̧u̧mä̧ wa'arera̧'a̧tä̧ ȩpi̧nä̧u̧jä̧.

2 Timoteo 4:2

Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

2 Timoteo 3:5

Dio-rü repe'ätüjä̧, ja̧'wa̧ta̧nü̧ ukuotätüjä̧ pätta'anä̧ jȩpü̧ ttü̧ja̧ku̧ttü̧ isopäi'ünä̧ ttesetü jäwä ujurumä̧ ttä̧ppu̧tä̧rä̧kuo̧tü̧. Ttü̧ja̧ ja̧'wa̧nü̧ wotü tta̧wa̧ru̧wa̧ jü̧nä̧mä̧ juokuächä.

Gálatas 6:8

Idepänä̧ jäwänä̧ kku̧nu̧mä̧, idepättümä̧ surojütä ȩmä̧kua̧, Epíritu jäwänä̧ kku̧nu̧mä̧, Epíritu-ttü kkä̧kuä̧wä̧ i'ko ȩmä̧kua̧.

1 Tesalonicenses 5:7

Isopäi'ünä̧ ä'ekuätümä̧ yodó ä'ekuätü ja̧'wa̧ta̧nü̧ tä̧'ä̧mä̧kuä̧wä̧tü̧mä̧, yodó tä̧'ä̧mä̧kuä̧wä̧tü̧.

San Lucas 3:19

Ja̧'wa̧ta̧nü̧ ru̧wa̧ Herode-rü ujuruku pä'inü̧, ü̧jä̧wa̧ irekua Herodía-rü irekua jü̧nä̧ ü̧ji̧yä̧ku̧ ja̧'wa̧ta̧nü̧ kkoro rü̧ȩnä̧ surojü'i̧nä̧ jȩi̧yä̧ku̧.

Efesios 5:7

Ja̧'wa̧nü̧ ja̧'a̧ttü̧, juätü jȩttü̧nä̧mä̧ ppä̧kuä̧chä̧rä̧tu̧kuä̧,

Efesios 4:22

Ja̧'wa̧nü̧ ja̧'a̧ttü̧, ä̧kuo̧mȩnä̧ jȩpü̧ ku̧ja̧kui̧nä̧tu̧ku̧ttü̧mä̧ kko̧'ä̧dä̧kuä̧u̧ ikuätukui, surojü yapare wea'akumä jȩpü̧ ku̧ja̧kuä̧tu̧ku̧mä̧.

San Mateo 18:15

Kua̧wa̧ru̧wa̧ kui̧jä̧wa̧ ukuru suronä̧ jȩü̧ttü̧mä̧, kkatärütä o'ipächü ro̧'ȩpü̧nü̧ ukuokuirü u̧wo̧jui̧pü̧nä̧; u̧wo̧jui̧pü̧ttü̧mä̧, kua̧wa̧ru̧wa̧rü̧ esekujä̧.

1 Timoteo 6:5

ja̧'wa̧ta̧nü̧ tta̧mü̧kuädü jui'ätuku, isopäi'ünä̧ wȩnȩ'i̧nä̧ jerupätuku, ja̧'wa̧ta̧nü̧ Dio-rü esetäkuäwämä̧ pärätä rü̧ȩnä̧ ȩmä̧wä̧ pä'ü amükuädü 'kuäopünä̧ rowäwätü, juätüttümä̧ 'kȩ'i̧pä̧chi̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Efesios 5:12

Isopäi'ünä̧ juätü yä̧wä̧i̧nä̧ jȩttü̧mä̧, pättaja pä'ü'i̧nä̧ dä'ärü̧jü̧ tükü ja̧'a̧;

Colosenses 1:12

Jä'o Dio-rü kuesewäkuotüjä̧, i̧tti̧mü̧rü̧ i̧yä̧kuȩ jäwä tȩya̧u̧ ruwo ȩmü̧.

1 Timoteo 5:22

Ya̧tȩrü̧ Dio i̧wȩnȩ adita pä'ü we'ü ku̧mü̧ mȩ'ü̧ kukuokuäkua'a ä'kanä̧ adiu amükuädü topi. Isopäi'ünä̧ jua̧u̧ suronä̧ jȩo̧mȩnä̧ kui̧wȩnȩkuä̧chü̧ juiyäkua'anü̧, kua̧mü̧nä̧ pa̧ja̧tü̧tä̧ surojüttümä̧ 'kȩ'i̧pä̧chi̧.