Efesios 5:10 - Nuevo Testamento Uwotjüja

¹⁰ Pojopü topü, Tu̧ru̧wa̧rü̧ pä̧wä̧rü̧jü̧tä̧ jȩpü̧ kka̧kuä̧tu̧kui̧.

TÄ̧DO Ä̧CUÄ̧ I̧HUȨNȨ

¹⁰ Cu̧huo̧jui̧'ä̧tu̧cua̧ pä'ö amöcuädätucui Diosrö pä̧huä̧ rö̧jö̧.

Efesios 5:10 Referans Kwoze

Hebreos 12:28

Ja̧'wa̧nü̧ ja̧'a̧ttü̧ ujutumä̧ ȩmä̧tü̧jä̧ Ru̧wa̧ Dio weü wȩnȩ pporächi'okü jäwä. Ja̧'wa̧nü̧ ja̧'a̧ttü̧ Jua̧u̧ Dio-rü tesewätukuarü; Chutä üjü'komȩnä̧.

1 Pedro 2:20

Ja̧'wa̧nü̧ ja̧'a̧ttü̧ ji̧yȩtȩ surojü jȩ'kuä̧tu̧kuo̧mȩnä̧ ro̧ttȩpü̧ttü̧mä̧, ¿Däjé mikuätä kuȩmä̧kua̧'a̧jä̧ttü̧ tta̧'a̧rü̧ kkä̧nü̧ kua̧mi̧ 'kikuächi'ätukuttümä̧? Ja̧'wa̧nü̧ ja̧'a̧nä̧ adiu jȩpü̧ usurä kuȩmä̧wä̧tu̧ku̧ttü̧mä̧, ja̧'wa̧ta̧nü̧ usurä ȩmä̧u̧ tta̧'a̧rü̧ kkä̧nü̧ kua̧mi̧ 'kikuächi'ätukuttümä̧, ja̧u̧ ja̧'a̧ Dio üjü'kümä̧.

1 Pedro 2:5

Pa̧'a̧nü̧ jo̧mȩttü̧, Dio-mä̧ i̧no̧'kiyä wa'ü ikuoko'ki jä̧'i̧nü̧'a̧nü̧ jü̧nä̧ jȩä̧kuä̧u̧jä̧, Epíritu jäwä ojusode jü̧nä̧'i̧nä̧, ja̧'wa̧ta̧nü̧ ya̧tȩ sacerdote surojü jui̧'a̧ jü̧nä̧'i̧nä̧, Epíritu jäwänä̧ sacrificio jü̧nä̧ Jesucrito-nä̧ iyätukuaku pä'ü Dio esewomȩnä̧.

1 Tesalonicenses 5:21

Kka̧kuä̧mü̧ topü adiwä jueitä jȩpä̧tu̧kui̧.

1 Timoteo 2:3

Pi̧yȩmä̧ adiwäjuei. Ja̧u̧ ja̧'a̧ tü̧ä̧nä̧wa̧ Dio-rü ra̧wä̧pi̧jü̧ttü̧ tü̧ji̧pü̧nä̧ ppä'ädinü̧rü̧ pä̧wä̧rü̧jü̧mä̧,

Filipenses 1:10

Jua'amä̧ adiwäjuei ku̧wo̧juä̧tu̧kua̧ pä'ü. Ja̧'wa̧nü̧ kuätukuttümä̧ Jesucrito ichü mo̧ro̧ päi'omȩnä̧ surojü juikuätukuäkuotüjä̧ ya̧tȩ'i̧nä̧ surojü jȩ'kuȩ'i̧jü̧ päü juiyäkua'anü̧.

Romanos 14:18

Isopäi'ünä̧ ja̧'wa̧nü̧ jȩpü̧ Crito-rü ukuotü kkü̧mä̧, Dio eseunä̧ kkü̧. Ja̧'wa̧nü̧ jo̧mȩnä̧ ttü̧ja̧ ttesewäku; jua̧u̧ jȩü̧mä̧.

1 Timoteo 5:4

Ja̧'wa̧nü̧ ja̧'a̧nä̧ yajute rekua kki̧tti̧mü̧rü̧'i̧nä̧, ja̧'wa̧nü̧ jo̧ka̧'a̧ttü̧mä̧ kkü̧nä̧mu̧rü̧, kku̧nä̧rä̧ju̧mä̧, juätü jä̧kua̧'a̧, jawäjürü rekuä rü̧jü̧ ppättäda'anü̧ wotümä̧ ä̧kuo̧mȩnä̧ jitürütä tta̧'a̧rü̧, ppäjädinü̧ta̧'a̧nü̧. Pi̧yȩ ja̧'a̧ jȩtti̧ya̧rü̧ pä'ü Dio-rü pä̧wä̧rü̧jü̧mä̧.

Filipenses 4:18

Epafrodito-ku wekuäjätukumä̧ o'kajuiyünä̧ ȩmä̧ji̧sä̧, täkü rekuä rü̧jo̧ko̧ku̧sä̧. Jua̧u̧ ttürü wekuinä̧tu̧ku̧mä̧ adiwina̧'a̧, a̧mȩu̧ nü̧a̧'a̧ jä̧'i̧nü̧'a̧nü̧, ja̧'wa̧nü̧ usurä ȩmä̧u̧ ppädäkuäwä ja̧'a̧ Dio eseunu̧ ȩmü̧mä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.