Efesios 4:31 - Nuevo Testamento Uwotjüja

³¹ Ikuäwi'ätukui kurowetuku'i̧nä̧, ku̧'ä̧i̧tu̧ku̧'i̧nä̧, suronä̧ wo'kuäkuäwätuku'i̧nä̧, ja̧'wa̧ta̧nü̧ surojüttümä̧ o'kajuiyütä.

TÄ̧DO Ä̧CUÄ̧ I̧HUȨNȨ

³¹ Cuahuaruhuärö cuesehuätucuoca'a cu̧jä̧tu̧cu̧'i̧nä̧, cu̧ra̧huä̧rä̧tu̧cu̧'i̧nä̧, jaropi'ätucui. Ja̧'hua̧ta̧nö̧ suronä cucuocuätucu'inä, o'ca juiyönä suronä jȩcu̧'ä̧tu̧cu̧'i̧nä̧ jaropi'ätucui.

Efesios 4:31 Referans Kwoze

Colosenses 3:8

Ja̧'wa̧nü̧ ja̧'a̧nä̧, jitämä̧ jua̧u̧mä̧ o'kajuiyünä̧tä̧ kä'ädäkuäwätukui: pä̧i̧'i̧nä̧, kkorotürü ra̧wä̧rä̧kuä̧wä̧'i̧nä̧, suronä̧ jȩä̧'chä̧kuä̧wä̧'i̧nä̧, suronä̧ pä'chäkuäwä'i̧nä̧, ja̧'wa̧ta̧nü̧ kuätukunä̧mä̧ surojümä̧ kukuokuätukuä.

1 Pedro 2:1

Ja̧'wa̧nü̧ ja̧'a̧nä̧, surojümä̧ o'kajuiyünä̧tä̧ ya'okuätukui, yaparetäkuäwä'i̧nä̧, ä'kayättütä jȩä̧'chä̧kuä̧wä̧'i̧nä̧, kkü'käwokü'i̧nä̧ ja̧'wa̧ta̧nü̧ o'kajuiyünä̧ suräjuei wȩnȩ'i̧nä̧.

Santiago 1:19

Chawaruwä chü̧jä̧wa̧tü̧ pi̧yȩ amükuädätukui: o'katoi'ünä̧ kuä̧ju̧kuä̧tu̧kua̧ pä'ümä̧ jo̧mȩnü̧ ku̧ja̧kuä̧tu̧kua̧'anü̧ ja̧'a̧; ja̧'wa̧nü̧ ja̧'a̧nä̧ rü̧ä̧nä̧mä̧ kukuokuätukuä ja̧'wa̧ta̧nü̧ jurunä̧mä̧ ku̧ra̧wä̧ri̧'ä̧tu̧kuä̧.

Colosenses 3:19

Ja̧'wa̧ta̧nü̧ ukutu u̧mä̧tü̧'i̧nä̧, kuirekuatukurumä̧ eseu repe'ätukui, juätürümä̧ pä̧i̧ku̧nä̧mä̧ wekuätukuä.

Santiago 3:14

Ja̧'wa̧nü̧ ja̧'a̧nä̧ ttüjü'koka'a ä'kuoyäkuäwä ja̧'wa̧ta̧nü̧ rowäwäkuäwätä kua̧mi̧so'kitukunä̧ ku̧ju̧nä̧rä̧tu̧ku̧ttü̧mä̧ kuesewätukuä ja̧'wa̧ta̧nü̧ isopäi'ünä̧ wȩnȩku̧mä̧ yapareumä̧ jikuäwä'chätukuä.

Efesios 4:26

Jua'akumä̧ ku̧ra̧wä̧ri̧'ä̧tu̧kua̧'a̧nä̧, jua̧u̧ surojuoepünä̧mä̧ jȩ'kuä̧tu̧kuä̧; ku̧'ä̧i̧tu̧ku̧mä̧ mo̧ro̧ 'kuäo'ünä̧mä̧ 'chu̧ä̧rü̧ juiyünä̧ kka̧kuä̧tu̧kui̧.

1 Juan 3:12

Caín, äwettä i̧tti̧ ja̧'a̧ ü̧jä̧wa̧rü̧ kuä'ü ikuinü̧'a̧nü̧mä̧kü̧. ¿Jua̧u̧mä̧ tta̧'a̧nü̧ pä'ü kuä'ü ikuina̧'a̧ jä̧ttü̧? Jua'amä̧ Chutä jȩü̧mä̧ surojü jä̧ku̧, i̧jä̧wa̧tä̧ jȩü̧tä̧ adiwä juei ji̧yä̧ku̧, kuä'ü ikuinü̧.

Santiago 4:11

Chawaruwä chü̧jä̧wa̧tü̧ kkorotünü̧rü̧mä̧, suronä̧mä̧ kukuokuätukuä. Ya̧tȩ a̧wa̧ru̧wa̧ ü̧jä̧wa̧rü̧ suronä̧ ukuokumä̧ ja̧'wa̧nü̧ jü̧juiyüttü'i̧nä̧ suronä̧ jȩpü̧ pä'ümä̧ weäwä wȩnȩ'i̧nä̧ surojü pä'ü ukuokuokü. Ja̧'wa̧nü̧ ja̧'a̧nä̧ weäwä wȩnȩ surojü pä'ümä̧ ttukuotajueimä̧ Juez pättäku jä̧'i̧nü̧'a̧nü̧tä̧ jȩpä̧kuä̧u̧jä̧.

Tito 1:7

Dio-mä̧ we'inü̧ Pató-tü̧rü̧mä̧ o'katoi'ünä̧ ttaditäwä to̧ttä̧ra̧ pä'ü, o'kajuiyünä̧ adiwomȩnä̧ ttadita pä'ü; ja̧'wa̧nü̧ ja̧'a̧ttü̧ kkorotürü pä'ä'chokürü, ra̧wä̧ri̧pä̧ro̧kü̧rü̧, tä̧'ä̧mä̧'cho̧kü̧rü̧. Surojümä̧ jȩpo̧kü̧rü̧, tä̧'ä̧mä̧'cho̧kü̧rü̧, pä̧i̧ a̧wa̧ru̧wa̧ pokürü, iäre'i̧nä̧ yapare jȩpü̧ 'choipä'chokürü.

1 Timoteo 3:11

Ja̧'wa̧ta̧nü̧, nä̧tü̧'i̧nä̧ ttukuotä̧u̧tä̧ jä̧kua̧'a̧, suräjuei wȩnȩ'i̧nä̧ ukuokuokotütä, ttukuokuajueimä̧ tta̧'kua̧pu̧nü̧ kkä̧nü̧, o'kajuiyünä̧ ukuotätütä.

2 Corintios 12:20

Ja̧'wa̧nü̧ ja̧'a̧ttü̧ yȩ'ȩkua̧sä̧ chi̧rȩbȩwi̧'o̧mȩnä̧, chüjü'koka'aku jȩpü̧ ku̧jä̧tu̧ku̧ 'kua̧ra̧'a̧ pä'ü ja̧'wa̧ta̧nü̧ ttü'i̧nä̧ ukutu kuju'kätukuokomȩnä̧ jȩchü̧ 'kua̧ra̧'a̧ pä'ü; rowäkuäwänä̧tä̧, ttu̧ju̧nä̧ri̧yä̧u̧ kkü'käwokünä̧tä̧, pä̧i̧nä̧tä̧, i̧mi̧ku̧ juoächäkuäwänä̧tä̧, suronä̧ pä'chäkuäwänä̧tä̧, jarode'äkuäwänä̧tä̧ ja̧'wa̧ta̧nü̧ wȩnȩ jü̧nä̧ kkä̧kuä̧wä̧nä̧tä̧, jü̧nä̧;

1 Corintios 14:20

Chawaruwä chi̧jä̧wa̧tü̧, ppo̧'ä̧tü̧ jä̧'i̧nü̧'a̧nü̧ amükuädätukui surojünä̧mä̧; ja̧'wa̧nü̧ ja̧'a̧nä̧ kuamükuädätukunä̧mä̧ tä̧mü̧ 'kua̧rü̧nä̧ amükuädätukui.

1 Timoteo 5:13

Ja̧'wa̧ta̧nü̧ odewiyä kkorode pünä̧ kue'ächätü, ja̧'wa̧nü̧ kue'ächü ütäwächätü; suro ja̧u̧tä̧mä̧kü̧ suräjuei wȩnȩ'i̧nä̧ ukuokuätü ja̧'wa̧ta̧nü̧ kkorotü jäwänä̧ mȩ'o̧pä̧rü̧ ttukuoku juiyü'anü̧ jü̧ ukuokuätü.

Gálatas 5:20

tätäwä o'ka esetäkuäwä'i̧nä̧, märipänä̧ kkä̧kuä̧wä̧; kkü'käwokü'i̧nä̧, rowäkuäwä'i̧nä̧, ä'kuoyäkuäwä'i̧nä̧, pä̧i̧'i̧nä̧, tturuwonä̧ rowäkuäu, 'kȩ'ȩkuä̧chä̧'chü̧ jȩpü̧'i̧nä̧,

1 Corintios 5:8

Ja̧'wa̧nü̧ ja̧'a̧ttü̧ ujutu tiäre pacua pä'käri jȩtä̧tu̧kua̧, surojü levadura pättü kka̧jü̧ jueimä̧ pärokuänä̧, trigo pättü i̧ri̧si̧nä̧mä̧ adiwä juei, jueü jäwänä̧tä̧, isopäi'ünä̧ wȩnȩ kkü̧nä̧tä̧.

Romanos 3:14

ttänä̧mä̧ surojünä̧ päwätä, kkü'käwokütä su̧'pȩnü̧ kku̧nä̧rä̧tü̧.

Apocalipsis 12:10

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧: Täkü surojüttü kki̧'i̧kuä̧mä̧ rȩbȩä̧kuä̧wa̧'a̧, Tu̧ru̧wa̧ ujuru'i̧nä̧, uruwo weü'i̧nä̧ ja̧'wa̧ta̧nü̧ Crito uruwo weü'i̧nä̧, jü̧nä̧; jua'amä̧, täkü rä'epü iku yawokui'a'attü tawaruwä tü̧jä̧wa̧tü̧rü̧ suronä̧ pä'ä'chi'enü̧rü̧, mo̧ro̧'i̧nä̧, yodo'i̧nä̧ 'kuäopünä̧tä̧ suronä̧ pä'inü̧rü̧, Tä'o Dio ä'ka jo̧mȩttü̧.

1 Juan 3:15

O'katoi'ünä̧ ttawaruwä tti̧jä̧wa̧tü̧rü̧ kkü'kokotümä̧, ttü̧ja̧rü̧ kuäwä isotü ja̧'a̧; ukutumä̧ wo̧juä̧tü̧jä̧ ttü̧ja̧rü̧ kuäwä i̧sa̧mä̧, 'kuäopünä̧mä̧ kkä̧kuä̧wä̧ i'komä̧ jui̧ä̧kua̧ pä'ü.

Tito 2:3

Ja̧'wa̧ta̧nü̧ nä̧tü̧ büäkuächätü'i̧nä̧ ji'äwi ukuotünü̧ ttü̧ja̧kua̧ suräjuei wȩnȩ ttukuoku, ja̧'wa̧ta̧nü̧ tä̧ttä̧mä̧'chü̧. Adiwäjuei wo̧juȩkuä̧ isotü jü̧nä̧tä̧ ttü̧ja̧kua̧

2 Timoteo 2:23

Pä'chäkuäwä ukuru yoriso ppädokumä̧ kuä̧ju̧kuä̧, ja̧'wa̧nü̧ pä'ä'chäkuäwätümä̧ rowäwäkuänä̧tä̧ kä'ädätü.

1 Timoteo 3:3

Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

Hechos 21:30

Ja̧'wa̧nü̧ jȩtto̧mȩnä̧, ttü̧ja̧ ma̧'ä̧mi̧pü̧; Pauru-rü 'chu'ädo'ü, Dio-rü ukuokuäkuäwodettü rä'epü iku, u̧mi̧ku̧ do'opü ikuipü äpatiyä mü̧'ȩpü̧ ikuinä̧tü̧.

2 Timoteo 3:3

Eseäkuäwä'i̧nä̧, rȩrü̧jü̧ toäkuäwä'i̧nä̧ juittäkuotü, suräjuei wȩnȩtä̧ ukuoku, surojü ttidepä kkü'kekumä̧ kättädi'oka'a jü̧ta̧'a̧nü̧ o'kajuiyünä̧ adiwäjueimä̧ aboiyotü ttäkuotü.

Efesios 4:22

Ja̧'wa̧nü̧ ja̧'a̧ttü̧, ä̧kuo̧mȩnä̧ jȩpü̧ ku̧ja̧kui̧nä̧tu̧ku̧ttü̧mä̧ kko̧'ä̧dä̧kuä̧u̧ ikuätukui, surojü yapare wea'akumä jȩpü̧ ku̧ja̧kuä̧tu̧ku̧mä̧.

Efesios 4:25

Ja̧'wa̧nü̧ ja̧'a̧ttü̧, yapare wȩnȩmä̧ ikuipü, jueü wȩnȩtä̧ ukuokuätukui kuawaruwätukurumä̧; isopäi'ünä̧ ji̧nä̧ ji̧yȩtȩ isotü jü̧nä̧ tütodewa'attü.