Efesios 4:28 - Nuevo Testamento Uwotjüja

²⁸ Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

TÄ̧DO Ä̧CUÄ̧ I̧HUȨNȨ

²⁸ Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

Efesios 4:28 Referans Kwoze

1 Timoteo 6:18

Adiwäjuei jȩtta̧'a̧nä̧'i̧nä̧ adiwäjuei aditäkuäwänä̧ ruwotü juo'ü ja̧'wa̧ta̧nü̧ ttiäre ttu̧ju̧nä̧rü̧'i̧nä̧ iyü ppädäkuäwämä̧ jo̧mȩnü̧ ttü̧ja̧kua̧ we'itü.

Gálatas 6:10

Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

San Juan 12:6

Ja̧'wa̧nü̧ ja̧'a̧nä̧, Juda pa̧'a̧nü̧ pä'amä̧, isopäi'ünä̧ usurä isotürü ppäda pä'ümä̧ pä'okü pinü̧; ü̧nä̧u̧kuä̧rä̧'i̧ja̧'a̧, pärätä ttenä̧yu 'chu̧'ä̧rü̧ ȩmo̧pä̧rä̧'i̧jü̧'ka̧ pä'inü̧.

San Lucas 19:8

Ja̧'wa̧nü̧ ja̧'a̧, Zaqueo-mä̧ ä̧rä̧mi̧'ü̧ kkä̧mä̧dü̧ u̧ru̧wa̧ Jesú-ru pä'inü̧: —Topi, chu̧ru̧wa̧ chu̧ju̧nä̧rü̧ pärätä ju'to o'kajuiyünä̧, usurä isotürü iyüsä; ja̧'wa̧nü̧ ja̧'a̧nä̧ ya̧tȩrü̧ kkorojuei chü̧nä̧u̧kuä̧'i̧jü̧ttü̧mä̧, jua̧u̧ttü̧'i̧nä̧ yabokumä̧ pa̧ja̧kuä̧nü̧ jo̧mȩnä̧ ppa̧dä̧dä̧kua̧ jua̧u̧mä̧.

2 Corintios 8:12

Isopäi'ünä̧ ya̧tȩ eseunu̧ iya pä'ürümä̧, iäre ofrenda-mä̧, Dio-mä̧ ȩmi̧yä̧kua̧, juitü tiyarü pä'ümä̧ jä'epokü ja̧'a̧ttü̧.

2 Corintios 8:2

Pi̧yȩ igresia wotümä̧ rü̧ȩnä̧ usurä ȩmä̧u̧ 'kuättopa'anä̧, eseäkuäwinä̧tü̧; rü̧ȩnä̧ usurä isotü tta'anä̧, ruwotü 'kua̧rü̧nä̧ ttiäre ofrenda iyinä̧tü̧.

Romanos 12:13

Crito-rü esetätümä̧ rekuä rü̧jo̧mȩnä̧ ppä'ädäkuäu tätukui; do'ächü ttichomȩnä̧, kuojusodenä̧ ttä'a pä'ü we'ätukui.

San Juan 13:29

Ja̧'wa̧nü̧ ja̧'a̧nä̧ kkorotümä̧, Juda-mä̧ pärätä ȩkä̧yü 'chu̧ä̧ra̧'a̧ ja̧'a̧, pä'käri jäwä ȩma̧ pä'ü päkukü̧ ja̧'wa̧nü̧ jü̧ juiyüttü'i̧nä̧, usurä isotürü ppäda pä'ü päkukü̧ pä'ütä amükuädinä̧tü̧.

San Lucas 3:8

Isopäi'ünä̧ surojü käkuädi'ätukua'attü ttü̧ja̧ tottünä̧ i̧jȩkuä̧tu̧kui̧, kua̧'kua̧tu̧ku̧ jakuänä̧: «Ujutumä̧ Abraha̧ i̧tti̧mü̧jä̧» pä'ümä̧ kuamükuädätukuä. Isopäi'ünä̧tä̧ pädäu̧jä̧, Dio-mä̧ pidü inäduttü'i̧nä̧ Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

1 Corintios 4:12

Tu̧mü̧nä̧ aditü usurä ȩmä̧wä̧tü̧jä̧; Ujuturu suronä̧ ja̧tü̧do pätta'anä̧, pärokua'akumä̧, adiu ja̧tü̧do pä'ütä pä'ätüjä̧; suronä̧ jȩtta̧tü̧ pä'ü ttusa'anä̧, ta̧mi̧ 'ki'ächi'ü kka̧kuä̧tü̧jä̧.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

Tito 3:14

Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.