Efesios 4:15 - Nuevo Testamento Uwotjüja

¹⁵ Pärokua'aku, jueü wȩnȩnä̧ eseäkuäu kkä̧nü̧, tä̧mü̧ juotätukua o'kajuiyünä̧tä̧, Crito-mä̧ u wa̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

¹⁵ Pärocua'acu, ujutu iso päi'önä huȩnȩ tahuaruhuärö repe'ö ucuocu, ji̧nä̧ yo̧mȩtȩnä̧ Cristorö esetö, rö̧'ä̧chä̧tö̧jä̧. Iso päi'önä Cristo ujutu tu päi'önä kö̧.

Efesios 4:15 Referans Kwoze

1 Juan 3:18

Chi̧tti̧mü̧ wotü, suro ti̧wȩnȩnä̧tä̧mä̧, suro tänä̧tä̧mä̧ eseu repetü juiyü'anü̧ ja̧'a̧. Ja̧'wa̧nü̧ jo̧ka̧'a̧ isopäi'ünä̧ jȩpü̧nü̧, jueü wȩnȩ ukuokua'aku repe'ü tesewa pä'ätukui.

Efesios 4:25

Ja̧'wa̧nü̧ ja̧'a̧ttü̧, yapare wȩnȩmä̧ ikuipü, jueü wȩnȩtä̧ ukuokuätukui kuawaruwätukurumä̧; isopäi'ünä̧ ji̧nä̧ ji̧yȩtȩ isotü jü̧nä̧ tütodewa'attü.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

Efesios 2:21

Jua̧u̧nä̧tä̧, juode isode jättäjode 'kiyü 'chu̧ä̧rü̧nä̧ ttäräbe'omȩnä̧, Dio-rü ukuokuäkuäwode, surojü juiyode adikui'a'a Tu̧ru̧wa̧ ü̧jo̧de.

Efesios 1:22

Dio-mä̧, o'kajuiyünä̧tä̧ Crito weü jü̧nä̧tä̧ kku̧ni̧nü̧ ja̧'wa̧ta̧nü̧ igresia-rümä̧ kkorojuei o'kajuiyünä̧ u jü̧nä̧ kku̧ni̧nü̧.

1 Pedro 2:2

Ji̧'chi̧cha̧wa̧ jareünä̧ uwäpächü atate isoya päkuoya pä̧wä̧rü̧jü̧nä̧ usa'a jä̧'i̧nü̧'a̧nü̧ Epíritu jäwä usätukui, ja̧u̧nä̧tä̧ büó juokuätukuomȩnä̧ ra̧wä̧pi̧jü̧ttü̧ kki̧'i̧kuä̧mä̧ ku̧ju̧nä̧rä̧tu̧kua̧,

Romanos 12:9

Ä'koyättütä repekuäwätukuoka'a, adiu repe'äkuäwätukui. Surojümä̧ kkü'kü juiyünä̧ amükuädü, adiwä jueikutä tätukui.

San Juan 1:47

Ja̧'wa̧nü̧ ja̧'a̧, Jesú-mä̧, Natanael-rü tü'künä̧nü̧ ichi'a'a topü pä'inü̧: —Isopäi'ünä̧ Irae ttü̧ja̧sa̧ ichü, jua̧u̧nä̧ yapareäkuäwä jui̧'a̧ ja̧'a̧.

Efesios 5:23

Isopäi'ünä̧ kkirekuomä̧, isaju kku ja̧'a̧, Crito-rü igresia u jä̧'i̧jü̧'a̧nü̧. Ja̧'wa̧ta̧nü̧ jättäpäyotürü ra̧wä̧pi̧jü̧ttü̧ ppä'ädümä̧ jua̧u̧ Crito-tä ja̧'a̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

2 Corintios 8:8

We'ü ttukuoku'anü̧mä̧ ukuokuoküsä. Suro, kkoro igresia isotü ofrenda ppä'ädü jȩttü̧ ku̧wo̧juä̧tu̧kua̧tä̧ pä'üsä. Ukutu'i̧nä̧ isopäi'ünä̧ eseäkuäwä kui̧jȩpä̧tu̧kuä̧kua̧'a̧nü̧.

1 Corintios 11:3

Ja̧'wa̧nü̧ ja̧'a̧nä̧, ku̧wo̧juä̧tu̧kua̧ pä'üsä, Crito-tä ja̧'a̧ ttü̧ja̧ ttu̧ru̧wa̧mä̧ pä'ü, ja̧'wa̧ta̧nü̧ ubomä̧ isaju kku̧ru̧wa̧ ja̧'a̧ ja̧'wa̧ta̧nü̧ Dio-mä̧ Crito u̧ru̧wa̧ ja̧'a̧ pä'ü.

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,