Efesios 4:14 - Nuevo Testamento Uwotjüja

¹⁴ Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

TÄ̧DO Ä̧CUÄ̧ I̧HUȨNȨ

¹⁴ Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

Efesios 4:14 Referans Kwoze

Hebreos 13:9

Kuieruwätuku, kkoro kkä̧kuä̧wä̧ wȩnȩku̧mä̧ pekuächächätukuä; Isopäi'ünä̧, ttu̧kuȩ kuäkuäwänä̧ repettajü jueimä̧, tamiso'kinä̧, Dio iyinü̧nä̧ repetächa pä'ü ja̧'a̧, büó juo'ünü̧; ja̧'wa̧nü̧ kkä̧'chä̧kuä̧wä̧mä̧ yorisotä ppädokü ji̧nü̧.

1 Corintios 14:20

Chawaruwä chi̧jä̧wa̧tü̧, ppo̧'ä̧tü̧ jä̧'i̧nü̧'a̧nü̧ amükuädätukui surojünä̧mä̧; ja̧'wa̧nü̧ ja̧'a̧nä̧ kuamükuädätukunä̧mä̧ tä̧mü̧ 'kua̧rü̧nä̧ amükuädätukui.

1 Juan 4:1

Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

Santiago 1:6

Ja̧'wa̧nü̧ ja̧'a̧nä̧ kua̧'kua̧ wȩnä̧rü̧ kkä̧nü̧ iyäkua̧sä̧di̧ päkuoka'a jäkuepa'anü̧ ja̧'a̧; isopäi'ünä̧ a̧'kua̧ wȩnä̧ro̧kü̧mä̧, kkä̧rü̧'koppa kkä̧rü̧'ko̧wo̧mȩnä̧ aje ppawäbi ji̧jä̧ku̧ ȩpa̧'a̧ jä̧'i̧nü̧'a̧nü̧ wa̧.

Efesios 6:11

'Ka̧tä̧wi̧'ä̧tu̧kui̧, tta̧bo̧i̧ya̧rü̧ ttoekuäkuäwä Dio jäwämä̧ o'kajuiyünä̧, äwettä suronä̧ jȩo̧mȩnä̧ ma̧kuä̧chä̧tu̧ku̧ juiyäkua'anü̧.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

2 Timoteo 4:3

Ja̧'wa̧ta̧nü̧ adiwäjuei wȩnȩ ttä̧ju̧kuo̧mȩnä̧ ttü̧ja̧ tta̧mi̧ 'kittächi'okü mo̧ro̧'i̧nä̧ rȩbȩwä̧kua̧'a̧; tta̧mi̧'kittächi'ajueimä̧ jitürütä pä̧wä̧rü̧ja̧'a̧ku̧, wo̧juȩkuä̧ isotü rekuätürü ttusäkuotü jitütä ttä̧ju̧kua̧ pättütä ttu̧wo̧juȩta̧tü̧ pä'ü.

Judas 1:12

Juätü eseu jȩpä̧tü̧jä̧ pä'ü jȩttü̧ pä'kärimä̧ dä'ä ttuäwätä ja̧'a̧, jua'amä̧ ttu̧kuȩ kuä̧nü̧'i̧nä̧, au'i̧nä̧ ttukuotäkuäwoka'a jȩtta̧'a̧ttü̧. Juätümä̧ tturuwotü ja̧'a̧nä̧, tta̧mü̧nä̧ jäwätä a̧mü̧kuä̧rü̧ jȩpä̧tü̧. Juätümä̧ kkä̧rü̧'koppa ajiya juiyoppa jä̧'i̧nü̧'a̧nü̧ kkoromȩ, kkoromȩnü̧ kuȩä̧dä̧u̧. Ja̧'wa̧ta̧nü̧ Dauwiyä u̧wä̧ju̧ wȩjo̧kü̧ oi jä̧'i̧nü̧'a̧nü̧ wotü, ujukäkiyä ke'opü ikuäwä jä̧'i̧nü̧'a̧nü̧ wa'ü ikuinä̧tü̧.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Gálatas 3:1

¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.

San Mateo 24:11

Ja̧'wa̧ta̧nü̧ profeta'i̧nä̧ yaparewätü ttichäkuotü, ja̧'wa̧nü̧ jȩpü̧ ttü̧ja̧ rekuätürü ttesetünä̧ ttüyaparewäkuotü.

1 Juan 2:26

Ukuturu wȩyu̧tu̧ we'üsä, yaparewätü ttütü'kü.

2 Timoteo 3:13

Ja̧'wa̧nü̧ ja̧'a̧nä̧ suronä̧ jȩpä̧tü̧mä̧ ja̧'wa̧ta̧nü̧ yaparewätümä̧ yabokutä surojuottächäkuotü, ja̧'wa̧ta̧nü̧ yotüterü yaparewätürümä̧ kkorotü ttüyaparewäkuotü.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

San Mateo 11:7

Juätü ppa̧ttä̧chä̧chä̧ji̧ o'ka'a Jesú-mä̧, Ju̧a̧ ütü'kü ji'äunu̧ ttü̧ja̧rü̧ pä'inü̧: ¿Däje topü kuichäjätukuättü̧ rȩba̧ dȩ'a̧ra̧'a̧mä̧? ¿Nä̧yü̧na̧nä̧ kkä̧rü̧'koppa düa'a topü kuichäjätukua'a?

1 Corintios 12:2

Ukutumä̧ wo̧juä̧tü̧jä̧, Jesucrito-rü kuesetätuku juiyäimä̧ re'teäkuäwinä̧tü̧jä̧ ttü̧ä̧nä̧wo̧tü̧ tta̧'kua̧juä̧ tätäwä o'kanä̧ esetü, ukuoku'i̧nä̧ ukuokuokü o'kanä̧.

Hechos 23:21

ja̧'wa̧nü̧ ja̧'a̧nä̧ kuesetätü, täkü cuarenta-nü̧ jo̧mȩnä̧ suronä̧ ukuokuäkuäu kku̧nä̧jä̧tü̧, ttu̧kuȩ'i̧nä̧, ajiya'i̧nä̧ ttau juiya pä'ü, Pauru-rü kuä'ü ttikuomȩbü päi'ünä̧. Jitämä̧ uku wekua'anä̧tä̧ tta̧'a̧rä̧tü̧.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

2 Pedro 2:18

Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.

Santiago 3:4

Ja̧'wa̧ta̧nü̧ woi'kanä̧'i̧nä̧ ja̧'wa̧nü̧ jä'inü̧ta̧'a̧nü̧ ja̧'a̧: woi'kamä̧ rü̧ä̧'ka ja̧'a̧nä̧, kkä̧rü̧'koppa kkiopoppa'i̧nä̧ yoriso juruwoppa ja̧'a̧nä̧, woi'ka kuȩ'ȩpä̧rä̧tü̧mä̧ kuȩpä̧rä̧bi̧mä̧ ji̧'ki̧cha̧jäbitä̧ ja̧'a̧nä̧'i̧nä̧ tti̧'cha̧ pättomȩku̧ juȩ'ȩpä̧rü̧ o'ipätü.

1 Timoteo 3:6

Ja̧'wa̧nü̧ ja̧'a̧ttü̧ jareünä̧ Dio-rü esetü ikumä̧ ttü̧ja̧rü̧mä̧ juȩpä̧rü̧ juiya'anü̧ ja̧'a̧, ja̧'wa̧nü̧ jü̧ttü̧mä̧ chutä a̧mü̧nä̧ ukuo kku̧nä̧u̧ äwettä ma̧ä̧chi̧no̧mȩ okurära̧'a̧ ma̧ä̧cha̧'a̧ku̧.

2 Timoteo 1:15

Asia rȩjȩ ttü̧ja̧ o'katoi'ünä̧ ttüttü 'kȩtti̧pä̧chi̧na̧'a̧mä̧ täkü wo̧jua̧jä̧; juätüttümä̧ Figero'i̧nä̧, Hermógenes'i̧nä̧ ja̧'a̧.

1 Corintios 3:19

Isopäi'ünä̧ pi̧jä̧ttü̧ wo̧juä̧wä̧ wȩnȩmä̧, Dio-rümä̧ suräjuä wȩnȩtä̧ ja̧'a̧. Ja̧'wa̧nü̧ ja̧'a̧ttü̧ wȩyu̧kuä̧mä̧ pä'a: «Dio-mä̧, wo̧juä̧wä̧ wȩnȩ kku̧nä̧rä̧tü̧rü̧mä̧, ji̧yȩtä̧ ttu̧wo̧juö̧nä̧ 'chu̧ä̧dä̧u̧,» jü̧nä̧.