Biblia Todo Logo
Bib sou entènèt

- Piblisite -




Efesios 3:2 - Nuevo Testamento Uwotjüja

2 Täkü wo̧juä̧tü̧jä̧ 'kua̧ra̧'a̧, Dio ukuturu rettü chaditiyarü pä'ü ttürü we'ü u̧ju̧ni̧nü̧mä̧.

Gade chapit la Kopi

TÄ̧DO Ä̧CUÄ̧ I̧HUȨNȨ

2 Täcö huo̧juä̧tö̧jä̧ ucutu, Diosrö pä̧huä̧ rö̧jo̧mȩnä̧ ttörö hueinäcusä adihuä huȩnȩ jidähua pä'ö ucuturu.

Gade chapit la Kopi




Efesios 3:2
27 Referans Kwoze  

Pi̧yȩ ja̧'a̧ Dio eseäkuäwä kku̧nä̧rü̧ adiwäjuei wȩnȩ chu̧wo̧juȩta̧ pä'ü ttürü weinü̧mä̧.


Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.


Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.


Ujutu yotukunä̧rü̧mä̧ iyäwi'inä̧u̧jä̧ Dio jäwä, Crito mippoünä̧ iya päinü̧'a̧kuä̧.


Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.


Mo̧ro̧ jo̧mȩnü̧ päi'omȩnä̧, Dio-mä̧ Jua̧u̧nä̧tä̧ o'kajuiyünä̧ ka̧ka̧tü̧ u̧ju̧nä̧kua̧. O'kajuiyünä̧ mo̧ro̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, Crito-mä̧ u̧ru̧wa̧tä̧ päi'ünä̧.


Isopäi'ünä̧ ukutumä̧ ä̧ju̧kui̧nä̧tü̧jä̧ judío jäwänä̧ kkä̧nü̧, ä'koji jȩchi̧nü̧mä̧ ja̧'wa̧ta̧nü̧ wo̧juä̧tü̧jä̧ Dio-rü esetätürü si'epü chikua pä'ü suronä̧ jȩchi̧nü̧'i̧nä̧.


Päda'anä̧ Chu̧ru̧wa̧mä̧ päinä̧ku̧sä̧: Täkü täi, judío pokotü tti̧rȩjä̧ra̧'a̧, otó wedäkujä̧.


Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.


Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»


Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.


Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.


täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.


jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.


Tu̧ru̧wa̧ Jesucrito-rü kua̧'kua̧ ku̧wȩnä̧rä̧tu̧ku̧'i̧nä̧, ja̧'wa̧ta̧nü̧ Dio i̧tti̧mü̧ wotürü repekuätukua'a'i̧nä̧ tä̧ju̧kui̧na̧'a̧ttü̧,


isopäi'ünä̧ ukutumä̧ ä̧ju̧kui̧nä̧tü̧jä̧ Jua̧u̧ ütü'kümä̧ ja̧'wa̧ta̧nü̧ wo̧juä̧tü̧jä̧ jua̧u̧ weünä̧ kkä̧kuä̧wä̧, Jesú u̧wo̧juȩti̧nü̧mä̧.


Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.


Dio re kkä̧nü̧ apóto jü̧nä̧ ü̧ji̧ni̧nä̧ku̧ pä'üsä, ukuturu'i̧nä̧ Dio mippoünä̧ iyinü̧ kka̧'a̧ttü̧, u̧wä̧mȩnä̧mä̧ kuamükuädäwätukuä. Yotukunä̧ jȩ'kuä̧tu̧kuä̧kuȩ Dio iyina̧'a̧ku̧tä̧, kua̧'kua̧ wȩnä̧rü̧ amükuädätukui.


Ja̧'wa̧nü̧ ja̧'a̧nä̧ ukutu judío pokotürü pä'üsä: Ttü ukutu judío pokotürü Dio-mä̧ i̧wȩnȩ jidäwiyarü pä'ü weinä̧ku̧ cha'attü, jua̧u̧ juiyo eseusä.


Jua̧u̧ jäwättütä chadita pä'ü iyäwi'inä̧ku̧sä̧, Dio rettü mipponä̧ iya'attü, chutä ujurunä̧tä̧.


Ja̧'wa̧ta̧nü̧ weinä̧ku̧sä̧ o'katoi'ünä̧ ttu̧wo̧juä̧chi̧'ü̧nä̧ jidäwa pä'ü, Dio amükuädü u̧ju̧ni̧nü̧, mo̧ täbokütä päi'ünä̧ yä̧wä̧i̧nä̧ chunä̧tä̧ kka̧kui̧nü̧, pi̧jä̧ ruwäkuiyä adikuä i̧sa̧nä̧.


Swiv nou:

Piblisite


Piblisite