Efesios 3:17 - Nuevo Testamento Uwotjüja

¹⁷ Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

TÄ̧DO Ä̧CUÄ̧ I̧HUȨNȨ

¹⁷ Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

Efesios 3:17 Referans Kwoze

Colosenses 2:7

Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.

1 Juan 4:16

Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Romanos 5:5

Jua̧u̧ tta̧'ä̧rü̧ kkä̧kuä̧wä̧mä̧ dä'ä ttuwepokü; isopäi'ünä̧ Dio eseu repeümä̧, Dio ta̧mi̧'iso'kinä̧ iyinü̧ ja̧'a̧ttü̧, Epíritu Sa̧tu̧nä̧, chutä iyinä̧ku̧nä̧.

Apocalipsis 3:20

Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.

2 Corintios 6:16

Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

San Juan 14:17

isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.

San Lucas 6:48

Ya̧tȩ ojusode aditü, 'kiyünä̧ 'chu̧ä̧rä̧kuȩ o'ka, rȩjȩ 'kiyomȩ täkunä̧ sa'ü kku̧ni̧nü̧'anü̧ wa̧. Ja̧'wa̧nü̧ ja̧'a̧, aje suwädi'omȩnä̧, ajiya rü̧ȩnä̧ dü'ü ikuomȩnä̧, yoriso 'kiyünä̧ wi̧na̧'a̧, jua'amä̧ 'kiyomȩ aditü wȩnä̧wa̧'a̧ttü̧.

San Mateo 13:6

Ja̧'wa̧nü̧ ja̧'a̧nä̧ kkä̧wa̧ räo'a'a du'i'omȩnä̧ joi'inü̧, jua'amä̧ ujupo'tiyä adinä̧ juiya'attü̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

San Juan 6:56

Chidepä kumä̧ ja̧'wa̧ta̧nü̧ chukuoja aumä̧, ttütäku todeunä̧ kkü̧, ja̧'wa̧ta̧nü̧ ttü'i̧nä̧ jua̧u̧ku̧ todeunä̧ wa̧sä̧.

1 Corintios 8:1

Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

1 Corintios 3:6

Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!