Efesios 2:8 - Nuevo Testamento Uwotjüja

⁸ Isopäi'ünä̧ mikuä juiyünä̧tä̧ surojüttümä̧ kka̧kui̧pi̧nä̧tü̧jä̧, kua̧'kua̧ ku̧wȩnä̧rä̧tu̧kuo̧mȩttü̧, jua'a'i̧nä̧ ukutu jäwä jo̧ka̧'a̧tä̧, Dio rettü ppädina̧'a̧tä̧.

TÄ̧DO Ä̧CUÄ̧ I̧HUȨNȨ

⁸ Iso päi'önä Dios ucuturu repea'attö, suronä jȩcu̧'ä̧tu̧cu̧ jȩpö̧ icuinö, Cristorö cuesetätucuomenä. Ucutu cuamönätucunä esetocotö pi̧nä̧tö̧jä̧. Diostä ja̧'hua̧nö̧ mippoönä iyinä̧u̧jä̧ cuesetätucua pä'ö.

Efesios 2:8 Referans Kwoze

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

Romanos 4:16

Ja̧'wa̧nü̧ ja̧'a̧ttü̧, Abraha̧-rü̧'i̧nä̧, i̧tti̧mü̧rü̧'i̧nä̧ iya pä'inü̧ mikuäwächi'ünä̧ ja̧ pä'ümä̧, mippoünä̧ iyinü̧, a̧'kua̧ u̧wȩnä̧ro̧mȩttü̧tä̧. Ja̧'wa̧nü̧ ja̧'a̧mä̧, suro weäwä wȩnȩ ukuotätürütä iya pä'ümä̧kü̧ ja̧'a̧; Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧ o'katoi'ünä̧rü̧ iya pä'ü ja̧'a̧. Ja̧'wa̧nü̧ jo̧mȩnä̧ Abraha̧-mä̧ o'katoi'ünä̧ ttä'o ja̧'a̧.

Romanos 10:17

Ja̧'wa̧nü̧ ja̧'a̧ttü̧, tta̧'kua̧ wȩnä̧rä̧kuä̧wä̧mä̧ icha'a, ttä̧ju̧kuo̧mȩnä̧ ja̧'wa̧ta̧nü̧ ä̧ju̧kuä̧tü̧jä̧ Dio i̧wȩnȩnä̧tä̧.

Hechos 16:31

Päomȩnä̧ ttädätinä̧ku̧: —Jesucrito-rü kuesetüttümä̧, uku'i̧nä̧, kuojusodenä̧ kka̧kuä̧tü̧'i̧nä̧ surojüttümä̧ ku̧ja̧kui̧'ä̧kuo̧tü̧jä̧.

San Juan 6:37

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

San Lucas 7:50

Ja̧'wa̧nü̧ ja̧'a̧nä̧, Jesú-mä̧ yabonü̧ juäjuru pä'inü̧: —Kua̧'kua̧ ku̧wȩnä̧ro̧mȩttü̧ kki̧'ä̧ju̧jä̧. Wȩnȩ juiyünä̧tä̧ täi.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

Romanos 4:5

Ja̧'wa̧nü̧ ja̧'a̧nä̧, ya̧tȩ aditoka'anä̧, chu su̧ro̧pa̧rü̧ aditü ikuru esetomȩnä̧mä̧, jua̧u̧ a̧'kua̧ u̧wȩnä̧rü̧nä̧ Dio-mä̧ adiwä i̧sa̧ jü̧nä̧tä̧ toäku.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Gálatas 3:22

Wȩyu̧kuä̧ wȩnȩmä̧ pä'a, o'katoi'ünä̧rü̧tä̧ surojü pecado pättümä̧ kkȩdä̧rä̧u̧jä̧, ja̧'wa̧nü̧ ja̧'a̧ttü̧ Dio mippoünä̧ iya päinü̧mä̧ Jesucrito-rü tta̧'kua̧ wȩnä̧rä̧tü̧rü̧tä̧ ttȩma̧ pä'ü ja̧'a̧.

Hechos 13:39

Ja̧'wa̧nü̧ ja̧'a̧ttü̧ Moisé weinü̧ jäwänä̧, adiwä jueiku juo'ächokotü pinä̧tü̧mä̧, Jua̧u̧nä̧tä̧ ja̧'a̧ surojüttü adiwä jueiku ttü'ärowächa'amä̧.

Gálatas 3:14

Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

San Juan 6:35

Pättiyäku, Jesú-mä̧ päinä̧u̧: Ttütäsä, kuäkuäwä tta̧'kua̧rü̧mä̧; ttüku ichümä̧, yorisotä ukua ppäi ttuokä̧kua̧; ja̧'wa̧ta̧nü̧ ttürü esetümä̧, yorisotä awa a̧di̧ri̧jo̧ko̧ku̧ jä̧kua̧.

Efesios 1:19

Ja̧'wa̧ta̧nü̧ uruwo, churutä esetätürü i̧yä̧kuȩmä̧ ya̧'a̧nü̧ rü̧a̧'a̧ tä̧jí̧ pä'ü ku̧wo̧juä̧tu̧kua̧ pä'ü. Jua'amä̧ chutä Dio ujuru adita'aku.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

San Juan 6:65

Jua'a yabonü̧ pä'inü̧: —Ja̧'wa̧nü̧ ji̧yä̧ku̧ pä'äjisä, ya̧tȩ'i̧nä̧ ttükumä̧ ichü juiyü'anü̧ ja̧'a̧ chä'o wooka'a jü̧ttü̧mä̧, jü̧nä̧.

Colosenses 2:12

Bautizo jȩ'kuä̧kuä̧wä̧tu̧kuo̧mȩnä̧, ukutumä̧ Crito-ku 'korujuo'ächinä̧tü̧jä̧, ja̧'wa̧ta̧nü̧ wa'arettü'i̧nä̧ jua̧u̧tä̧ku̧ tto'ächinä̧tü̧jä̧, isopäi'ünä̧ Dio ujuru kku̧nä̧rü̧rü̧ wa'arettü'i̧nä̧ tto'ächinü̧rü̧ kuesetinä̧tu̧kua̧'a̧ttü̧.

San Juan 6:44

Ya̧tȩ'i̧nä̧ ttukumä̧ ichokü, Chä'o Dio ttüku weokoku jü̧ttü̧mä̧; ja̧'wa̧nü̧ wa̧mä̧, rüjí mo̧ro̧ päi'omȩnä̧mä̧ wa'arettü tto̧dä̧dä̧kua̧.

1 Pedro 1:5

Ukutumä̧ Dio-rü kua̧'kua̧ ku̧wȩnä̧rä̧tu̧kuo̧mȩnä̧, ujurunä̧ tta̧wä̧rä̧u̧jä̧ ra̧wä̧pi̧jü̧ttü̧ kki̧'ä̧kuä̧wä̧ jo̧mȩnü̧ jȩpü̧ u̧ju̧ni̧nü̧ra̧'a̧ kui̧'chi̧'ä̧tu̧kua̧ pä'ü, ja̧u̧mä̧ rüjí mo̧ro̧ i̧jȩpä̧kuȩ.

Filipenses 1:29

Isopäi'ünä̧ Dio-mä̧ ukuturu adiwä juei iyinü̧, suro Crito-rü kuesetätukua pä'ütämä̧kü̧, Jua̧u̧ jäwänä̧ usurä kuȩmä̧wä̧tu̧kua̧ pä'ü'i̧nä̧, iyinä̧u̧jä̧.

Romanos 10:14

¿Ja̧'wa̧nü̧ ja̧'a̧mä̧ toku jättepäkua'ajä̧ttü̧, ji̧nä̧ ttesetokokurumä̧? ¿Ja̧'wa̧ta̧nü̧ toku tesetäkua'ajä̧ttü̧, jua̧u̧ ütü'kü ttä̧ju̧kuo̧ko̧ku̧ru̧mä̧? ¿Ja̧'wa̧ta̧nü̧ toku ttä̧ju̧kuä̧kua̧'a̧jä̧ttü̧ ya̧tȩ ji'äu totta'anä̧mä̧?

San Mateo 16:17

Ädätäku Jesú-mä̧ päinä̧ku̧: —Simón, Joná i̧tti̧ ukumä̧ rü̧ȩnä̧ eseäkuäwä po̧kui̧pü̧jä̧, pi̧yȩ ku̧wo̧juö̧mä̧ ukutä jäwämä̧kü̧ ja̧'a̧, Chä'o Dio mo̧ro̧jä̧nä̧ kkü̧tä̧ jiäwäkujä̧.

Hechos 16:14

Ja̧'wa̧nü̧ ja̧'a̧, yajute Lidia pä'ü mi̧kuaju; púrpura pättü iyäwä isaju, Tiatira ütawiyä ttü̧ja̧saju, Dio-rü esetä'ijäju juȩnȩ ä̧ju̧kuä̧rü̧ pinä̧ju̧, Pauru jiäwa'a. Juäjuru kka̧mi̧so'ki ba'epinü̧ Tu̧ru̧wa̧mä̧, Pauru jiwa'a adiu kkä̧ju̧kua̧ pä'ü.

2 Tesalonicenses 1:9

Pitürümä̧ ro̧ȩpä̧kua̧ si'epü i̧kuä̧kuä̧u̧ 'kuäopünä̧tä̧ totteächünä̧, pitümä̧ otó abo do'opü i̧kuä̧kuä̧u̧ Tu̧ru̧wa̧ ü̧jo̧mettü̧mä̧, uruwo kko̧mȩttü̧'i̧nä̧, ujuru kko̧mȩttü̧'i̧nä̧,

Hechos 15:11

Ja̧'wa̧nü̧ ji̧yä̧u̧, ujutumä̧ esetätüjä̧ ji̧nä̧somä̧, Jesucrito rettü mippoünä̧ ppädino̧mȩttü̧ surojüttümä̧ kki̧'i̧nä̧tü̧jä̧ pä'ü, jitüja jü̧ta̧'a̧nü̧.

Romanos 9:16

Ja̧'wa̧nü̧ ja̧'a̧ttü̧, Dio ȩmä̧ku̧mä̧ üjü'kaja pä'ü'i̧nä̧, pä̧i̧ku̧nä̧ joaja pä'ü'i̧nä̧ jo̧ka̧'a̧, Dio rȩrü̧jü̧ toäkutä ja̧'a̧.

Hebreos 6:4

Isopäi'ünä̧ weyekua'a, ya'utenä̧ tȩya̧u̧ kkȩdȩ'ä̧u̧, Dio mippoünä̧ iyü kkü'kü, Epíritu Sa̧tu̧rü̧ ȩmi̧nä̧tü̧ ppa̧ttä̧cha̧ pä'ümä̧,

San Mateo 20:9

Ja̧'wa̧nü̧ ja̧'a̧, ni̧pä̧ro̧mȩ ja̧'a̧ku̧ las cinco-nä̧ kka̧kuä̧mü̧ aditäjätürümä̧, ya'ute denario pünä̧ i̧mi̧tä̧'chi̧nä̧u̧, yotükupünä̧rü̧mä̧.