Efesios 2:16 - Nuevo Testamento Uwotjüja

¹⁶ Ja̧'wa̧nü̧ jȩpü̧ tosare isotürümä̧, idepänä̧ ü̧jo̧kä̧nü̧ to'e'ü Dio-rü eseku iyinü, ja̧'wa̧nü̧ ja̧'a̧ttü̧ ttürowäwä'ijümä̧ wa'ü ikunä̧ jȩpi̧nü̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧nä̧ dau isodänä 'corujuoächomenä, Cristo be'epäjipö icuinö o'ca juiyönä rohuäcuähuä jahuätöttö. Ja̧'hua̧nö̧ ja̧'a̧ttö̧ jahuätö o'ca toi'önä judíos huotö'inä, judíos huocotö'inä Diosrö ttesehua pä'ö hue'inödo. Ja̧'hua̧nö̧ ja̧'a̧nä̧ jahuätö o'ca toi'önä ya̧tȩnä̧tä̧ pä'i'inätö.

Efesios 2:16 Referans Kwoze

Romanos 5:10

Isopäi'ünä̧ Dio-mä̧ aboiyotü ta'anä̧, i̧tti̧ wa'ü iku toe'ächinü̧ ji̧yȩnä̧tä̧ esekuinä̧u̧jä̧, juȩnȩ abonä̧nü̧ ja̧'a̧ esekuinü̧ o'ka'amä̧, jua̧u̧ a̧'kua̧ra̧'a̧ttü̧ surojüttümä̧ tü̧ji̧pä̧kuo̧tü̧jä̧.

Colosenses 2:14

Dio-mä̧ ti̧mi̧ppotü timita pä'ü pätetü jȩpü̧ kku̧nä̧wä̧'i̧nä̧ mi̧ppotokotü jü̧nä̧tä̧ jȩpü̧ ikuinü̧; Crito-rü ü̧jo̧kä̧nü̧ jäinä̧ pȩ'o̧pü̧ ttu̧ju̧no̧mȩnä̧ mitäu ikuinü̧.

Efesios 2:15

Weäwä wȩnȩ ji̧nü̧mä̧ si'epü ikuinü̧, Chutä weü wȩnȩ jȩpü̧ kku̧nu̧. Pi̧yȩmä̧ jȩpi̧nü̧ Chutä a̧mü̧nä̧ pa̧ja̧tü̧, tosare isotü winä̧tü̧ttü̧mä̧ ji̧nä̧ ya̧tȩ ttü̧ja̧sa̧ ja̧rȩpa̧rü̧ uwäbe'ü kku̧nu̧, chunä̧tä̧, wȩnȩ juiyü jäwä uwäbe'ü kku̧ni̧nü̧.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Romanos 8:7

Isopäi'ünä̧ ttidepä wea'anä̧ kkä̧kuä̧wä̧mä̧, Dio aboiyotü päi'ünä̧tä̧ päroächäkuäwä; jua'amä̧, Jua̧u̧ weäwä wȩnȩ kkü'kü jui'ü jȩtta̧ pättoka'attü̧.

Romanos 6:6

Täkü wo̧juä̧tü̧jä̧, ä'koji jȩpü̧ tü̧ji̧nü̧mä̧, chutäku yo̧mȩtȩnä̧ ü̧jo̧kä̧ jäinä̧ toe'ächomȩnä̧, ji̧yȩku̧ tu'uttächinü̧ surojä'ijü ujuru si'epü ikuina̧'a̧ pä'ü, täkü jua̧u̧ ukuotäkuäwokü wea'anä̧ ti̧'chü̧ juiya pä'ümä̧.

1 Corintios 10:17

Isopäi'ünä̧ ujutumä̧ rekuätü wotü ta'anä̧, ji̧nä̧ ya̧tȩtä̧ idepä pä'i'ätüjä̧, ji̧nä̧ ji̧si̧tȩttü̧tä̧ tukua'attü trigo i̧ri̧si̧mä̧.

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

Efesios 4:4

Ji̧nä̧ ya̧tȩ jäwänä̧tä̧ ja̧'wa̧ta̧nü̧ Epíritu'i̧nä̧ ji̧nä̧ ya̧tȩnä̧tä̧, yo̧mȩtȩnä̧ a̧mü̧kuä̧rü̧ kkä̧kuä̧wä̧nä̧ woina̧'a̧ku̧tä̧ kka̧kuä̧tu̧kui̧;

Colosenses 3:15

Ja̧'wa̧ta̧nü̧ Crito jäwä wȩnȩ juiyünä̧ kua̧mi̧ iso'kitukunä̧ wea'anä̧ kka̧kuä̧tu̧kui̧. Isopäi'ünä̧ Dio-mä̧ ji̧nä̧ yotüte jü̧nä̧ tü̧ja̧kua̧ pä'ü woinä̧u̧jä̧. Ja̧'wa̧nü̧ Churutä eseutä.