Efesios 2:15 - Nuevo Testamento Uwotjüja

¹⁵ Weäwä wȩnȩ ji̧nü̧mä̧ si'epü ikuinü̧, Chutä weü wȩnȩ jȩpü̧ kku̧nu̧. Pi̧yȩmä̧ jȩpi̧nü̧ Chutä a̧mü̧nä̧ pa̧ja̧tü̧, tosare isotü winä̧tü̧ttü̧mä̧ ji̧nä̧ ya̧tȩ ttü̧ja̧sa̧ ja̧rȩpa̧rü̧ uwäbe'ü kku̧nu̧, chunä̧tä̧, wȩnȩ juiyü jäwä uwäbe'ü kku̧ni̧nü̧.

TÄ̧DO Ä̧CUÄ̧ I̧HUȨNȨ

¹⁵ Chutä jä̧ttä̧pä̧ya̧nä̧ täbocö hueähuä huȩnȩ be'epäjipö icuinödo. Jahuätöttö i̧mi̧cu̧nä̧ ttö̧ja̧cua̧'a̧nä̧, ja̧u̧ru̧ jareönä esetö, ji̧nä̧ yo̧mȩtȩnä̧ ttö̧ja̧cua̧ pä'ö hue'inödo. Ja̧'hua̧nö̧ jȩpö̧, o'ca toi'önärö eseäcuähuä iyinödo.

Efesios 2:15 Referans Kwoze

Colosenses 2:14

Dio-mä̧ ti̧mi̧ppotü timita pä'ü pätetü jȩpü̧ kku̧nä̧wä̧'i̧nä̧ mi̧ppotokotü jü̧nä̧tä̧ jȩpü̧ ikuinü̧; Crito-rü ü̧jo̧kä̧nü̧ jäinä̧ pȩ'o̧pü̧ ttu̧ju̧no̧mȩnä̧ mitäu ikuinü̧.

Gálatas 3:10

Weäwä wȩnȩnä̧ tta̧'kua̧ wȩnä̧rä̧tü̧rü̧ surojü ma̧ä̧ma̧ pä'ü, pa̧'a̧nü̧ päwina̧'a̧ wȩyu̧kuä̧ wȩnȩmä̧: «surojütä ma̧ä̧mä̧kua̧'a̧ o'katoi'ünä̧ wȩyu̧kuä̧ wȩnȩnä̧ pȩjü̧ ukuotokürümä̧.»

Hebreos 8:13

«Jareünä̧ esekusä» päümä̧, ä'koji jäwämä̧, täkü tabo jäwä ja̧'a̧ pä'ü pä'inü̧; ja̧'wa̧ta̧nü̧ täbo jäwä jo̧mȩnä̧mä̧ büäkuächütä ja̧'a̧, jua̧u̧nü̧ o'ka'amä̧ sü'ekuächü toe'ächü.

Colosenses 3:10

täkü pärokuä 'ka̧tä̧wä̧tu̧kui̧. Isopäi'ünä̧ pi̧yȩmä̧, Dio ukuturu uwäbe'inü̧ a̧'kua̧juä̧, yabonü̧ rü̧ä̧chä̧kua̧'a̧nü̧, Churutä jo̧mȩnü̧ ku̧wo̧juä̧chä̧tu̧ku̧nä̧.

Colosenses 2:20

Täkü Crito-ku, ü̧jo̧kä̧nü̧ jäinä̧ ji̧nä̧ ji̧yȩtȩnä̧ 'korujuo'ächinä̧tü̧jä̧ pi̧jä̧ jäwättümä̧. Ja̧'wa̧nü̧ ja̧'a̧nä̧, ¿tta̧'a̧nü̧ pä'ü, pi̧jä̧ jäwänä̧ kkä̧nü̧ jä̧'i̧nü̧'a̧nü̧ kka̧kuä̧tü̧jä̧ttü̧? Pa̧'a̧nü̧

Gálatas 6:15

Isopäi'ünä̧ circuncisión jȩtta̧ja̧ pä'ü'i̧nä̧, jȩttü̧ juiyaja pä'ü'i̧nä̧ mikuäwoka'a; ji̧nä̧somä̧ pärokuänä̧ ttuwäpächütä ja̧'a̧ mikuäumä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Efesios 4:16

Crito-tä ja̧'a̧, igresia isotü yotukunä̧rü̧ ka̧ka̧tü̧mä̧, ttaditäwä jü̧'a̧kuä̧, ja̧'wa̧nü̧ jȩa̧'a̧ttü̧ yo̧mȩtȩnä̧ ttaditünä̧ jȩpü̧ jua̧u̧mä̧, igresia isotü yaboku eseäkuäu kkä̧nü̧ ttä̧rä̧mü̧nä̧.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

Hebreos 7:16

Jua̧u̧ sacerdote-mä̧ Rewí isotü i̧sa̧mä̧kü̧ weäwä wȩnȩ weü'anü̧mä̧, jua'amä̧ 'kuäopünä̧ a̧'kua̧rü̧ ja̧'a̧ttü̧.

Hebreos 9:23

Ja̧'wa̧nü̧ ja̧'a̧ttü̧ mo̧ro̧jä̧nä̧ kka̧ku̧ a̧'kua̧juä̧mä̧ ja̧'wa̧nü̧tä̧ tükokuächa pä'ü rekuä rü̧ji̧na̧'a̧; ja̧'wa̧nü̧ ja̧'a̧nä̧ mo̧ro̧jä̧nä̧ kka̧ku̧mä̧ pi̧jä̧nä̧ kka̧ku̧ a̧'kua̧juä̧ttü̧'i̧nä̧ abonä̧nü̧ mikuäu sacrificio jȩtta̧ pä'ü rekuä rü̧ji̧na̧'a̧.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Efesios 2:14

Isopäi'ünä̧ Jua̧u̧ Crito-tä ja̧'a̧ wȩnȩ juiyünä̧ kkä̧kuä̧wä̧ i̧sa̧mä̧: Tosare isotü winä̧tü̧ttü̧ (judío'i̧nä̧, judío pokotürü'i̧nä̧) ji̧nä̧ yotüte ttü̧ja̧ päti'ünä̧ jȩpi̧nü̧, tabo iyotü jü̧nä̧ tü̧ja̧kui̧nü̧mä̧.

Efesios 2:16

Ja̧'wa̧nü̧ jȩpü̧ tosare isotürümä̧, idepänä̧ ü̧jo̧kä̧nü̧ to'e'ü Dio-rü eseku iyinü, ja̧'wa̧nü̧ ja̧'a̧ttü̧ ttürowäwä'ijümä̧ wa'ü ikunä̧ jȩpi̧nü̧.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Colosenses 3:15

Ja̧'wa̧ta̧nü̧ Crito jäwä wȩnȩ juiyünä̧ kua̧mi̧ iso'kitukunä̧ wea'anä̧ kka̧kuä̧tu̧kui̧. Isopäi'ünä̧ Dio-mä̧ ji̧nä̧ yotüte jü̧nä̧ tü̧ja̧kua̧ pä'ü woinä̧u̧jä̧. Ja̧'wa̧nü̧ Churutä eseutä.