Efesios 2:14 - Nuevo Testamento Uwotjüja

¹⁴ Isopäi'ünä̧ Jua̧u̧ Crito-tä ja̧'a̧ wȩnȩ juiyünä̧ kkä̧kuä̧wä̧ i̧sa̧mä̧: Tosare isotü winä̧tü̧ttü̧ (judío'i̧nä̧, judío pokotürü'i̧nä̧) ji̧nä̧ yotüte ttü̧ja̧ päti'ünä̧ jȩpi̧nü̧, tabo iyotü jü̧nä̧ tü̧ja̧kui̧nü̧mä̧.

TÄ̧DO Ä̧CUÄ̧ I̧HUȨNȨ

¹⁴ Iso päi'önä Cristo eseäcuähuä iyö ujuturu. Ja̧u̧mä̧ judíos huotörö'inä, judíos huocotörö'inä ji̧nä̧ yo̧mȩtȩnä̧ ttö̧ja̧cua̧ pä'ö hue'inödo. Ja̧u̧tä̧ jahuätö i̧mi̧cu̧nä̧ ttö̧ja̧cui̧nö̧ juäi, ttami iso'quinä tto̧ȩpä̧ra̧'a̧ jä̧'i̧nö̧'a̧nö̧ ji̧nö̧mä̧, be'epäjipö icuinödo.

Efesios 2:14 Referans Kwoze

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Colosenses 3:15

Ja̧'wa̧ta̧nü̧ Crito jäwä wȩnȩ juiyünä̧ kua̧mi̧ iso'kitukunä̧ wea'anä̧ kka̧kuä̧tu̧kui̧. Isopäi'ünä̧ Dio-mä̧ ji̧nä̧ yotüte jü̧nä̧ tü̧ja̧kua̧ pä'ü woinä̧u̧jä̧. Ja̧'wa̧nü̧ Churutä eseutä.

Efesios 2:15

Weäwä wȩnȩ ji̧nü̧mä̧ si'epü ikuinü̧, Chutä weü wȩnȩ jȩpü̧ kku̧nu̧. Pi̧yȩmä̧ jȩpi̧nü̧ Chutä a̧mü̧nä̧ pa̧ja̧tü̧, tosare isotü winä̧tü̧ttü̧mä̧ ji̧nä̧ ya̧tȩ ttü̧ja̧sa̧ ja̧rȩpa̧rü̧ uwäbe'ü kku̧nu̧, chunä̧tä̧, wȩnȩ juiyü jäwä uwäbe'ü kku̧ni̧nü̧.

Colosenses 1:20

ja̧'wa̧ta̧nü̧ Crito-nä̧tä̧, o'kajuiyünä̧ esekua pä'inü̧, pi̧jä̧nä̧ kka̧ku̧'i̧nä̧, mo̧ro̧jä̧nä̧ kka̧ku̧'i̧nä̧ jü̧nä̧, wȩnȩ juiyünä̧ eseku ikunä̧, ü̧jo̧kä̧nü̧ jäinä̧ 'korujuoächinoya ukuojanä̧.

Colosenses 2:20

Täkü Crito-ku, ü̧jo̧kä̧nü̧ jäinä̧ ji̧nä̧ ji̧yȩtȩnä̧ 'korujuo'ächinä̧tü̧jä̧ pi̧jä̧ jäwättümä̧. Ja̧'wa̧nü̧ ja̧'a̧nä̧, ¿tta̧'a̧nü̧ pä'ü, pi̧jä̧ jäwänä̧ kkä̧nü̧ jä̧'i̧nü̧'a̧nü̧ kka̧kuä̧tü̧jä̧ttü̧? Pa̧'a̧nü̧

Romanos 5:1

Ji̧yȩnä̧tä̧ ta̧'kua̧ tu̧wȩnä̧rü̧nä̧, surojü jui'ätü jü̧nä̧ jȩpü̧ ikuinä̧u̧jä̧, Dio-kumä̧ eseäkuäwä tu̧ju̧nä̧rü̧nä̧ Jesucrito-nä̧mä̧.

Hechos 10:36

Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

Hechos 10:28

Juätürü Peduru-mä̧ pä'inü̧: —Ukutumä̧ wo̧juä̧tü̧jä̧ judío wa̧, judío pokotüku esekua pä'ümä̧, weäwi'o̧ko̧u̧ pä'ü. Ja̧'wa̧nü̧ ja̧'a̧nä̧ Dio-mä̧ i̧jȩpä̧jä̧ku̧sä̧, ttü̧ja̧sa̧rü̧mä̧ ya̧tȩrü̧'i̧nä̧, su̧ro̧pa̧ pä'ümä̧ okuä pä'ü.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Lucas 1:79

Rü̧ȩnä̧ yo̧ü̧nä̧ kka̧kuä̧tü̧rü̧ ja̧'wa̧ta̧nü̧ wa'are ujurunä̧ kka̧kuä̧tü̧rü̧ tȩya̧u̧ i'chächü iya pä'ü. Ja̧'wa̧ta̧nü̧ wȩnȩ jui̧yä̧mä̧nä̧ ti̧'chü̧nä̧ weye juoepa pä'ü.

Hebreos 7:2

ja̧'wa̧nü̧ ja̧'a̧ Abraha̧-mä̧, Mequisede-rü iyinü̧ iäre diezmo o'kajuiyünä̧, kurä rowäu ȩmä̧ji̧ttü̧. Jua̧u̧ i̧mi̧ Mequisede pä'ümä̧ «ru̧wa̧ adiwä i̧sa̧» pä'ü päwä ja̧'a̧ ja̧'wa̧nü̧ ja̧'a̧nä̧ Salem ütawiyä ru̧wa̧ pä'ümä̧, «ru̧wa̧ wȩnȩ juiyünä̧ wa̧» pä'ü päwä ja̧'a̧.

Efesios 4:16

Crito-tä ja̧'a̧, igresia isotü yotukunä̧rü̧ ka̧ka̧tü̧mä̧, ttaditäwä jü̧'a̧kuä̧, ja̧'wa̧nü̧ jȩa̧'a̧ttü̧ yo̧mȩtȩnä̧ ttaditünä̧ jȩpü̧ jua̧u̧mä̧, igresia isotü yaboku eseäkuäu kkä̧nü̧ ttä̧rä̧mü̧nä̧.

Efesios 3:15

jua̧u̧ttü̧tä̧ ȩmä̧tü̧ tti̧mi̧pi̧yä̧mä̧, mo̧ro̧jä̧nä̧ kka̧kuä̧tü̧'i̧nä̧, pi̧jä̧nä̧ kka̧kuä̧tü̧'i̧nä̧ o'katoi'ünä̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

Efesios 2:17

Ja̧'wa̧nü̧ jȩpü̧, wȩnȩ juiyünä̧ kkä̧kuä̧wä̧ ukuturu i'kächü iyinü̧, Churutä otó kka̧kuä̧'i̧jä̧tü̧rü̧'i̧nä̧, chutäku tü'kü kka̧kuä̧'i̧jä̧tü̧rü̧'i̧nä̧, jü̧nä̧.