Efesios 2:12 - Nuevo Testamento Uwotjüja

¹² Amükuädätukui ji̧yȩnü̧ mo̧ro̧mä̧ Crito-ttümä̧ otó winä̧tü̧jä̧, Irae ttü̧ja̧ttü̧'i̧nä̧ ikuikuotü winä̧tü̧jä̧. Ja̧'wa̧ta̧nü̧ Dio iya pä'ü esekuinü̧ttü̧'i̧nä̧ otó winä̧tü̧jä̧, tta̧'ä̧rü̧ kuamükuä̧rä̧tu̧ku̧'i̧nä̧ jui'inä̧tü̧jä̧, Dio-rü'i̧nä̧ pi̧jä̧ttü̧mä̧ to'inä̧tü̧jä̧.

TÄ̧DO Ä̧CUÄ̧ I̧HUȨNȨ

¹² Ja̧u̧nu̧ pä̧nä̧ ucutu jerupinätöjä Cristorö. Israel ttö̧ja̧ttö̧'i̧nä̧ i̧mi̧cu̧nä̧ ka̧cui̧nä̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧, Dios iya päinö huȩnȩ'i̧nä̧ jerupinätöjä. Ucutu pi̧jä̧nä̧ ka̧cui̧nä̧tö̧jä̧, yoröiso adihuä juäi huȩnȩ tta̧cu̧huä̧rä̧tu̧cuo̧ca̧'a̧. Ja̧'hua̧ta̧nö̧ Dios toönä ka̧cui̧nä̧tö̧jä̧, cuesetätucuoca'a.

Efesios 2:12 Referans Kwoze

Gálatas 4:8

Pä'äjimä̧, Dio-rü ku̧wo̧juä̧tu̧ku̧ juiyäimä̧, yapareäkuäwä isotü ttü̧ä̧nä̧wo̧tü̧rü̧ ukuotü kka̧kui̧nä̧tü̧jä̧.

Colosenses 1:21

Ja̧'wa̧ta̧nü̧, ukutu'i̧nä̧, ji̧yȩnü̧ mo̧ro̧mä̧ kko̧ro̧jä̧ ttü̧ja̧ winä̧tü̧rü̧, kuamükuädätuku'i̧nä̧ aboiyotütä winä̧tü̧rü̧, surojütä jȩpü̧ kka̧kui̧nä̧tü̧rü̧ jitämä̧ eseku ikuinä̧u̧jä̧,

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

1 Tesalonicenses 4:13

Ja̧'wa̧ta̧nü̧ chawaruwä chi̧jä̧wa̧tü̧, 'korujuo'ächinä̧tü̧ ttütü'kümä̧ kuieruwätukuamä̧ pä'okotüjä̧. Kuieruwätukuttümä̧ kua̧'kua̧ tta̧kuȩkuä̧kuo̧tü̧jä̧, tta̧wä̧räkuä̧wä̧ wȩnȩ jui'ätü 'kua̧rü̧nä̧tä̧.

Efesios 4:18

Juätümä̧ tta̧mü̧kuädü'i̧nä̧ yo̧ä̧chä̧chi̧nä̧u̧, Dio jäwä a̧'kua̧rä̧kuä̧wä̧ttü̧mä̧ otó wotü, yoriso jerupü tta̧mi̧ 'kittädäkuäwina̧'a̧ttü̧.

1 Tesalonicenses 4:5

Dio-rü jerupätü 'kua̧rü̧nä̧mä̧, nä̧tü̧rü̧'i̧nä̧, u̧mä̧tü̧rü̧'i̧nä̧ usäwä oipa'anä̧mä̧ ku̧jä̧tu̧kuä̧.

San Juan 15:5

Ttütäsä, uwa daumä̧, ukutumä̧ ä̧na̧jui̧yä̧jä̧. Ttünä̧ kkü̧mä̧ ja̧'wa̧ta̧nü̧ ttü chü̧jä̧ku̧mä̧, jua̧u̧tä̧ ja̧'a̧ u̧wä̧ju̧ rü̧ȩnä̧ wȩjä̧ku̧mä̧; ja̧'wa̧nü̧ ja̧'a̧ttü̧ ttü toünä̧mä̧, yoriso jȩa̧ pä'ümä̧ juiya'a.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

Romanos 9:8

Jua'amä̧ pa̧'a̧nü̧ ja̧'a̧: O'katoi'ünä̧ ttidepättümä̧ tti̧tti̧mü̧ ja̧'a̧nä̧ Dio-mä̧ i̧tti̧mü̧mä̧kü̧ ja̧'a̧. Ja̧'wa̧nü̧ ja̧'a̧ttü̧ chutä päinü̧'a̧kuä̧ ichinä̧tü̧tä̧tä̧ ja̧'a̧ i̧tti̧mü̧ wotümä̧.

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.

Hechos 28:20

Ja̧'wa̧nü̧ ja̧'a̧ttü̧ ukuturu topü kkä̧nü̧ pi̧yȩtä̧ jidäwa pä'ü wopäjisä; ujutu Irae ttü̧ja̧ tta̧tä̧rä̧'i̧jü̧ jäwä jo̧mȩttü̧, pa̧'a̧nü̧mä̧, pi̧sa̧ kärenä̧sa̧ nü̧'käwa'amä̧ kkü̧sä̧.

Hechos 3:25

Ukutu'i̧nä̧ profeta-tü̧ pinä̧tü̧ tti̧tti̧mü̧jä̧ ja̧'wa̧ta̧nü̧ tü̧tä̧mü̧ mi̧nä̧rü̧ eseku Dio iyinü'i̧nä̧ kuȩmä̧kuo̧tü̧jä̧. Dio-mä̧ pä'inü̧ Abraha̧-rü̧: Uku kui̧tti̧mü̧nä̧, pi̧jä̧ ttü̧ja̧mä̧ o'katoi'ünä̧ adiwä juei ttȩmä̧kuo̧tü̧.

1 Juan 3:3

O'katoi'ünä̧ jua̧u̧ru̧ a̧mü̧kuä̧rü̧ tta̧'a̧rä̧tü̧mä̧, surojü adikuäkuäu ikuätü, jua'amä̧ Chutä Jesú'i̧nä̧ surojü jui̧'a̧ ja̧'a̧ttü̧.

1 Pedro 1:21

Ukutumä̧ Crito-nä̧ Dio-rümä̧ esetätüjä̧, 'koru pä'i'inä̧tü̧ttü̧ tto'ädü ukuo iyinü̧nä̧; ja̧'wa̧nü̧ ja̧'a̧ttü̧ kua̧'kua̧ ku̧wȩnä̧rä̧tu̧ku̧'i̧nä̧, tta̧'a̧rü̧ ku̧jä̧tu̧ku̧'i̧nä̧ Dio-nä̧tä̧ kka̧'a̧.

Hebreos 11:34

okurä rü̧a̧rä'i̧nä̧ na̧'ȩpi̧nä̧tü̧, kurodänä̧ kuä'ü ttikua pättä'a'i̧nä̧ kki̧'i̧pinä̧tü̧, ttijuiyuwomettü̧'i̧nä̧ ttujuru ichinä̧u̧, kurättü'i̧nä̧ iso juo'epinä̧tü̧, taboiyotü dü'eku tti̧wuö̧nä̧.

1 Timoteo 1:1

Jesucrito u̧mü̧wä̧ya̧ Apóto Pauru-mä̧, Tü̧ä̧nä̧wa̧ Dio surojüttü tü̧ji̧pü̧nä̧ jȩpü̧ weäwänä̧ weinä̧ku̧ ja̧'wa̧ta̧nü̧ Jesucrito tta̧tä̧rä̧ku̧nä̧,

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Juan 4:22

ukutumä̧, kuieruwätukua'anä̧ kuiwe'kiyutukunä̧ kkä̧mä̧dü̧ esewätüjä̧; ja̧'wa̧nü̧ ja̧'a̧nä̧ ujutumä̧ tu̧wo̧jua̧'a̧ttü̧ ttiwe'kiyunä̧ kkä̧mä̧dü̧ esewätüjä̧, isopäi'ünä̧ ra̧wä̧pi̧jü̧ttü̧ kki̧'ä̧kuä̧wä̧mä̧ judío-ttü ichina̧'a̧ttü̧.

San Lucas 1:72

Tä̧do̧tü̧ mi̧nä̧rü̧ eseku, rȩrü̧jü̧ to̧chä̧kuä̧u̧jä̧ päinü̧.

Hechos 2:39

Pi̧yȩ iya päinü̧mä̧, ukuturu iya pä'inü̧, kui̧tti̧mü̧tu̧ku̧ru̧'i̧nä̧ ja̧'wa̧ta̧nü̧ kkorotü otó kka̧kuä̧tü̧rü̧'i̧nä̧; suro juätütämä̧kü̧, Tu̧ru̧wa̧ Dio wo̧ä̧u̧mä̧ o'katoi'ünä̧rü̧.

Efesios 2:19

Ja̧'wa̧nü̧ ji̧no̧mȩttü̧, Dio ä'kattümä̧, kko̧ro̧jä̧ ttü̧ja̧mä̧kü̧jä̧. Jitämä̧, pärokua'akutä Dio umüwäyotü surojü jui'ätü jü̧nä̧, i̧tti̧mü̧ jü̧nä̧ wotüjä̧.

Hebreos 8:6

Ja̧'wa̧nü̧ ja̧'a̧nä̧ Tu̧ru̧wa̧ Jesucrito sacerdote-tü̧ ttu̧ru̧wa̧ aditäwä Dio iyinü̧mä̧ rü̧ȩnä̧ adiwäjuei ja̧'a̧, jua̧u̧nä̧tä̧ adiwäjuei esekuinü̧mä̧ kku̧nä̧rä̧tü̧jä̧, jua'amä̧ Dio adiwäjuei chi̧yä̧kua̧sä̧ päinü̧mä̧ jua̧u̧nä̧tä̧ iya'attü.