Efesios 1:7 - Nuevo Testamento Uwotjüja

⁷ Jua̧u̧ ukuojänä̧tä̧ i̧mi̧tä̧wi̧nä̧u̧jä̧, suronä̧ jȩtä̧'i̧ja̧'a̧mä̧, rȩrü̧jü̧ toäkuäwä u̧ju̧nä̧ra̧'a̧ttü̧,

TÄ̧DO Ä̧CUÄ̧ I̧HUȨNȨ

⁷ Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Efesios 1:7 Referans Kwoze

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

Romanos 3:24

Ja̧'wa̧nü̧ ja̧'a̧nä̧ Dio-mä̧, chutä re kkä̧nü̧ mippoünä̧tä̧ adiwä isotü jü̧nä̧ juoepinä̧u̧jä̧, Jesucrito usurä ȩmä̧u̧ i̧mi̧täwinü̧nä̧.

Colosenses 1:14

jua̧u̧tä̧tä̧ ji̧na̧'a̧, ujuturu ukuojanä̧ mitäu ȩmi̧nü̧mä̧ surojüttü rä'epü iku.

Hebreos 9:22

Ja̧'wa̧nü̧ ja̧'a̧ttü̧ weäwä wȩnȩ päü'anü̧, o'kajuiyünä̧ päi'a pä'ümä̧ a̧'u̧ku̧nä̧tä̧ juiyünä̧ ttukuojanä̧tä̧ suronä̧ jȩttä̧'i̧jü̧mä̧ tükächi'ina̧'a̧; ja̧'wa̧nü̧ ja̧'a̧nä̧ ukuoja juiyünä̧mä̧ Dio-mä̧ suronä̧ jȩttä̧'i̧jü̧mä̧ jȩpü̧ ikuokü ji̧na̧'a̧.

San Mateo 26:28

Isopäi'ünä̧ poyamä̧ ttütä chukuoja ja̧'a̧, poyanätä̧ jareünä̧ esekusä. Juoyamä̧ rekuätü suronä̧ jȩttä̧'i̧jü̧ jȩpü̧ iku werächäkua'a.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

1 Juan 2:12

Ukutu chi̧tti̧mü̧ wotürü, wȩyu̧tu̧ we'üsä; ukutu suronä̧ jȩ'kuä̧'i̧jä̧tu̧ku̧mä̧, Jesucrito jȩi̧nü̧nä̧tä̧, Dio-mä̧ jȩpü̧ i̧kui̧nä̧u̧jä̧ pä'ü.

Filipenses 4:19

Ja̧'wa̧nü̧ ja̧'a̧ttü̧, Chu̧ru̧wa̧ Dio-tä, ukuturu rekuä rü̧jü̧mä̧ o'kajuiyünä̧ ppä̧dä̧kuä̧u̧jä̧, Crito Jesú ukuo jäwänä̧.

Efesios 2:7

Pi̧yȩmä̧ jȩpi̧nü̧, Jesucrito-nä̧ rü̧ȩnä̧ rȩrü̧jü̧ toü yodoji mo̧ro̧ ujuturu i̧jȩpa̧ pä'ü.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

Efesios 3:16

Epíritu jäwänä̧, chutä uruwo kka̧'a̧ku̧, kujurutuku iyätukuaku pä'ü ukuokusä, kua̧'kua̧rü̧ jakuänä̧.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

Romanos 2:4

Dio-mä̧ juiyo adiwä i̧sa̧ ja̧'a̧ttü̧, jurunä̧mä̧ ra̧wä̧ri̧po̧kü̧ ja̧'a̧ttü̧, a̧mi̧ 'ki'ächi'ü ukutu suronä̧ jȩ'kuä̧tu̧kua̧'a̧nä̧'i̧nä̧. Ja̧'wa̧nü̧ ja̧'a̧nä̧ suronä̧ jȩ'kuä̧tu̧ku̧mä̧ rü̧ȩnä̧mä̧ jo̧kü̧ 'kua̧ra̧'a̧ pä'ümä̧ kuamükuädätukuä. Jua'amä̧ Dio-mä̧ repe'ü jȩä̧u̧jä̧, suronä̧ jȩ'kuä̧tu̧ku̧ käkuädi'iyätukuarü pä'ü.

1 Juan 2:2

Jua̧u̧tä̧tä̧ ja̧'a̧, sacrificio pättünä̧ usurä ȩmä̧wi̧nü̧mä̧, suronä̧ jȩtä̧'i̧jü̧ mikuänä̧. Suro ujutu suronä̧ jȩtä̧'i̧jü̧ jäwänä̧tä̧mä̧kü̧, pi̧jä̧nä̧ kka̧kuä̧tü̧mä̧ o'katoi'ünä̧ suronä̧ jȩttä̧'i̧jü̧ jäwänä̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

1 Juan 4:10

Pi̧yȩ ja̧'a̧, eseu repe'ü jȩi̧nü̧mä̧: Ji̧nä̧somä̧, ä̧kuo̧mȩnä̧mä̧ ujutumä̧, Dio-rü eseu repe'okotü pinä̧tü̧jä̧; pärokua'aku chutätä ujuturu eseu repe'ü, I̧tti̧rü̧ we'inü̧, jua̧u̧ usurä ȩmä̧u̧ ji̧yȩnä̧tä̧ ujutu suronä̧ jȩtü̧ mikuäwächa pä'ü.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Hechos 10:43

Profeta-mä̧ o'katoi'ünä̧, pide Jesú ütü'kümä̧ jittäwinü̧ o'ka'a ji̧na̧'a̧, Jua̧u̧ru̧ esetätümä̧ o'katoi'ünä̧ suronä̧ jȩttü̧ttü̧mä̧ jȩpü̧ i̧kuä̧kuä̧u̧ pä'ü.

San Juan 20:23

Suronä̧ jȩtto̧mȩnä̧, mikuä pä'ü jȩ'kuä̧tu̧ku̧ juiyüttü̧mä̧, ukuturu'i̧nä̧ mikuä jo̧ka̧'a̧ jä̧kua̧'a̧; ja̧'wa̧nü̧ ja̧'a̧nä̧ surojü jȩtto̧mȩnä̧ mikuä jȩpü̧rü̧mä̧, churutä'i̧nä̧, mikuä jȩä̧kuä̧wä̧kua̧'a̧.

San Marcos 14:24

Ja̧'wa̧ta̧nü̧ päinä̧u̧: —Pi̧yȩmä̧ ttütä chukuoja ja̧'a̧, juoyanä̧ Dio-mä̧ jareünä̧ eseku. Juoya chukuojamä̧, rekuätürü ppä'ädü werächoya ja̧'a̧.

Tito 3:6

Ja̧'wa̧ta̧nü̧ tu̧ru̧wa̧ Jesucrito surojüttü tü̧ji̧pü̧nä̧ ppä'ädinü̧mä̧ Epíritu Sa̧tu̧rü̧ iyinä̧u̧jä̧,

1 Timoteo 2:6

Ja̧'wa̧ta̧nü̧ jua̧u̧mä̧ wa'arera̧'a̧ iyäwinü̧, o'katoi'ünä̧ pi̧jä̧ ttü̧ja̧ ra̧wä̧pi̧jü̧ttü̧ ttü̧ji̧pa̧ pä'ümä̧ Jua'atäku chutä ütü'kü ji'äkuäwinü̧ u̧mo̧ro̧ mo̧ro̧ päi'omȩnä̧.

Colosenses 2:13

Ukutumä̧, kko̧ro̧nü̧ pä̧nä̧mä̧, surojü jȩ'kuä̧tu̧ku̧ jäwänä̧ 'korujuo'ächinä̧tü̧ pinä̧tü̧jä̧ jua'amä̧ suronä̧ jȩ'kuä̧tu̧ku̧ 'kȩkui̧pä̧chä̧tu̧kuo̧ko̧mȩnä̧; ja̧'wa̧nü̧ ji̧na̧'a̧nä̧ Dio jitämä̧ Crito-ku ji̧nä̧ yo̧mȩtȩnä̧ kua̧'kua̧ru̧tu̧ku̧ iyinä̧u̧jä̧, jua̧u̧tä̧ ji̧na̧'a̧ o'kajuiyünä̧ suronä̧ jȩtü̧ jȩpo̧ko̧tü̧rü̧ 'kua̧rü̧nä̧ esekuinü̧mä̧.

Colosenses 2:2

Kua̧mi̧so'kitukunä̧ esewächi'ü, ji̧nä̧ yo̧mȩtȩnä̧ repe'äkuäu, jo̧mȩnü̧ 'kukuächi'ünä̧ ku̧wo̧juä̧chä̧tu̧kua̧ pä'üsä. Ja̧'wa̧nü̧ jo̧mȩnä̧ Dio yä̧wȩi̧nä̧ u̧ju̧nä̧ri̧nü̧ ku̧wo̧jui̧päkuo̧tü̧jä̧. Jua̧u̧mä̧ Crito ja̧'a̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Efesios 2:4

Ja̧'wa̧nü̧ ja̧'a̧nä̧, Dio-mä̧ rȩrü̧jü̧ toäkuäwä i̧sa̧ ja̧'a̧ttü̧, ujuturu rü̧ȩnä̧ repeomȩttü̧,

Romanos 9:23

Jua̧u̧nu̧tä̧ mo̧ro̧ rü̧ȩnä̧ repeü'i̧nä̧ ja̧'wa̧ta̧nü̧ chutä ujuru'i̧nä̧ i̧jȩpi̧nü̧ ujuturu surojüttü tü̧ji̧pü̧nä̧ rä'epü ikuatü pä'ümä̧. Ä̧kuo̧mȩnä̧ttü̧tä̧ päi'ünä̧ ujuturu repe'inü̧ ja̧'wa̧nü̧ ja̧'a̧ttü̧ ȩmi̧nä̧u̧jä̧ chutäku tü̧ja̧kua̧ pä'ü.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Lucas 1:77

Jua'amä̧ kki̧'i̧kuä̧ wȩnȩ ttu̧wo̧jui̧pü̧nä̧ kuiya pä'ü, ja̧'wa̧ta̧nü̧ suronä̧ jȩttä̧'i̧jü̧ttü̧ rä'epü ikuatü pä'ü,

Apocalipsis 14:4

Pitümä̧, kkorotü ttü̧ä̧nä̧wo̧tü̧ yaparewätuku surojuottekuoka'a, suro ya̧tȩ Dio-rütä esetinä̧tü̧ ji̧na̧'a̧. Juätümä̧ o'katoi'ünä̧, oweja mü̧ä̧ya̧ jü̧nä̧ wa̧ i̧'cho̧mȩmä̧ o'ka'anä̧ 'chä̧tü̧ ji̧na̧'a̧. Juätümä̧, pi̧jä̧ ttü̧ja̧ ttü̧'kä̧tȩ jo̧mȩttü̧, surojüttü ȩmi̧nä̧u̧ ji̧na̧'a̧, ä̧kuo̧mȩnä̧ jäwä ofrenda, Dio-rü'i̧nä̧, oweja mü̧ä̧ya̧ jü̧nä̧ wa̧rü̧'i̧nä̧ iyäwä päi'ünä̧.

Efesios 1:6

Pa̧'a̧nü̧tä̧ jȩpi̧nü̧ Dio-mä̧ rü̧ȩnä̧ rȩrü̧jü̧ toü tesewarü pä'ümä̧, ja̧'wa̧nü̧ ja̧'a̧ttü̧ chutä I̧tti̧ repeäkunä̧ surojüttü kki̧'i̧kuä̧ iyinä̧u̧jä̧.

San Mateo 6:12

Ujuturu suronä̧ jȩpä̧tü̧rü̧, mikuä jȩtü̧ juiyüta'anü̧, suronä̧ jȩtä̧'i̧jü̧mä̧ mikuäwächünä̧mä̧ jȩ'kuä̧tü̧.

Romanos 3:25

Dio-mä̧, Crito-rü ukuoja erünä̧ jȩo̧mȩnä̧, eseku ikuäwä iya pä'ü iyinü̧. Jua̧u̧ eseku ikuäwämä̧ tta̧'kua̧ wȩnä̧rü̧tä̧ rȩbȩä̧kuä̧wä̧ ja̧'a̧. Ja̧'wa̧nü̧ jȩpü̧ Dio-mä̧, i̧jȩpi̧nä̧u̧jä̧ adiwä jueinä̧tä̧ pärotü ikumä̧, suronä̧ jȩtä̧'i̧jü̧, jȩpü̧ ikua'attü̧.

Efesios 1:8

Dio-tä rü̧ȩnä̧ iyinä̧u̧jä̧ wo̧juȩku̧nä̧ o'kajuiyünä̧ u̧wo̧jua̧'a̧ttü̧.

Efesios 1:14

Ujuturu Dio iya päinü̧mä̧ Jua̧u̧ Epíritu-nä̧ todepätüjä̧, o'katoi'ünä̧ ukutu u̧mü̧wä̧yotürü rä'epü ikuomȩbü päi'ünä̧. Ja̧'wa̧nü̧ jo̧mȩttü̧ Dio ü̧rü̧ä̧ esewätüjä̧.

Efesios 1:18

Ja̧'wa̧ta̧nü̧ jädepomȩnä̧mä̧, kua̧mi̧so'kituku'i̧nä̧ bawekuächünä̧ i̧tȩya̧u̧ kkä̧dȩpa̧ pä'ü jä'epüsä, tta̧tä̧rä̧'i̧jü̧mä̧ ji̧yȩja̧ ja̧'a̧ tä̧jí̧ pä'ü kkä̧nü̧ churutä esetätürü iäre i̧yä̧kuȩ ukuou'i̧nä̧ ku̧wo̧juä̧tu̧kua̧ pä'ü.