Apocalipsis 9:21 - Nuevo Testamento Uwotjüja

²¹ Juätümä̧ kuättäu'i̧nä̧, mä̧ri̧mü̧ jäwä jü̧ttü̧'i̧nä̧ kättädi'oka'a jȩpü̧ kka̧kui̧nä̧tü̧; ja̧'wa̧ta̧nü̧ nä̧u̧kuä̧rü̧tä̧ kka̧kui̧nä̧tü̧, nä̧tü̧ku̧, u̧mä̧tu̧ku̧ jȩpä̧'chä̧kuä̧u̧tä̧ kka̧kui̧nä̧tü̧.

TÄ̧DO Ä̧CUÄ̧ I̧HUȨNȨ

²¹ Ja̧'hua̧ta̧nö̧ ttö̧ja̧rö̧ cuä'ö icuähuä'inä, huarähuä'inä, nä̧tö̧rö̧ suronä jȩä̧cuä̧huä̧'i̧nä̧, nä̧u̧cuä̧rä̧cuä̧huä̧'i̧nä̧ jarotti'a pä'ö pärocuäcutä amöcuädocotö pi̧nä̧tö̧.

Apocalipsis 9:21 Referans Kwoze

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

Apocalipsis 17:5

juäju kki'änä̧mä̧ ttieruwuö wȩyu̧kua̧'a̧ rü̧tä̧ri̧nä̧ju̧: «Ukuo isomȩ Babironia ütawiyämä̧, pi̧jä̧ttü̧ ttidepä iyä'chäkuäwä'ijätü, o'katoi'ünä̧ surojünä̧ kkä̧'i̧jä̧tü̧ tta̧ju̧ ja̧'a̧» pä'a.

2 Corintios 12:21

Ja̧'wa̧ta̧nü̧ yȩ'ȩkua̧sä̧ pä'äjita'anü̧ ukuturu do'ächü chichomȩnä̧mä̧, chü̧ä̧nä̧wa̧ Dio-mä̧ ukutu jäwä dä'ä ttudunä̧ jȩü̧'a̧nü̧ wa̧sä̧ pä'ü ja̧'wa̧ta̧nü̧ chajuäu 'kua̧ra̧'a̧ pä'ü, mo̧ suronä̧ jȩ'kui̧nä̧tu̧ku̧mä̧ ji̧nä̧ käkuädi'ätukuoka'a jȩpü̧ ku̧ja̧kuä̧tu̧kua̧'a̧ topü, tti̧rȩkua̧mü̧ pokotüku pä̧wä̧rü̧jo̧mȩnä̧ jȩpä̧'chä̧kuä̧u̧ jȩ'kuä̧tu̧kua̧'a̧ topü.

Apocalipsis 17:2

Juäjuku jȩpä̧kuä̧wä̧'chü̧ surojuo'ächinä̧tü̧ pi̧jä̧nä̧ttü̧ ruwotümä̧ ja̧'wa̧ta̧nü̧ pi̧jä̧ ttü̧ja̧mä̧, juäju kkawoya, vino isoya au ttidepä iyä'chäkuäu tä̧'ä̧mä̧kuäwi̧nä̧tü̧.»

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

Apocalipsis 16:6

Isopäi'ünä̧ juätümä̧, ukú kui̧tti̧mü̧ surojü jui'ätürü, ja̧'wa̧ta̧nü̧ profeta winä̧tü̧rü̧'i̧nä̧ kuä'äu ikuinä̧tü̧, ja̧'wa̧nü̧ jȩtti̧nü̧ta'anü̧; ttukuoja ttawuönä̧ jȩ'kuä̧u̧.»

Apocalipsis 14:8

Ja̧'wa̧nü̧ päomȩnä̧, kka̧ra̧ á̧gȩ pä'inü̧: «Täkü ma̧ä̧chä̧ja̧'a̧, täkü ma̧ä̧chä̧ja̧'a̧, Babironia ütawiyä rü̧ä̧'i̧jo̧mȩmä̧, ruwäkuiyä pa̧ja̧ku̧nä̧ pi̧jä̧ ttü̧ja̧rü̧ kkorotü ttü̧ä̧nä̧wo̧tü̧rü̧ ttesetünä̧ yaparetä'ijümä̧.»

Gálatas 5:20

tätäwä o'ka esetäkuäwä'i̧nä̧, märipänä̧ kkä̧kuä̧wä̧; kkü'käwokü'i̧nä̧, rowäkuäwä'i̧nä̧, ä'kuoyäkuäwä'i̧nä̧, pä̧i̧'i̧nä̧, tturuwonä̧ rowäkuäu, 'kȩ'ȩkuä̧chä̧'chü̧ jȩpü̧'i̧nä̧,

San Mateo 15:19

Isopäi'ünä̧ tta̧mi̧so'kittütä räopa'a suronä̧ tta̧mü̧kuädümä̧, kuä'ü ikuäwämä̧, kkorotü ttü'käwinä̧u̧ku̧ jȩttä̧'chä̧kuä̧u̧mä̧, ttü'käwoko̧u̧ku̧ jȩttä̧'chä̧kuäu̧mä̧, ttünä̧u̧kuä̧rü̧mä̧, ttüyapareumä̧ ja̧'wa̧ta̧nü̧ ttürowäumä̧.

Apocalipsis 19:2

Isopäi'ünä̧ Jua̧u̧ adiwomȩnä̧ jȩü̧mä̧, jueünä̧tä̧, isopäi'ünä̧tä̧ ja̧'a̧; isopäi'ünä̧ kkidepä iyä'chäkuäu jȩpä̧'i̧jä̧ju̧, isaju büarümä̧ pi̧jä̧ ttü̧ja̧rü̧ surojuo'epinä̧ju̧ru̧mä̧; Dio umüwäyotü wa'ü ttikuinü̧ mikuäwächünä̧, juäjuru ro̧'ȩpä̧ji̧ Dio-mä̧.»

Apocalipsis 13:15

Dio-mä̧ ja̧'a̧tä̧ topinü̧ ä̧kuo̧mȩnä̧ i̧sa̧ büó betia pinü̧rü̧, juȩnȩ o'komȩnä̧ i̧sa̧mä̧ a̧'kua̧rü̧ iya pä'ü jȩa̧'a̧nä̧, i̧wȩnȩ ukuokuiyarü pä'ü. Jua̧u̧ ä̧kuo̧mȩnä̧ i̧sa̧, a̧'kua̧juä̧ isä'ka pä̧mä̧dü̧ esewokotürümä̧ kuä'äu ttikunä̧ we'inü̧.

Apocalipsis 13:13

Ttü̧ja̧ ttä'kattü, jȩtto̧kü̧ ja̧jü̧ juei, bäreu jȩpi̧nü̧, mo̧ro̧jä̧ra̧'a̧ttü̧ okurä pi̧jä̧ra̧'a̧ ma̧ü̧nä̧'i̧nä̧ jȩpi̧nü̧.

Apocalipsis 13:7

Ja̧'wa̧ta̧nü̧ Dio i̧tti̧mü̧rü̧ kurä rowäwuö kkȩdü̧ ikua'anä̧'i̧nä̧ ja̧'a̧tä̧ toinä̧ku̧. Ja̧'wa̧ta̧nü̧ ukuo iyäwi'inä̧ku̧ ttü̧ja̧ tti̧wȩnȩ pünä̧, ttidepiyu pünä̧, tti̧rȩjä̧ pünä̧ wea pä'ü'i̧nä̧.

Apocalipsis 9:20

Kkorotü ttü̧ja̧ pa̧'a̧nü̧ suroja'anä̧'i̧nä̧ to'e'ächokotü pinä̧tü̧mä̧, suronä̧ jȩttü̧ttü̧ kä'ädi'okotü pinä̧tü̧mä̧, ja̧'wa̧ta̧nü̧ ä̧wȩttü̧rü̧ tteseta'a kä'ädi'okotü pinä̧tü̧'i̧nä̧ ja̧'wa̧ta̧nü̧ oro-ttü'i̧nä̧, pärätättü'i̧nä̧, bro̧ce pättüttü'i̧nä̧, inä̧wiyättü'i̧nä̧, dauwiyättü'i̧nä̧, ä̧ju̧ku̧'i̧nä̧ ä̧ju̧kuo̧ko̧tü̧rü̧, topü'i̧nä̧ topokotürü ja̧'wa̧ta̧nü̧ kue'ächü'i̧nä̧ kue'ächokotü wotümä̧.

Apocalipsis 17:4

Juäju isajumä̧, púrpura pättü i̧sä̧ta̧, tu̧wä̧ta̧ 'ka̧tä̧wi̧nä̧ju̧, oro o'kittü'i̧nä̧, kkoro rü̧ȩnä̧ mikuäu, perlas pättüttü'i̧nä̧ a̧'kua̧tä̧kuä̧winä̧ju̧. Ja̧'wa̧ta̧nü̧ kku̧mü̧nä̧mä̧, oro-ttü a̧di̧kuo̧'ta̧ copa i̧so̧'ta̧ 'chu̧'ä̧ri̧nä̧ju̧, juo̧'ta̧ jakuämä̧ ȩki̧na̧'a̧ ttu̧su̧ro̧tü̧'i̧nä̧ ja̧'wa̧ta̧nü̧ ttidepä weü jȩpä̧'chä̧kuä̧u̧ kkä̧kuä̧wä̧'i̧nä̧, jü̧nä̧;