Apocalipsis 9:2 - Nuevo Testamento Uwotjüja

² Ja̧'wa̧nü̧ ja̧'a̧ juäju 'kuȩya̧ppa̧ jäjú bawepomȩnä̧, rü̧ȩnä̧ kuoä'u iso'uttü käepä'inü̧'a̧nü̧ isoppa käepina̧'a̧; ja̧'wa̧nü̧ käepomȩnä̧ mo̧ro̧ kkä̧wa̧'i̧nä̧, juättoppa'i̧nä̧ yo̧i̧'i̧na̧'a̧.

TÄ̧DO Ä̧CUÄ̧ I̧HUȨNȨ

² Ja̧u̧nu̧ o'ca'a, ja̧u̧ llavenä ba'epinö reju, yoröiso beipocoju. Jahuäju rejuttu, pan rö̧ȩnä̧ ȩttä̧huo̧mȩttö̧ ocurä isoppa räopa'a jä̧'i̧nö̧'a̧nö̧, ocurä isoppa räopina'a. Ja̧u̧ isoppattö, mo̧ro̧ kä̧hua̧'i̧nä̧, kä̧ru̧'coppa'inä yo̧i̧na̧'a̧.

Apocalipsis 9:2 Referans Kwoze

Hechos 2:19

Mo̧ro̧jä̧ra̧'a̧ttü̧mä̧ rü̧ȩnä̧ jü̧ tottünä̧ chi̧jȩpä̧kua̧sä̧; pi̧jä̧nä̧ttü̧mä̧: ttukuoja'i̧nä̧, okurä'i̧nä̧, ajiya isoppa'i̧nä̧ chi̧jȩpä̧kua̧sä̧.

Apocalipsis 14:11

Okurä isoppa usurä ttȩmä̧u̧nä̧ juoppamä̧ 'kuäopünä̧ mo̧ro̧ ji̧nü̧'a̧kuä̧ 'chawädina̧'a̧, i̧sa̧ büó betia-rü esetinä̧tü̧rü̧mä̧, jua̧u̧ a̧'kua̧juä̧ isä'kanä̧ ttiwe'kiyunä̧ pä̧mä̧dü̧ esewinätü̧rü̧mä̧ ja̧'wa̧ta̧nü̧ jua̧u̧ i̧mi̧ rutäwinä̧tü̧rü̧mä̧ mo̧ro̧'i̧nä̧, yodo'i̧nä̧ 'kuäopünä̧tä̧ usurä ttȩmä̧wä̧kuo̧tü̧.»

Apocalipsis 8:12

Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

Apocalipsis 9:17

Ja̧'wa̧ta̧nü̧ topinü̧sä̧, cabayu-tü̧nä̧ wȩjä̧tü̧ tta̧mü̧kanä̧mä̧ kuoräu tuwuö rü̧nä̧ri̧nä̧tü̧ okurä 'kua̧rü̧nä̧, zafiro pättü jä̧'i̧nü̧'a̧nü̧ ja̧'tu̧wi̧na̧'a̧ ja̧'wa̧ta̧nü̧ amarillo-nü̧ ji̧na̧'a̧ azufre jä̧'i̧nü̧'a̧nü̧. Cabayu̧-tü̧ ttumä̧ jojochäyu u jä̧'i̧nü̧'a̧nü̧ winä̧tü̧ ja̧'wa̧ta̧nü̧ ttättümä̧ räopina̧'a̧ okurä'i̧nä̧, okurä isoppa'i̧nä̧, azufre pättü'i̧nä̧, jü̧nä̧.

Apocalipsis 9:1

Ji̧mü̧tȩ jäwä i̧sa̧ á̧gȩ üäre trompeta ppüomȩnä̧, mo̧ro̧jä̧ra̧'a̧ttü̧ pi̧jä̧ra̧'a̧ku̧ ma̧'ä̧ji̧ siri'korü topinü̧sä̧; jua̧u̧ru̧, dȩa̧'a̧ku̧ 'kuȩya̧ppa̧ jäjú rejú llawi iyäwi'ina̧'a̧.

Apocalipsis 9:11

Juätü ttu̧ru̧wa̧mä̧, 'kuȩya̧ppa̧ jäjú á̧gȩ ji̧na̧'a̧, jua̧u̧ i̧mi̧ hebreo tti̧wȩnȩnä̧mä̧ «Abado̧,» mikuinü̧, ja̧'wa̧ta̧nü̧ griego tti̧wȩnȩnä̧mä̧ «Aporio̧» pä'ü mikuinü̧; Todärekue'ünä̧ ja̧'wa̧nü̧ pä'ümä̧ «Surojuo'epü iku» pä'ü, päwä ja̧'a̧.

Apocalipsis 16:10

Ja̧'wa̧ta̧nü̧ ji̧mü̧tȩ jäwä päi'ünä̧ wa̧ á̧gȩ üäre copa i̧so̧'ta̧ to'inü̧, i̧sa̧ büó betia uruwo dȩä̧kä̧nä̧; toomȩnä̧ jua̧u̧ uruwomä̧ yo̧ü̧nä̧tä̧ päi'ina̧'a̧. Ttü̧ja̧mä̧, rü̧ȩnä̧ ba̧ra̧wä̧u̧ tti̧nȩnä̧ yü̧yü̧pä̧kuä̧wi̧nä̧tü̧.