Apocalipsis 8:3 - Nuevo Testamento Uwotjüja

³ Jua̧u̧nu̧ o'ka'a kka̧ra̧ á̧gȩ ichi'inü̧ oro i̧so̧'ta̧ 'chu̧ä̧rä̧nü̧, incienso pättü a̧mȩu̧ rü̧ȩnä̧ ȩnä̧wi̧'i̧na̧'a̧ juo̧'ta̧nä̧, altar pättomȩ ä'ka kku̧nä̧wi̧'i̧na̧'a̧, Dio i̧tti̧mü̧ Dio-rü ttukuokuku yo̧mȩtȩnä̧ ppächi'ünä̧ ujuwa pä'ü.

TÄ̧DO Ä̧CUÄ̧ I̧HUȨNȨ

³ Ja̧u̧nu̧ o'ca'a, ka̧ra̧ ángel, koro juäi rö̧ȩnä̧ ameu ku icuähuo̧'ta̧, orottö adicuo̧'ta̧ 'chu̧'ä̧rö̧ ichinö. Diosrö ucuocuäcuähuodä ä'ca kä̧mä̧di̧nö̧. Ja̧u̧ru̧ rö̧ȩnä̧ ameu ttiyinäcu, o'ca toi'önä Dios i̧tti̧mö̧ ttucuocua'a ppä'ädö, Diosrö ucuocuäcuähuodänä, orottö adicuodänä, chutä i̧dȩä̧cä̧ ä'cattö ku icua pä'ö.

Apocalipsis 8:3 Referans Kwoze

Apocalipsis 5:8

ja̧'wa̧nü̧ juä'tä, jua̧u̧ ȩmo̧mȩnä̧, pa̧ja̧kuä̧nü̧ wotü a̧'kua̧rä̧tü̧mä̧ ja̧'wa̧ta̧nü̧ veitikuatro-nü̧ wotü a̧ci̧a̧nu̧tu̧mä̧ jua̧u̧tä̧ ä'kajo̧mȩ ttiwe'kiyunä̧ kka̧kuä̧mi̧nä̧tü̧. Juätü yotukunä̧ Arpa pättü 'chu̧'ä̧ri̧nä̧tü̧ ja̧'wa̧ta̧nü̧ copa pä̧ttä̧'ta̧ i̧so̧'ta̧ oro-ttü a̧di̧kuo̧'ta̧nä̧ incienso pättü su̧'pȩnü̧ ȩki̧na̧'a̧, jua̧u̧mä̧ Dio i̧tti̧mü̧ Dio-rü ttukuokuä'ijü ji̧na̧'a̧.

Apocalipsis 8:4

Ja̧'wa̧nü̧ ja̧'a̧ incienso pättü a̧mȩu̧ isoppamä̧, á̧gȩ u̧mü̧ttü̧ Dio ü̧jo̧mȩku̧ 'chawädina̧'a̧, Dio i̧tti̧mü̧ Dio-rü ttukuokuku yo̧mȩtȩnä̧.

San Lucas 1:10

Ja̧'wa̧nü̧ incienso pättü ujuwa'anä̧mä̧, o'katoi'ünä̧ ttü̧ja̧mä̧ u̧mi̧nä̧ Dio-rü ukuoku kka̧kui̧nä̧tü̧.

Apocalipsis 9:13

Kko̧ro̧mü̧ttü̧nü̧ i̧sa̧ á̧gȩ iäre trompeta ppüomȩnä̧. Dio ä'ka jo̧mȩ, Altar pättomȩ oro jü̧ttü̧, i̧sa̧ u o̧na̧ pa̧ja̧kuä̧nü̧ jü̧ttü̧ i̧wȩnȩ rä̧mi̧pa̧'a̧ ä̧ju̧kui̧nü̧sä̧.

Hebreos 9:4

juo̧ka̧nä̧ kki̧na̧'a̧: Incienso pättü kku̧wä̧wä̧ka̧, oro-ttü adikuä̧ka̧; ja̧'wa̧ta̧nü̧ kki̧na̧'a̧, Esekuinü̧ Ȩko̧ka̧, oro-ttütä poünä̧ tu'epü adikuo̧ka̧. Juo̧ka̧ jakuämä̧ jua'a yabo oro-ttü a̧di̧kuä̧yü̧nä̧ ȩki̧na̧'a̧, maná pättinü̧'i̧nä̧. Juo̧ka̧ Esekuinü̧ Ȩko̧ka̧nä̧mä̧ ȩki̧na̧'a̧ Aaro̧ itta'ka bawipinä̧'ka'i̧nä̧ ja̧'wa̧ta̧nü̧ weäwä wȩnȩ i̧nä̧ obinä̧ wȩyu̧kuä̧'i̧nä̧, jü̧nä̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Romanos 8:34

¿Ditä jä̧kua̧'a̧jä̧ttü̧ ubara ttuttunä̧ ro̧ȩpä̧kua̧mä̧? Crito ya̧tȩtä̧ ja̧'a̧ 'korujuo'ächinü̧'ka̧, tto'ächinü̧mä̧ ja̧'wa̧ta̧nü̧ Dio u̧wo̧jua̧'a̧ku̧nä̧ pä̧nü̧, ujutu tütü'kü ppä'ädü jä'epümä̧ 'kuäopünä̧.

Apocalipsis 7:2

Ja̧'wa̧ta̧nü̧ kka̧ra̧ á̧gȩ-rü̧, kkä̧wa̧ räopa'akuttü, kkü̧ Dio üäre sello pättü pȩjä̧ku̧ icha'a topinü̧sä̧; Jua̧u̧mä̧ kkorotü pa̧ja̧kuä̧nü̧ wotü á̧gȩrȩ-rü pä̧i̧ku̧nä̧ wopinü̧, pi̧jä̧nä̧'i̧nä̧, rü̧ä̧ duboranä̧'i̧nä̧ surojuottepa pä'ü ttujuru i̧yä̧wi̧'i̧nä̧u̧ru̧:

Apocalipsis 6:9

Ja̧'wa̧ta̧nü̧ oweja mü̧ä̧ya̧ jü̧nä̧ wa̧ ji̧mü̧tȩ jäwä sello bawepomȩnä̧, Altar pättomȩ dȩa̧'a̧ku̧ kka̧kuä̧tü̧rü̧ topinü̧sä̧, Dio i̧wȩnȩ jittäwiyä̧u̧, weinü̧nä̧ ttü̧ja̧kui̧yä̧u̧ kuä'äu ttikuinä̧u̧ru̧.

Apocalipsis 10:1

Kka̧ra̧ á̧gȩ-rü̧ ujuruku mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, kkä̧rü̧'koppa jakuänä̧; unä̧mä̧ wäyurobü kki̧na̧'a̧. I'ämä̧ kkä̧wa̧ 'kua̧ri̧nü̧ ja̧'wa̧ta̧nü̧ i̧jä̧pi̧yä̧mä̧ okurä 'kua̧ri̧na̧'a̧.

Apocalipsis 8:5

Ja̧'wa̧nü̧ ja̧'a̧ á̧gȩ-mä̧ incienso pättü a̧mȩu̧ ȩko̧'ta̧ ȩmo̧po̧'ü̧, altar wä̧mȩttü̧ okurä isäsa ȩni̧nü̧ su̧'pȩ päi'ünä̧, ȩnä̧ji̧'ka̧ rȩjȩra̧'a̧ do'opü ikuomȩnä̧; dina̧na̧ päi'a'attü, wottü'i̧nä̧ rä̧mi̧pa̧'a̧ttü̧, ku'upä'i̧nä̧ ürowa'attü, rȩjȩ'i̧nä̧ ttü̧ȩpi̧na̧'a̧.

Apocalipsis 14:18

Ja̧'wa̧ta̧nü̧ kka̧ra̧ á̧gȩ, altar pättomȩttü̧ rä'o'inü̧, okurä jäwänä̧ ujuru kku̧nä̧rü̧, jua̧u̧mä̧ hoz pättäkä so̧ä̧kä 'chu̧'ä̧rü̧rü̧ pä̧i̧ku̧nä̧ pä'inü̧: «Kuiärekä hoz pättäkä soäkänä̧ 'kui'opi, pi̧jä̧nä̧ttü̧ uwa a̧mȩmä̧ täkü jo̧mȩnü̧ ja̧'a̧, jua̧u̧ kku̧nä̧wä̧ pättiyuttümä̧.»