Apocalipsis 8:2 - Nuevo Testamento Uwotjüja

² Ja̧'wa̧nü̧ ja̧'a̧ topinü̧sä̧, kko̧ro̧mü̧ttü̧nü̧ ta̧ju̧ á̧gȩrȩ-rü, Dio ä'kajo̧mȩ kka̧kuä̧tü̧rü̧; juätürü iyäwi'ina̧'a̧ yotukunä̧rü̧ ji̧yȩtȩ trompeta pünä̧.

TÄ̧DO Ä̧CUÄ̧ I̧HUȨNȨ

² Ja̧u̧nu̧ o'ca'a, ko̧ro̧mö̧ttö̧nö̧ ta̧ju̧nu̧ ángeles Dios ä'ca jo̧mȩ ttö̧ja̧cua̧'a̧ topinösä. Jahuätörö ko̧ro̧mö̧ttö̧nö̧ todäre trompetas ttiyinä̧u̧.

Apocalipsis 8:2 Referans Kwoze

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

San Lucas 1:19

Päomȩnä̧ á̧gȩ-mä̧ ädätinä̧ku̧: —Ttümä̧ Gabrie pä'ü mi̧kua̧sä̧, Dio ä'ka jo̧mȩ aditüsä; ja̧'wa̧nü̧ ja̧'a̧ttü̧ ukuru pi̧yȩ adiwäjuei jareü wȩnȩ jidäwa pä'ü weäwi'äjäkusä.

Apocalipsis 8:6

Ja̧'wa̧nü̧ päi'omȩnä̧, kko̧ro̧mü̧ttü̧nü̧ ta̧ju̧ A̧gȩrȩ-mä̧, trompeta 'chu̧'ä̧rä̧tü̧mä̧ kkä̧mä̧dü̧ ppü'inä̧tü̧.

San Mateo 18:10

Pitü ppo̧'ä̧tü̧ttü̧ ya̧tȩrü̧'i̧nä̧ kuju'kätukuoka'amä̧ jȩ'kuä̧'chä̧tu̧kuä̧; juätümä̧ mo̧ro̧jä̧ra̧'a̧ttü̧ A̧gȩrȩ-mä̧ tta̧'a̧rä̧tü̧ 'kuäopünä̧tä̧.

Apocalipsis 16:1

Ja̧'wa̧ta̧nü̧ ji̧yȩtȩ, Dio ü̧jo̧dettü pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧, jua̧u̧mä̧ sietenü̧ wotü á̧gȩrȩ-rü pä'inü̧: «jua̧u̧ kko̧ro̧mü̧ttü̧nü̧ to̧'ta̧rȩ, copa pättü o̧'ta̧nä̧ aku Dio ü̧ra̧wä̧rü̧ rȩjȩra̧'a̧ to'äjätukui.»

Apocalipsis 15:1

Ja̧'wa̧ta̧nü̧ topinü̧sä̧, mo̧ro̧jä̧nä̧ kkoro rü̧ȩnä̧ jü̧ adiwä juäi i̧jȩkuä̧cha̧'a̧: kko̧ro̧mü̧ttü̧ ta̧ju̧nü̧ wotü á̧gȩrȩ-tü̧; juätümä̧ kko̧ro̧mü̧ttü̧ todäre jäwä rüjí mo̧ro̧ usurä ȩmä̧kuä̧wä̧kuȩku̧ kka̧kui̧nä̧tü̧; jua̧u̧nä̧tä̧ Dio ü̧ra̧wä̧rü̧mä̧ jo̧mȩnü̧ beipächäkua'a ji̧na̧'a̧.

San Mateo 24:31

Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

San Lucas 21:36

Ja̧'wa̧nü̧ ja̧'a̧ttü̧, kuä'i'oka'a 'kuäopünä̧ Dio-rü ukuokui, pi̧yȩ 'kuäopä̧kuȩttü̧ kujuruku kki̧'i̧pü̧, ubo I̧tti̧ ä'ka jo̧mȩ kui̧jȩkuä̧kua̧'a̧nü̧.

1 Corintios 15:52

Jurunä̧tä̧, tti'äre yȩbi̧ päi'a'attü, trompeta rüjí rä̧mi̧po̧mȩnä̧, wa'ü ikuinä̧tü̧mä̧ wa'ü ikuäwokünä̧ ttottächi'äkuotü. Ja̧'wa̧nü̧ ja̧'a̧nä̧ ujutumä̧ ti'ärowächi'äkuotüjä̧.

1 Tesalonicenses 4:16

Chutä Tu̧ru̧wa̧tä̧ mo̧ro̧jä̧ra̧'a̧ttü̧ i̧wȩnȩku̧ we'ünü̧, Á̧gȩrȩ-tü̧ ttu̧ru̧wa̧ i̧wȩnȩku̧ ja̧'wa̧ta̧nü̧ Dio we'äwotü ttiäre trompeta rä̧mi̧pü̧nä̧ i̧mȩyȩwä̧kua̧. Ja̧'wa̧nü̧ päi'omȩnä̧, Crito-nä̧ 'korujuo'ächinä̧tü̧mä̧, ä̧kuo̧mȩnä̧ ttottächipäkuotü;

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

Apocalipsis 8:13

Jua̧u̧ o'komȩ päi'omȩ tochomȩnä̧, ya̧tȩ mo̧ro̧jä̧nä̧ á̧gȩ ko̧'ä̧rü̧ pä̧i̧ku̧nä̧ woa'a ä̧ju̧kui̧nü̧sä̧: «¡Isottü̧, isottü̧, ukutu pi̧jä̧ ttü̧ja̧we, kkorotü wä̧mȩtukuä á̧gȩrȩ ji̧nä̧ trompeta ppütta pä'ü juiya'a!» pä'inü̧.

Apocalipsis 9:1

Ji̧mü̧tȩ jäwä i̧sa̧ á̧gȩ üäre trompeta ppüomȩnä̧, mo̧ro̧jä̧ra̧'a̧ttü̧ pi̧jä̧ra̧'a̧ku̧ ma̧'ä̧ji̧ siri'korü topinü̧sä̧; jua̧u̧ru̧, dȩa̧'a̧ku̧ 'kuȩya̧ppa̧ jäjú rejú llawi iyäwi'ina̧'a̧.