Apocalipsis 7:13 - Nuevo Testamento Uwotjüja

¹³ Ja̧'wa̧nü̧ ja̧'a̧, a̧ci̧a̧nu̧tu̧ttü̧ ya̧tȩ ttürü jä'epü ä̧ju̧kui̧nü̧: «Jitüja ttü̧'ka̧tä̧wä̧ti̧yu̧ teü 'ka̧tä̧wä̧tü̧mä̧ ¿titü juo'otüjä̧ttü̧, torü ichinä̧tü̧jä̧ttü̧?»

TÄ̧DO Ä̧CUÄ̧ I̧HUȨNȨ

¹³ Ja̧'hua̧ ja̧'a̧ ya̧tȩ anciano hua̧ ttörö jä'epinö: —Jitöjamä, teönä 'ca̧tä̧huä̧tö̧mä̧, ¿titöjä̧ttö̧? ¿Tottö ttichäjättö?

Apocalipsis 7:13 Referans Kwoze

Apocalipsis 7:9

Pi̧yȩ jä̧ji̧ o'ka'a topinüsä̧, ttü̧ja̧ rekuätü pa̧ja̧kuä̧ juiyünä̧ wotürü, tti̧rȩji̧yä̧ pünä̧, tti̧wȩnȩ pünä̧, ttawaruwä pünä̧, ruwo dȩä̧kä̧ ä'ka jo̧mȩ, oweja mü̧ä̧ya̧ wa̧ ä'ka jo̧mȩ ttü̧ja̧kua̧'a̧ ttü̧'ka̧tä̧wä̧ti̧yu̧ teü rü̧jä̧u̧ru̧ ja̧'wa̧ta̧nü̧ ttu̧mü̧nä̧mä̧ ojiyä 'chu̧'ä̧ri̧nä̧tü̧.

Apocalipsis 4:10

Veintikuatro-nü̧ wotü a̧ci̧a̧nu̧tu̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧ ttiwe'kiyunä̧ pȩjä̧mä̧kuä̧u̧ esewinä̧tü̧, ttünä̧ kka̧ku̧ püttäwä corona pättü'i̧nä̧, uruwo deäkä ä'ka jo̧mȩ iku pä'inä̧tü̧:

Apocalipsis 5:11

Jua̧u̧nu̧ o'ka'a tochomȩnä̧, á̧gȩrȩ-tü̧ rekuätü tti̧wȩnȩ rä̧mi̧pa̧'a̧ ä̧ju̧kui̧nü̧sä̧, ruwo deäkä sobükuächünä̧, ja̧'wa̧ta̧nü̧ a̧'kua̧rä̧tü̧rü̧'i̧nä̧, a̧ci̧a̧nu̧tu̧ru̧'i̧nä̧, jü̧nä̧. Pa̧ja̧kuä̧ juiyünä̧ rekuinä̧tü̧, millones, millones jo̧mȩnä̧,

Apocalipsis 5:5

Ja̧'wa̧nü̧ chajawiyäku, a̧ci̧a̧nu̧tu̧ttü̧ ya̧tȩ päinä̧ku̧sä̧: «Täkü yabonü̧mä̧ kuajuäwä, Judá isotü i̧sa̧, León pättäku, Dawi i̧tti̧mü̧ isotü i̧sa̧, surojü abo 'kuä'o'inü̧tä̧ ja̧'a̧ juä'tä kuyäru'tä ba'epü'i̧nä̧, kko̧ro̧mü̧ttü̧nü̧ todäre jo̧mȩnä̧ jü̧ sello pättü'i̧nä̧ jȩpü̧ i̧kuä̧kua̧mä̧.»

Apocalipsis 4:4

Ja̧'wa̧ta̧nü̧ topinü̧sä̧ juäkä, ruwo deäkä jäyänämä̧, kkoro ruwo dȩä̧ki̧yä̧ kka̧kua̧'a̧ veintikuatro-nü̧ jo̧mȩnä̧, jua̧u̧ okänä̧mä̧ Veintikuatro-nü̧ wotü A̧ci̧a̧nu̧tu̧, pȩji̧nä̧tü̧, ttü̧'ka̧tä̧wä̧ti̧yu̧ te'ätü, ttünä̧mä̧ oro jäwä corona pättü wȩnä̧rä̧tü̧.

San Juan 7:28

Ja̧'wa̧nü̧ ttukuokua'a ä̧ju̧ku̧, Jesú-mä̧ pä̧i̧ku̧nä̧ päinä̧u̧: ¡Ye isopäi'ünä̧ ttürümä̧, chichinomȩ'i̧nä̧, ttürütä'i̧nä̧ wo̧juä̧tü̧jä̧!; cha̧mü̧nä̧ pa̧ja̧tü̧ amükuädümä̧ ichokü pinü̧sä̧, ttürü we'inü̧mä̧ isopäi'ünä̧ wa̧, jua̧u̧ru̧mä̧ ukutumä̧ jerupätüjä̧.

Hechos 3:12

Peduru-mä̧, ja̧'wa̧nü̧ jȩtta̧'a̧ topü ttü̧ja̧rü̧ pä'inü̧: ¿Irae ttü̧ja̧, tta̧'a̧nü̧ pä'ü, to̧o̧ to̧'kuä̧rä̧tu̧kua̧'a̧jä̧ttü̧ pi̧yȩ tü'kümä̧? ¿tta̧'a̧nü̧ pä'ü, ujuturu to̧'kuä̧rä̧tu̧kua̧'a̧jä̧ttü̧, ujutu tujurunä̧, adiu jȩpä̧tü̧ jü̧nä̧ piderü kueächünä̧ jȩtä̧ja̧'a̧ 'kua̧rü̧nä̧?

Apocalipsis 3:4

Ja̧'wa̧nü̧ ja̧'a̧nä̧, juȩnȩ Sadinä̧ ttü̧'ka̧tä̧wä̧ti̧yu̧ iditäkuäwokotürü kku̧nä̧rü̧jä̧; ja̧'wa̧nü̧ ja̧'a̧ttü̧ juätümä̧ ttüku ttü̧'ka̧tä̧wä̧ti̧yu̧ teünä̧ 'ka̧tä̧wi̧'ü̧ kuettächäkuotü, juätümä̧ isó juo'epinä̧tü̧ ja̧'a̧ttü̧.