Apocalipsis 6:9 - Nuevo Testamento Uwotjüja

⁹ Ja̧'wa̧ta̧nü̧ oweja mü̧ä̧ya̧ jü̧nä̧ wa̧ ji̧mü̧tȩ jäwä sello bawepomȩnä̧, Altar pättomȩ dȩa̧'a̧ku̧ kka̧kuä̧tü̧rü̧ topinü̧sä̧, Dio i̧wȩnȩ jittäwiyä̧u̧, weinü̧nä̧ ttü̧ja̧kui̧yä̧u̧ kuä'äu ttikuinä̧u̧ru̧.

TÄ̧DO Ä̧CUÄ̧ I̧HUȨNȨ

⁹ Chutä Cordero koro ji̧mö̧tȩ jähuä jo̧mȩnä̧ sello jȩpö̧ icuomenä, Diosrö ucuocuäcuähuodä dȩa̧'a̧, Dios i̧huȩnȩ ji'ähuinätö tta̧'cua̧ru̧hua̧rö̧ topinösä. Jahuätörö, Dios i̧huȩnȩ jittähua'attö cuä'ö tticuinä̧u̧.

Apocalipsis 6:9 Referans Kwoze

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

San Juan 16:2

Sinagogas odewiyättü rä'epe'ü ttikuäkuä̧u̧jä̧ ja̧'wa̧ta̧nü̧ ji̧yȩtȩ mo̧ro̧ ichäkua'a, ukuturu kuä'ü ikumä̧, Dio-rü eseu jȩpü̧sä̧ pättü mo̧ro̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

Apocalipsis 16:7

Ja̧'wa̧ta̧nü̧ altar pättomȩttü̧, rä̧mi̧pa̧'a̧ ä̧ju̧kui̧nü̧sä̧: «A̧ Chu̧ru̧wa̧, isopäi'ünä̧, ukumä̧ adiwomȩnä̧ jȩpü̧jä̧, Dio o'kajuiyünä̧ kujuru kku̧nä̧rü̧ kua'attü̧, isopäi'ünä̧tä̧, jueünä̧tä̧ jȩpü̧jä̧.»

Apocalipsis 14:18

Ja̧'wa̧ta̧nü̧ kka̧ra̧ á̧gȩ, altar pättomȩttü̧ rä'o'inü̧, okurä jäwänä̧ ujuru kku̧nä̧rü̧, jua̧u̧mä̧ hoz pättäkä so̧ä̧kä 'chu̧'ä̧rü̧rü̧ pä̧i̧ku̧nä̧ pä'inü̧: «Kuiärekä hoz pättäkä soäkänä̧ 'kui'opi, pi̧jä̧nä̧ttü̧ uwa a̧mȩmä̧ täkü jo̧mȩnü̧ ja̧'a̧, jua̧u̧ kku̧nä̧wä̧ pättiyuttümä̧.»

Apocalipsis 1:2

Ja̧'wa̧nü̧ ji̧na̧'a̧ttü̧ jua̧u̧ Ju̧a̧-mä̧ toinü̧mä̧ jueünä̧tä̧ ji'äwinü̧, Dio Jesucrito-nä̧ jiäwinü̧ wȩnȩmä̧.

Filipenses 1:23

Todärekue'ü rekuä rü̧jä̧ku̧sä̧, ji̧yȩtȩmä̧, Crito-ku chü̧ja̧ pä'ü, 'korujuodächa päda'anä̧, jua'amä̧ kkorottü'i̧nä̧ abonä̧nü̧ adiwa'attü̧;

2 Corintios 5:8

Ja̧'wa̧nü̧ ja̧'a̧ttü̧, teseäkuäwätukua pi̧yȩ tidepä ikuipü; pärokuänä̧ Tu̧ru̧wa̧ku̧tä̧ tü̧ja̧kua̧ päta'attü̧.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

Apocalipsis 8:3

Jua̧u̧nu̧ o'ka'a kka̧ra̧ á̧gȩ ichi'inü̧ oro i̧so̧'ta̧ 'chu̧ä̧rä̧nü̧, incienso pättü a̧mȩu̧ rü̧ȩnä̧ ȩnä̧wi̧'i̧na̧'a̧ juo̧'ta̧nä̧, altar pättomȩ ä'ka kku̧nä̧wi̧'i̧na̧'a̧, Dio i̧tti̧mü̧ Dio-rü ttukuokuku yo̧mȩtȩnä̧ ppächi'ünä̧ ujuwa pä'ü.

2 Timoteo 4:6

Ttümä̧, täkü Sacrificio jü̧nä̧ ttiya pä'ütä wa̧sä̧; 'koru juodächä̧kuȩ hora-mä̧ täkü tü'küwächa'a.

Apocalipsis 9:13

Kko̧ro̧mü̧ttü̧nü̧ i̧sa̧ á̧gȩ iäre trompeta ppüomȩnä̧. Dio ä'ka jo̧mȩ, Altar pättomȩ oro jü̧ttü̧, i̧sa̧ u o̧na̧ pa̧ja̧kuä̧nü̧ jü̧ttü̧ i̧wȩnȩ rä̧mi̧pa̧'a̧ ä̧ju̧kui̧nü̧sä̧.

Filipenses 2:17

Ja̧'wa̧ta̧nü̧ chukuoja sacrificio jü̧nä̧, altar pättomȩ tta̧'kua̧ wȩnä̧rü̧ ofrenda jü̧nä̧ ririäkuäwächünä̧ jȩtta̧ja̧ pä'ü'i̧nä̧, esewajüsä ukutu kua̧'kua̧ ku̧wȩnä̧rä̧tu̧ku̧ ukutuku chesewa pä'üsä.

Hebreos 12:23

ja̧'wa̧ta̧nü̧ Dio ä̧kuo̧mȩnä̧ i̧tti̧mü̧, mo̧ro̧jä̧nä̧ wȩyu̧kuo̧tü̧ ttü̧ja̧kuo̧mȩku̧. Tü'küpächi'inä̧tü̧jä̧ Dio-rü, Juez jü̧nä̧ o'katoi'ünä̧rü̧ wa̧ ü̧jo̧mȩku̧ ja̧'wa̧ta̧nü̧ Dio adiunä̧ juoepinä̧u̧ epíritu-tu̧ ttü̧ja̧kuo̧mȩku̧.