Apocalipsis 6:8 - Nuevo Testamento Uwotjüja

⁸ Päku, tochomȩnä̧ ya̧tȩ cabayu amarillo wa̧ kki̧nü̧ ja̧'wa̧nü̧ ja̧'a̧ jua̧u̧nä̧ wuö̧mä̧, wa'are pä'ü mikuinü̧. Jua̧u̧ru̧mä̧ wa'are reju ru̧ä̧ri̧na̧'a̧: Jua̧u̧ru̧ ujuru iyäwi'inä̧ku̧ pi̧jä̧ rȩjȩttü̧ o'kajuiyünä̧ tü'küwächi'ünä̧nü̧ kuä'äu ikua pä'ü, kurodiyänä̧'i̧nä̧, ppäinä̧'i̧nä̧, märicheinä̧'i̧nä̧ ja̧'wa̧ta̧nü̧ isotünä̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

⁸ Tochomenä, ka̧ra̧ caballo tu'unänö hua̧rö̧ topinösä. Ja̧u̧ caballorö huä̧mä̧di̧nö̧mä̧, 'Corupäi'äcuähuä pä'ö mi̧cui̧nö̧. Chutä o'ca'anä hua'are huattome tta̧huä̧rä̧cuä̧huä̧ i̧sa̧ ichinö. Ujuru ttiyinäcu pi̧jä̧ ttö̧ja̧ttö̧, ju'tome cuä'ö icua pä'ö, rohuäcuähuättö'inä, ppäi ttuähuättö'inä, märicheittö'inä, pi̧jä̧ isotö päicuätöttö'inä.

Apocalipsis 6:8 Referans Kwoze

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

Apocalipsis 9:18

Pi̧jä̧ ttü̧ja̧mä̧, o'katoi'ünä̧ päi'a pä'ümä̧ a̧'u̧ku̧nä̧tä̧ toünä̧ jo̧mȩnä̧ to'e'inä̧tü̧ jua̧u̧ okurättümä̧, jua̧u̧ okurä isoppattümä̧ ja̧'wa̧ta̧nü̧ jua̧u̧ azufre pättüttümä̧.

Apocalipsis 9:15

Ja̧'wa̧nü̧ ja̧'a̧ttü̧, juätü pa̧ja̧kuä̧nü̧ A̧gȩrȩ-mä̧ ejädü ikuinä̧u̧, pi̧jä̧nä̧ kka̧kuä̧tü̧ ttü̧ja̧rü̧ o'katoi'ünä̧ päi'a pä'ümä̧ a̧'u̧ku̧nä̧tä̧ juiyünä̧ päi'ünä̧ kuä'äu ttikua pä'ü. Jua'amä̧, ä̧tȩkuä̧nä̧ jua̧u̧ hora päi'omȩnä̧, mo̧ro̧ päi'omȩnä̧, kkä̧wa̧ päi'omȩnä̧ ja̧'wa̧ta̧nü̧ año päi'omȩnä̧ pätetü u̧ju̧ni̧nä̧u̧ ji̧na̧'a̧.

1 Corintios 15:55

¿Wa'are kui̧wi̧ra̧ri̧ ujurumä̧ ti̧yȩjä̧ttü̧? ¿ukú, wa'are reju kujurumä̧ ti̧yȩjä̧ttü̧?

San Mateo 11:23

Ja̧'wa̧ta̧nü̧ uku Cafarnaúm-mä̧, mo̧ro̧jä̧bü päi'ünä̧ ä̧rä̧mü̧jä̧, ja̧'wa̧nü̧ ja̧'a̧nä̧, wa'inä̧tü̧ tti̧rȩjä̧ra̧'a̧bü kki'opü ikuäwäkua̧jä̧. Isopäi'ünä̧ Sodoma ütawiyättü jȩtto̧kü̧ juei jȩtti̧nü̧ttü̧mä̧ jitä pi̧yȩ mo̧ro̧bü päi'ünä̧ kka̧ja̧'a̧ jua̧u̧ ütawiyämä̧.

Apocalipsis 12:4

Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

San Mateo 24:7

Ja̧'wa̧nü̧ ja̧'a̧nä̧'i̧nä̧ kko̧ro̧jä̧ ttü̧ja̧mä̧ kko̧ro̧jä̧ ttü̧ja̧ku̧ ttürowäwäkuotü ja̧'wa̧ta̧nü̧ kko̧ro̧jä̧ ruwotümä̧ kko̧ro̧jä̧ ruwotüku ttürowäwäkuotü; ja̧'wa̧ta̧nü̧ ppäi ttuttäkuotü, rȩjȩ'i̧nä̧ tti̧'ȩpü̧ pparächäkua'a, kkara'a pünä̧mä̧.