Apocalipsis 5:13 - Nuevo Testamento Uwotjüja

¹³ Ja̧'wa̧ta̧nü̧ o'katoi'ünä̧ Dio uwäbe'inä̧u̧mä̧, mo̧ro̧jä̧nä̧ttü̧'i̧nä̧, pi̧jä̧nä̧ttü̧'i̧nä̧, pi̧jä̧nä̧ dȩa̧'a̧ttü̧'i̧nä̧, rü̧ä̧ duborattü'i̧nä̧, kka̧ku̧mä̧ o'kajuiyütä pättü rä̧mi̧pa̧'a̧ ä̧ju̧kui̧nü̧sä̧: «¡Ruwo deäkänä̧ pü̧rü̧, oweja mü̧ä̧ya̧ jü̧nä̧ wa̧rü̧, Tteseäkuäwarü pä'ütä, ttukuotarü pä'ütä, ja̧'a̧ uruwo üadiwämä̧, mo̧ro̧ kki̧ä̧mü̧nä̧! ja̧'a̧ttü̧».

TÄ̧DO Ä̧CUÄ̧ I̧HUȨNȨ

¹³ Ja̧'hua̧ta̧nö̧ o'ca toi'önä Dios aditinä̧u̧, mo̧ro̧jä̧nä̧ ka̧cuä̧tö̧'i̧nä̧, pi̧jä̧nä̧ ka̧cuä̧tö̧'i̧nä̧, pi̧jä̧ dȩa̧'a̧nä̧ ka̧cuä̧tö̧'i̧nä̧, ajehuiyänä ka̧cuä̧tö̧'i̧nä̧ pätta'a ä̧ju̧cui̧nö̧sä̧. Jahuätö pä'inätö: Chutä i̧dȩä̧cä̧nä̧ pö̧rö̧'i̧nä̧, chutä Corderorö'inä o'ca juiyönä eseäcuähuä'inä, ucuotäcuähuä'inä, eseunu ucuocuäcuähuä'inä, ujuru'inä ttiyö'a̧nö̧ ja̧'a̧, 'cuäopönä.

Apocalipsis 5:13 Referans Kwoze

Filipenses 2:10

Jua'amä̧ Jua̧u̧ Jesú ä'ka jo̧mȩmä̧ o'katoi'ünä̧ ttiwe'kiyunä̧ ttü̧ja̧kuä̧ma̧ pä'ü, mo̧ro̧jä̧ra̧'a̧ttü̧'i̧nä̧, pi̧jä̧nä̧ttü̧'i̧nä̧ ja̧'wa̧ta̧nü̧ pi̧jä̧ dȩa̧'a̧nä̧ttü̧'i̧nä̧, jü̧nä̧.

Apocalipsis 5:3

Ja̧'wa̧nü̧ ja̧'a̧nä̧, mo̧ro̧jä̧nä̧'i̧nä̧, pi̧jä̧nä̧'i̧nä̧, pi̧jä̧ dȩa̧'a̧nä'i̧nä̧ yoriso toina̧'a̧ kuyäru'tä bawepü'anü̧'i̧nä̧, toü'anü̧'i̧nä̧ wa̧mä̧.

Apocalipsis 5:12

ja̧'wa̧nü̧ ja̧'a̧ pä̧i̧ku̧nä̧ pä'inä̧tü̧: ¡Oweja mü̧ä̧ya̧ jü̧nä̧, usurä ȩmä̧u̧ to'e'ächinü̧tä̧ ja̧'a̧, ruwo ujuru'i̧nä̧, pärätä'i̧nä̧, wo̧juä̧wä̧'i̧nä̧, ttesewarü pä'ü'i̧nä̧, üadiwä ra̧tta̧rü̧ pä'ü'i̧nä̧ wa̧mä̧!

Romanos 11:36

Isopäi'ünä̧ Dio-ttü ichinü̧tä̧ ja̧'wa̧ta̧nü̧ Chutä aditäwätä ja̧'wa̧ta̧nü̧ Chutä üäre ja̧ pä'ü o'kajuiyünä̧ aditinü̧tä̧ ja̧'a̧mä̧. ¡Jua̧u̧ Dio-rütä tesewarü, pä'ütä ja̧'a̧, mo̧ro̧ kki̧ä̧mü̧nä̧! Amȩ́ (ja̧'wa̧nü̧tä̧ ja̧'a̧).

1 Pedro 5:11

Ruwomä̧ ukutä jäwä ja̧'a̧ 'kuäopünä̧tä̧. Amȩ́.

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

Apocalipsis 6:16

Ja̧'wa̧nü̧ jȩpü̧, müä'kiyurü'i̧nä̧, inä̧wiyärü'inä̧ pä'inä̧tü̧: ¡Ujutu tu̧wä̧mȩ, ma̧'ä̧mi̧tü̧, ruwo deäkänä̧ pü̧ toü juiyatü ja̧'wa̧ta̧nü̧ oweja mü̧ä̧ya̧ jü̧nä̧ wa̧ ro̧ȩpü̧ juiyatü!

Judas 1:25

Chutä, Dio ya̧tȩrü̧tä̧, Jesucrito-nä̧ ujuturu surojüttü rä'epü ikuinü̧rü̧, eseäkuäu tiyätukua gloria pättü'i̧nä̧, Chutä ukuo jäwä'i̧nä̧, mo̧ro̧ kki̧ä̧mü̧nä̧. Amȩ́.

Romanos 16:27

Ja̧'wa̧nü̧ ji̧na̧'a̧mä̧ ¡Ya̧tȩtä̧ tü̧ä̧nä̧wa̧ Dio wo̧jua̧rü̧ eseäkuäwätä ja̧'a̧, Tu̧ru̧wa̧ Jesucrito-nä̧tä̧ mo̧ro̧ kki̧ä̧mü̧nä̧! A̧mȩ.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

Apocalipsis 5:6

Ja̧'wa̧nü̧ ja̧'a̧, ruwo dȩä̧kä̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, a̧ci̧a̧nu̧tu̧'i̧nä̧ ttü̧'kä̧tȩ kkä'ko ü̧ja̧'a̧ topinü̧sä̧, ya̧tȩ oweja mü̧ä̧ya̧ mikuäwächünä̧ kuä'ü ttikuinä̧ku̧, 'kua̧rü̧nä̧ wa̧ ü̧ja̧'a̧. Jua̧u̧mä̧ ä̧ja̧wi̧yä̧ okämä̧ kko̧ro̧mü̧ttü̧nü̧ tokäre jo̧mȩnä̧ kki̧nä̧ku̧ ja̧'wa̧ta̧nü̧ ü'äriyämä̧ kko̧ro̧mü̧ttü̧nü̧ torere jo̧mȩnä̧ kki̧nä̧ku̧, juätütä ji̧na̧'a̧ kko̧ro̧mü̧ttü̧nü̧ ta̧ju̧ jo̧mȩnä̧ Dio isotü epíritu-tu̧ pi̧jä̧ra̧'a̧ o'kajuiyünä̧ wȩi̧nä̧u̧mä̧.

Apocalipsis 1:6

Ja̧'wa̧nü̧ jȩpü̧ kku̧nu̧ rȩjȩ ruwotü jü̧nä̧, sacerdote-tü̧ jü̧nä̧ Jä'o Dio iyinä̧u̧jä̧; ja̧'wa̧nü̧ ja̧'a̧ttü̧ ¡Jua̧u̧ru̧ esewätüjä̧ mo̧ro̧ kki̧ä̧mü̧nä̧, uruwo we'ürü! Amȩ́.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

Efesios 3:21

Jua̧u̧ru̧tä̧ teseäkuäwätukua igresia-ttümä̧, Crito Jesú-nä̧tä̧ pi̧jä̧ ttü̧ja̧mä̧ o'katoi'ünä̧, mo̧ro̧ kki̧ä̧mü̧nä̧. Amȩ́.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Colosenses 1:23

Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

1 Timoteo 4:16

Kua̧mü̧nä̧ pa̧ja̧tü̧'i̧nä̧ tta̧'a̧rä̧kuä̧wi̧ ja̧'wa̧ta̧nü̧ kkorotürü ku̧wo̧juȩtü̧mä̧ ttu̧'ȩpä̧rü̧nü̧ wo̧juȩti̧, o'kajuiyünä̧ adiwomȩnä̧tä̧ jȩpi̧. Ja̧'wa̧nü̧ jȩ'kuo̧mȩnä̧tä̧ ukutä'i̧nä̧, ku̧wo̧juȩtü̧ ä̧ju̧kuä̧tü̧'i̧nä̧ surojü jȩä̧kuä̧wä̧ttü̧mä̧ ttü̧ja̧kui̧'ä̧kuo̧tü̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

Apocalipsis 5:1

Ja̧'wa̧ta̧nü̧ ruwo deäkänä̧ pü̧ u̧mü̧ u̧wo̧jua̧'aku̧nä̧ kuyäru'tä to̧rä̧dä̧kuä̧wä̧'tä 'chu̧ä̧ra̧'a̧ topinü̧sä̧ wä̧mȩnä̧'i̧nä̧, jakuänä̧'i̧nä̧ wȩyu̧kuä'tä ja̧'wa̧ta̧nü̧ juä'tänä̧mä̧ kko̧ro̧mü̧ttü̧nü̧ todäre jo̧mȩnä̧ sello pättünä̧ ta'ü mü̧'ȩpü̧ ikuäwa'a ji̧na̧'a̧.

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.